Jeremias 20:4 - Biblia Dc en Mixe de Quetzaltepec

⁴ Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënety ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Biblia Mixe de Quetzaltepec

⁴ Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënäty ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Jeremias 20:4 ပူးပေါင်းရင်းမြစ်များ

Jeremias 29:21

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un tnikäjpxy ets të yajnimëtyä'äky yë Ahab, yë Colaías yë myaank ets Sedequías, yë Maaseías yë myaank, mëti'ipë mwin'ë'ënëtëpën mëët yë Wintsën xyëëwkyëjxm: Ëjts nyajkutukäämpy ets Nabucodonosor yajkutujkpë ëxëëk tyunëtëty ets yaj'ookëtëty miits mwintuuy.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 6:25

Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Salmos 73:19

Tsojkyë nëjkx kyutëkoytyë. Yë tsë'ëkë yë'ë nëjkx yajkëxëtë.

2 Reyes 25:7

y'ijx ja Sedequías ko ja y'u'unk y'ëna'k yajyo'kpujxtë ets y'o'ktë tyëkooytyë. E ja Sedequías ajuuky ojts tmënëjkxtë jam Babilonyë.

1 Samuel 2:33

E nëjkxëpës tu'uk mäjtsk nyajwë'ëmy yë mjëëky mëku'uk winkon maas yë nwintsë'këntyaknën ets ëxëëk nëjkx nyäyjyawëtë mëët ja nämyëtsip'atë, ka'ap nëjkx ninu'un tii oy t'ixtë ets ka'ap nëjkx jyotkujk'atë yë jyot wyinma'anyëty; ja wiinkpë ja m'u'unk m'ëna'këty, ja'ay nëjkx yaj'ookëtë.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 13:19

Yë Négueb kajpn tëë ja myëtsip yajnatujkta'ayë; ka'ap ni pën jam nyäxy. Yë Judá ja'ayëty wa'ats të yajmënëjkxta'atë tsumy matsy wiink kë'ëy wiink kajpn, ni'ëmukë të yajmënëjkxta'atë.

Jeremias 20:6

E mijts Pashur, nëjkxëp myajmënëjkxy tsumy matsy jam Babilonyë, mëët yë m'u'unk m'ëna'k m'u'unk mto'oxytyëjk. Jam nëjkx mnaaxtëkë mëët ja mja'ay mëti'ipë mëët oy të mnäjyawëtyën ets mëti'ipë të xywyin'ëënyën mëët ja tëkatsypë ja käjpxynyajxën.

Jeremias 46:5

E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Jeremias 52:24

Ja mëti'ipë nyiwintsën'ajtypyën ja këwen'ajtpëtëjk, ma ja kutujktaknën, ojts tmatsy ja Seraías, ja teety wyintsën; ojts tmatsy näjyëtu'un ja Sofonías, mëti'ipë ja Seraías paye'eyëpën ets nitëkëëk ja ja'ayëty, mëti'ipë ja tsajptëjk ijty këwent'ajtëpën.