Jeremias 20:16 - Biblia Dc en Mixe de Quetzaltepec

¹⁶ Wä'än tääpë naaxwiinyëtë ja'ay jëtu'un tjaty tkëpety tä yë kajpnën mëti'ipë yë Wintsën xëmëkyëjxm të tyajkutëkoyën. Wä'än jopyëp tmëtoy wi'ix ja'ay tmëjë'ë tmëya'axtën yë pëjkën ijxën; ko kyujkyxyëëwënë wä'än tmëtoowpaaty wi'ix ja'ay y'aya'axtën ko tsip tyunyë,

Biblia Mixe de Quetzaltepec

¹⁶ Wä'än tääpë naaxwiinyëtë ja'ay jëtu'un tjaty tkëpety tä yë kajpnën mëti'ipë yë Wintsën xëmëkyëjxm të tyajkutëkoyën. Wä'än jopyëp tmëtoy wi'ix ja'ay tmëjë'ë tmëya'axtën yë pëjkën ijxën; ko kyujkyxyëëwënë wä'än tmëtoowpaaty wi'ix ja'ay y'aya'axtën ko tsip tyunyë,

Jeremias 20:16 ပူးပေါင်းရင်းမြစ်များ

Jeremias 18:22

Mijts ajotkumonë mtuknikäxëp may mä'tspë; yajmëtowëp ko nyëya'ax yujkya'axtëty mëët ja mëktsë'ëkë. Jä'ä ko tëë tajtë o'kpë jut maas xyajnaaxtëkëja'antën, tëë tpëjkta'aktë o'ktakn yu'utsypë maas jeexyë nkuka'anaxyën.

Jeremias 18:8

Ko tu'uk yë kajpn t'ëxmatsëty ja ëxëëktu'un ëxëëk kajpxën, ëjts ka'apës ntuknikäxëty ja ëyo'on jotmay mëti'ipës të njatuknipëjktaakën.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Jeremias 26:13

Yaj'oyëtë yë mjot mwinma'anyëty ets mtu'unënëty mkajpxënëty, mëmëtowtë yë Wintsën mëti'ipë miits mTiosajtëpën, këtiipë ja ëyo'on jotmay mtuknikäxëtëty mëti'ipës të nikäjpxyën.

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

Lamentaciones 4:6

Yë nnaax nkajpnës yë y'ëxëëktu'un y'ëxëëk kajpxënëty nëkooyë të kyëjääjënë këtiinëm jyëtu'un'ajtë yë Sodomë kajpn, mëti'ipë ojts poj'am kyutëkoyën ets mëti'ipë ka'ap pën nyitëkëtyën.

Ezequiel 21:22

Ma y'a'oykyë'ë ja ti'pxnkepy tukni''ixyën yë Jerusalén kajpn, jëtu'un yajja'akyukë ko yë'ë nyitëkëjäämpy, yajja'ay ookaanp, tsiptunaanp ets tyajkutëkoyä'äny ja naax kajpn ets twinwëëtëty ja potsy ma tnipätëtyën ja kajpn ets tyajnatujkta'atëty.

Oseas 10:14

nëjkxëp ja'ay nyänyipëtë'ëkyë ma mnaax mkajpnën ets tëkokyë ja mnaax mkajpn mëti'ipë ënety ta'tspëky ets këwent'aty mëët'ajtypyën nëjkxëp kyutëkooytya'atë, jëtu'un tä ojts kyutëkoyën ja kyutujkën ja Bet-arbel mëti'ipë jam Salmán ënä'ämpën ko ojts ja tsip y'ity ets ko ojts ja taak y'ooky tyëkoy mëët ja y'u'unk.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Amós 2:2

Paatykyëjxmës nno'oka'any yë Moab yë y'itjot ets tääpë jëën yë'ë nyo'okäämpy yë kutujkëntëjk mëti'ipë jamën Queriot; ets Moab ja'ayëty nëjkxëp y'ooktë tsipjotm, ma ënety yajtukxu'uxyën ja tsajpkaawaj.

Amós 4:11

Ojts ntukyajkutëkoytyë ëyo'on jotmay tä jam tyuunën jyajtën Sodomë ets Gomorra; jëtu'un yaj'ijxy tä ja'ay jëëntyuk tkajppëtsëmyën jëënjoty; e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Jonás 4:2

Tä ja Dios ojts tmëkäjpxy ets t'ënëmaay: Ëk'ix Dios, ëjts tim ënaanpës jëtu'un, ko ënety jëtu'un jyata'any kyëpäta'any, ka'anëm ënety jam ntsoonyës nkajpnjotmës. Paaty ojts jam n'ëknëjkxpës Tarsis, jä'ä ko nija'apës ko mijts yu'unk naxym mTios'aty ets poj'am mpa'ëyoy; mijts ka'ap pojën mjoot'anpëky, ni'ik yë mtsojkën mja'awën kyëjääjëty; oy ja tëytyu'unën të xyanikäjpxy mpa'ëyoopy jatëkok ja pokyjyä'äy.

Sofonías 1:16

pujxnxuxn jää nä'ämaanp, yë'ë ënety jää mëk yajni'ënä'ämëp jëën tsip ets yajnitëkëty ja naax kajpn mëti'ipë këwent'atyën ets ta'tspëky yajpatpën ets mëti'ipë myëët'ajtypyën yë kyëjxmpotsy.

Lucas 17:29

e ko ja Lot tsyo'ony jam Sodomë, ënät ja nëë tuu jam tsajpkëjxm tsyo'ony mëti'ipë no'kpën mëti'ipë tsääpyën ets ni'ëmukë ja ja'ay nyaax'o'ktaaytyë.

Deuteronomio 29:22

Ja m'u'unk m'ëna'këty m'u'unk m'okëty mëti'ipë ok minan ja'tantëpën ma miitsëtyën ets ja jaaypyaat jaaypyo'kxyëty nëjkxëp t'ixtë, wi'ix ënety ja pa'am ëyo'on jam ja Dios tkexyën ma ja it naaxwiinyëtën.

Deuteronomio 29:23

Ets t'ixtëty ko ja naaxwiinyëtë je'eyë ënety të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

2 Pedro 2:6

Näyjyëtu'un ja Dios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënety juuky'atantëpnëm.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.