Jeremias 22:13 - Biblia Dc en Mixe de Quetzaltepec

¹³ Janty mon janty tuk mijts myajpaaty, jä'ä ko ka'ap tii mëtëy xynyipaye'ey, yë mkëmoon tëjk yë'ë të xytyukkojy ja ëxëëk winma'any, ko ja ja'ay nëkoo të xytyätyyajtuny ets ka'ap të xymyëjuy ijxtëm pyäätyën.

Biblia Mixe de Quetzaltepec

¹³ Janty mon janty tuk mijts myajpaaty, jä'ä ko ka'ap tii mëtëy xynyipaye'ey, yë mkëmoon tëjk yë'ë të xytyukkojy ja ëxëëk winma'any, ko ja ja'ay nëkoo të xytyätyyajtuny ets ka'ap të xymyëjuy ijxtëm pyäätyën.

Jeremias 22:13 ပူးပေါင်းရင်းမြစ်များ

2 Crónicas 36:4

Ja yajkutujkpë mëti'ipë jap Egiptë tso'onpën yë'ë ojts tpëjktä'äky ënä'ämpë jam Jerusalén, ja Joacaz ja y'uty mëti'ipë txëëwajtpën Eliaquim, je'eyëp ko ojts txëëwkuwitsy ets ojts tijy Joaquim, e ja Joacaz ojts tyajnëjkxy jap Egiptë.

2 Crónicas 36:5

I'px mëkoxk ënety Joaquim jyëmëjt ko ojts tyëkë yajkutujkpë ets jä'ä ojts y'ëne'emy jam Jerusalén majktu'uk jëmëjt. Je'eyëp ko yë'ë ka'ap ojts oy winë tuny ma Wintsënën.

Job 31:39

Pën tëë tii pën nmä'tsës mëti'ipë myëët'ajtypyën, ëkë pën tëë nëkoo nayajnatëkëtunyës yë naaxtuunpë ja'ay,

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Jeremias 17:11

Mëti'ipë ja'ay nätyukyajkumeentyakëpën ja wit meeny ka'apë të tnituntën, jëtu'un yë nyäxy tä tu'uk yë pakëtseyën mëti'ipë wiink jëyujk yë tyaa nyimaajëpën. Ma ënety yajxon të myëjaawtëkën, jää nëjkx tyëkooytyä'äy ja kyumeenyajtën, tääts nëjkx je'eyë jyaak jëtity ja'akyupojën.

Jeremias 22:18

Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënety y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

Miqueas 3:10

mëti'ipë ja Israel kajpn kyojtëpën, mëti'ipë näjyëtu'un yajtijpën Sión kopk ma ja yajja'ay'o'kpë tsyëënëtën.

Habacuc 2:12

Janty mon janty tuk mijts myajpaaty jä'ä ko yë'ë mëët ja mnaax mkajpn të xykyojy ja ëxëëkajtën ets ma ka'ap tii mëtëy të xypyaye'eyën.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Deuteronomio 15:13

Ko jam tsyoonëty ma mjëën mtëjkën, këtii jëtu'unyë xynyajts'ixëty.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.