Jeremias 20:7 - Biblia Dc en Mixe de Quetzaltepec

⁷ Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.

Biblia Mixe de Quetzaltepec

⁷ Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.

Jeremias 20:7 ပူးပေါင်းရင်းမြစ်များ

2 Reyes 2:23

Ënet ojts ja Elisejë jam tsyo'onë ets jam nyëjkxnë Betel. Jam ënety jëtu'un tu'ujotm wyimpety, ko jam nimay ëna'ktëjk kyu'ujtë ets tyëjkëtyë xikpë, jä'ä tyukxiktëp ja Elisejë, tä tjanty ënëëmëtë: Kutë'kx tsojk winpät.

Job 12:4

Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Dios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Job 30:9

Tyam je'eyë xynyëxi'ik xytyukxi'iktës, je'eyë tyajxi'iky kyojtë yë njuukyajtënës.

Salmos 119:51

Yë ja'ayëty ëxëëkpë jyot wyinma'anyëtyën janaam jatsojk xyajjoot'anpëktës e ka'apës n'ëxmatsy yë m'ijxpëjkën.

Isaías 8:11

Nkë'ëkëjxyës yë Wintsën të xytyimmatsy etsës të xy'ënëëmë ko ka'apës tääpë ja'ayëty mëpaat yë nyë'ë tyu'u npanëjkxë. Jëtu'un të xynyëëmës:

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

Jeremias 15:18

¿Wi'ix ko ja npëjkënës n'ijxënës ka'ap myony, wi'ix ko yë ntsëtyutës ka'ap tsyooymyäy ets oy jyatsooypyety, nijënu'un kyatso'oky? Jëtu'un të m'awinpijnë tä nëëjën mëti'ipë täämjëtijtpën, ka'ap oy ntukjotkujk'ajtmëty.

Jeremias 17:16

E ëjts, ka'apës nëkoo mijts nyajjotkëxy ets ëyo'on jotmay tpaatëty ets nkatsojkpyës ëxëëk jyatëty kyëpätëty. Mijts wa'ats xynyijawë wi'ixës të n'ëna'anyën jä'ä ko mijts mwintuuy nkajpxpëtsëëmyës.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

Jeremias 38:19

Ënet ja Sedequías y'ëtsooy: Yë'ëjës ntsë'këtëp yë Judío ja'ayëty mëti'ipë të tpuwa'akëtën yë Caldeo ja'ayëty. Ko ëjts nnäkyë'ëyakëtëty ma yë'ëjëtyën, ëxëëkës nëjkx xytyuntë.

Lamentaciones 3:14

Aak je'eyës nja'ay xynyëxik xytyukxiknë; janaam jatsojk aak'ëjts yajnikajpxp yajnimëtyakp.

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Jonás 4:2

Tä ja Dios ojts tmëkäjpxy ets t'ënëmaay: Ëk'ix Dios, ëjts tim ënaanpës jëtu'un, ko ënety jëtu'un jyata'any kyëpäta'any, ka'anëm ënety jam ntsoonyës nkajpnjotmës. Paaty ojts jam n'ëknëjkxpës Tarsis, jä'ä ko nija'apës ko mijts yu'unk naxym mTios'aty ets poj'am mpa'ëyoy; mijts ka'ap pojën mjoot'anpëky, ni'ik yë mtsojkën mja'awën kyëjääjëty; oy ja tëytyu'unën të xyanikäjpxy mpa'ëyoopy jatëkok ja pokyjyä'äy.

Miqueas 3:8

E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

Hechos 17:32

Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënety jatëkok xyjyaaknikäjpxy.

1 Corintios 9:6

¿Ëkë Bernabé ets ëjts ka'apës jëtää xypyaatë xy'ixtëtyës ja naax kajpnë?.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.