Jeremias 21:13 - Biblia Dc en Mixe de Quetzaltepec

¹³ Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Biblia Mixe de Quetzaltepec

¹³ Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Jeremias 21:13 ပူးပေါင်းရင်းမြစ်များ

Salmos 125:2

Jëtu'un tä kopk na'ëwtitën yë Jerusalén kajpn, jëtu'un yë Wintsën na'ëwtity yë nyaax kyajpn tyimtso'ontä'äky tyam ets kë'ëyxyëëw kë'ëyjyëmëjt jëtu'un y'ity.

Éxodo 13:20

Yë Israel ja'ayëty jam tsyo'ontë Sucot ets jya'ajtë jam Etam, ma ojts jam wäänë y'itën. Jam Etam ëka'any tsyo'ontä'äky ja të'ëts'it.

Éxodo 13:8

Jä'ä xëëw nëjkx yë m'u'unkëty m'ëna'këty xytyukmëmëtya'aktë. Ya'atë yajtunyën yë'ë yajtukja'amyäjtsp ko ojts ja Dios mëj këjää winë tuny tkäjpxy ma ëëtsëtyën, koos jap xyajpëtsëëmtë ma Egiptë kajpnën.

Isaías 22:1

Ma yaj'akäjpxyën wi'ix jyata'any kyëpäta'anyën ja mëj joyjyot ma yajwinkëma'ayën winë: ¿Tiitën tuunëp jajtëp, wi'ix ko ja'ay aak tëjkëjxy pyäjta'atë?

Jeremias 17:3

ets jam muum aayjyotm ujtsjotm. Mëët ja nëë poky mëti'ipë të xytyunyën, mijts mniminanëp yë mä'tspë ets tyajnëjkxta'aja'any ja mwit mmeeny ets mëti'ipë pëjkë'ëky myaj'ijtypyën, wa'ats tyajnëjkxta'aja'any, ja mpëjktä'äky mëti'ipë jam muum myaj'ijtypyën tunkëjxm kopkëjxm ets ma tëkokyë ja m'itjot mnaaxjotmën.

Jeremias 21:5

Ëjts kë'ëm tsiptunaanp ets miitsëty nipëtë'ëka'antë mëët yë mëk'ajtën, tsip äkë ets joot'an.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Jeremias 50:31

Yë Wintsën mëti'ipë maaytyääyëpën winë, jëtu'un y'ënä'äny: Naax kajpn mëti'ipë amëj akëjxm kajpn'ajtpën, tëë nmëtsiptsoony; tëë tpaaty ja xëëw jëmëjt ma xykyumëtowëtyën yë mpoky.

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.

Lamentaciones 4:12

Yë yajkutujkpëtëjk mëti'ipë ënä'ämtëpën naaxwiinyëtë apëtsëmy, nitu'uk ojts tkamëpëktë ko yë mëtsip jëna'a tnitëkëty yë Jerusalén kajpn.

Ezequiel 13:8

Paaty ëjts maas nWintsën'atyën jëtu'unës n'ëna'any: Miitsëty ko xynyikajpx xynyimëtya'aktë ka'apë tyiyëtyën ets mëti'ipë m'antijtëpën xy'ixtë ka'ap myëtëyëty, ëjts mëtsipës n'awinpity ma miitsëtyën. Ëjts Wintsën ëjts ënaanp.

Ezequiel 21:3

jëtu'un xy'ënëëmëty: Jëtu'un yë Wintsën y'ënä'äny: Ëjts mëtsipës yam n'awinpity ma mijtsën ets nkupujxta'aja'anyës yë ja'ay, yë'ëpaat mëti'ipë ka'ap pyokymyëëtëtyën ets mëti'ipë pokymyëëtën.

Ezequiel 34:10

mëti'ipë yam ëjts Wintsën miitsëty ntukmëmëtya'akantëpën: Miitsëty kupixyny këwent'ajtpë, mmëtsipës yam näpyëjktä'äkyë ma miitsëtyën ets yë'ë yam ntukpatëkëjantëp ja nkupixynyës; mpëjkëjantëp yam ja tuunk ma mkupixynykyëwent'atën, këtiipë kë'ëm mtsyätynyäkyëwent'atëtëty; mpëjkëtya'ajantëp yam yë nkupixynyës këtiipë xytsyu'tsta'atëty.

Ezequiel 5:8

Paatyës yam n'ëna'any, ëjts Wintsën: Ëjts nän mëtsipës yam n'awinpita'any mëët mijts, Jerusalén; ntëytyunäämpy yam ets y'ixtëp yë wiinkëtypë naax kajpn,

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Nahúm 2:13

Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.