Jeremias 22:15 - Biblia Dc en Mixe de Quetzaltepec

¹⁵ ¿Jëtu'un mmay mtajyë ko tu'uk yajkutujkpë ajë kepynyawopy mëpaat y'ëne'emyë? Yë mteety oy ojts jyuuky'äty jä'äkyëjxm ko oy ojts winë tnipaye'ey ets mëtëy win tuuny, paatykyëjxm jotkujk jyuuky'äjty.

Biblia Mixe de Quetzaltepec

¹⁵ ¿Jëtu'un mmay mtajyë ko tu'uk yajkutujkpë ajë kepynyawopy mëpaat y'ëne'emyë? Yë mteety oy ojts jyuuky'äty jä'äkyëjxm ko oy ojts winë tnipaye'ey ets mëtëy win tuuny, paatykyëjxm jotkujk jyuuky'äjty.

Jeremias 22:15 ပူးပေါင်းရင်းမြစ်များ

2 Samuel 8:15

Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

2 Reyes 22:2

Ja tyu'unën kyajpxën ja Josías oy ja Wintsën t'ijxy, jä'ä ko yë'ë oy winë tuuny tä ja y'apteety David winë tuunyën, yë'ë ka'ap ojts ma tii tuuntëkoy.

2 Reyes 23:25

Ka'ap ojts nitu'uk jëtu'unpë yajkutujkpë y'ëk'ijnë tä ja Josías ëmuumtu'ukjot jyotwinpijtyën ets ja Wintsën tmëtuuny winë aaw winëjot ets mëët tu'kë'ëyë ja jyot wyinma'any; jëtu'un tä ja tëyajtën myinyën kuja'ay mëti'ipë ja Moisés yajmooyën.

1 Crónicas 3:15

Josías y'u'unk y'ëna'k jä'ä xyëëwajtë: Johanán ja kä'äxkopk; mëmäjtsk Joaquim, mëtëkëëk Sedequías ets ja mëmajktaxkpë Salum.

2 Crónicas 34:2

Yë Josías oy winë tuuny ma Wintsënën, jëtu'un tä David oy winë tuunyën, mëti'ipë yë'ë y'ap'ajt y'ok'ajtën, Josías ka'ap yë jyot wyinma'any tkë'ëyäjky ma ëxëëkpën.

2 Crónicas 35:22

E yë Josías ka'ap kyäjpxyjyä'äykyujkëy, ni'ikyë ojts jyotmëktä'äky ets koonëm tsyiptuna'any oy jëtu'un jyayaj'ënëmaay, mëti'ipë ënety ja Wintsën kë'ëm të kyexyën, tääts tyëjkëy mëët tsiptuunpë jam Meguido,

2 Crónicas 35:26

Yë Josías yë nyikäjpxy nyimëtyä'äky ets tëkokyë mëti'ipë oy tyuunën jëtu'un tä ënety myinyën jap kuja'ay ma ja Wintsën ja nyokyën mëti'ipë pyatën,

Proverbios 20:28

Tu'uk yë yajkutujkpë janty mëk jam y'ity ma yajkutukyën, ko tuny winë mëët ja oyjyot oywyinma'any ets mëët ja tëyajtën.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Proverbios 25:5

Jëkäx yë ëxëëk ja'ay ma yajkutujkpën, ets mëtëy tunëty ja nipaye'eyën.

Proverbios 29:4

Yë yajkutujkpë mëti'ipë yajxon nipaye'eyë tyuunpyën; yajmëktäkpy yë kyajpn; e mëti'ipë je'eyë yajtsoowpäjtääpyën winë, ëxëëk yë nyaax kyajpn tyajjaty tyajkëpety.

Proverbios 31:9

Nikajpxtu'ut ets nipaye'ey; kuwa'an yë ëyoopëja'ay ets mëti'ipë yu'unk naxym ja'ay'ajtpën.

Eclesiastés 10:17

Oy tsuj yë naax kajpn yajpaaty mëti'ipë yë kyutujkpë oy winë tyuunpyën ets mëti'ipë yë wyintsëntëjk kaaytyëpën uktëpën ma nyikutukyëtyën ets paatykyëjxm kyäytyë ko yuu'ookëtë ets ka'ap yë'ëkyëjxmëty ko nyäyajmu'uka'anëtë.

Eclesiastés 2:24

Yi'iyë mëpaat yë naaxwiinyëtë ja'ay mëpaat tuny ets kyäyëty y'uukëty ets tukxoonta'akëty mëti'ipë nyijëtu'unëpën, jä'ä ko yi'iyës të nwinjawë ko tääpë yë'ë Dios yäjkpy.

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 22:18

Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënety y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 42:6

Oy ëëts n'oyjyawë nka'oyjyawëtëty wi'ix y'ëtsoyën, yë nWintsën'ajtëm Dios, yë'ëjës nmëmëtowantëp mëti'ipë yaj'awa'kpën ets oy tsuj njuuky'atëtyës.

Jeremias 7:5

Pën miitsëty myaj'o'oyëtëp yë mjuukyajtënëty ets mjot mwinma'anyëty ets mëtëy winë xytyuntë xykyajpxtë ma mjëëky mmëku'ukëtyën,

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.