Jeremias 20:1 - Biblia Dc en Mixe de Quetzaltepec

¹ Ko ja Pashur, Imer yë myaank, mëti'ipë teety'ajtpën ets mëti'ipë tsajptëjk këwent'ajtpën, tnija'awëy wi'ix ënety ja Jeremías të kyäjpxynyäxyën,

Biblia Mixe de Quetzaltepec

¹ Ko ja Pashur, Imer yë myaank, mëti'ipë teety'ajtpën ets mëti'ipë tsajptëjk këwent'ajtpën, tnija'awëy wi'ix ënäty ja Jeremías të kyäjpxynyäxyën,

Jeremias 20:1 ပူးပေါင်းရင်းမြစ်များ

2 Reyes 25:18

Ja ja'ay mëti'ipë ja tsiptuunpë nyiwintsën'ajtypyën, ojts näjyëtu'un tmatsy ja teety wintsën mëti'ipë txëëwajtpën Seraías ets ja Sofonías, nän teety näjyëtu'un mëti'ipë ënety mëët tyunyën ets ëpëky tëkëëk ja tsajptëjk kutuunk mëti'ipë ijty ja tsajptëjk'aaw y'atënaaytyëpën ets kyëwent'ajtëpën.

1 Crónicas 9:11

Azarías, myaank yë Hilquías, myaank yë Mesulam, myaank yë Sadoc, myaank yë Meraiot, myaank yë Ahitub, mëti'ipë jap mëj'äämpy tuumpën ma ja Wintsën ja jyëën tyëjkën;

2 Crónicas 35:8

Näyjyëtu'un ja wintsëntëjkëty ojts näjyëtu'un tyajktëpë ja jyä'äjëty ma ja mayjyä'äyën ets tmooytyë ja Leví ja'ayëty ets ja teetytyëjkëty. Ja Hilquías, Zacarías ets Jehiel, mëti'ipë kyë'ë'am'ajtëpën ja tsajptëjk; ojts tmo'otë ja teetyëjk mäjtsk mil ja kupixynyëty, tsajppaxëty ets tëkëëk mil yë tsajpkaa ets tyajtuntëty ma ja ëmaayxyëëw yajmëjjawën;

Jeremias 20:6

E mijts Pashur, nëjkxëp myajmënëjkxy tsumy matsy jam Babilonyë, mëët yë m'u'unk m'ëna'k m'u'unk mto'oxytyëjk. Jam nëjkx mnaaxtëkë mëët ja mja'ay mëti'ipë mëët oy të mnäjyawëtyën ets mëti'ipë të xywyin'ëënyën mëët ja tëkatsypë ja käjpxynyajxën.

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

Jeremias 37:15

Tääts tnipëtë'ktë ja Jeremías, ojts twoptë ets tsuumtë jam ma Jonatán yë tyëjkën, mëti'ipë jääpyën, ja tyëjk pujxntëjk ijty wyä'äny.

Hechos 4:1

Tam ënety ja Pedro ets ja Juan ja ja'ay tmëëtmëtya'aktënëm, ko jyajtë ja teetytyëjkëty ets ja mëjtsajptëjk këwent'ajtpë wintsënëty ets ja saduceostëjkëty.

Hechos 5:24

Ko jëtu'un ja ayuk tmëtoowtë ja teety wintsënëty ets ja mëjtsajptëjk këwent'ajtpë wintsënëty, ka'ap tmëwinma'anypyatë, je'eyë tmëmay tmëtajtë wi'ix kyukëxëja'any ya'atë winë.