Jeremias 2:31 - Biblia Dc en Mixe de Quetzaltepec

³¹ Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Biblia Mixe de Quetzaltepec

³¹ Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 2:31 ပူးပေါင်းရင်းမြစ်များ

1 Reyes 11:22

E ja yajkutujkpë tyaa ja y'ëtsoowë: ¿Tii ko mwinpita'any ma ja mnaax mkajpnën? ¿Ëkë jää yaa tii mtëkoy'ajtxëtyë? Tä ja Hadad y'ëtsooy: Ka'apës yaa tii xytyëkoy'ajtxë, yi'iyës mpëjktsoopy etsës xy'ëwa'atsëty yë ntu'u wä'änës n'ëknëjkxy maas yë nnaax nkajpnën.

2 Crónicas 31:10

ets y'ëtsoowë ja teety Azarías, ja Zadoc ja jyä'äy: Maju'unëm ja'ay may winë tmëmintën, ka'apës tii të xytyëkoy'ajtëtë, ni'ikyënëm winë të nyatëkë may'äämpy; tëkokyë mëti'ipë të nyatëkën aakyë'ë mëti'ipë Wintsën të tkënu'kxyën.

Job 21:14

Jëtu'un yë Dios t'ënëmaaytyë: Jotkujk ëëts yajjuuky'ajtëk, ka'apës nijawëja'antë mëti'ipë m'ënä'ämën'ajtypyën.

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Dios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Salmos 12:4

mëti'ipë maaytyëp tajtëpën: Yi'iyë ko wiin aaw yajmëëtëty, yë'ë yajtukmëtakp, yë yä'än yë'ë kuwaanp. ¿Pën xy'ëk'ënä'ämëp?

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 2:25

Israel, këtii nëkoo tekywya'ats mjëtity, ijxkëm yë mteky xyajtsëtyuty, këtii nëkoo myo'ktsum mnätyukyo'ktsukyë. Mijts je'eyë m'ëtsooy: Ka'ap, ka'apës tii xyjäty; ëjts jaaypyaat jaaypyo'kxy n'oyjya'apës ets yë'ëjës ninëjkxäämpy.

Jeremias 5:5

Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënety të tkäjpxykyumëtoownaxtë ja Dios, ka'ap të tkupëktë ets tmëmëtowtëty.

Jeremias 5:6

Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.

Oseas 13:6

E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënety tkapaaty ma ja mëk ujx nyaxa'anyën; jää xëëw jää jëmëjt ma ënety yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Miqueas 6:9

Yë'ë yë Wintsën myëkäjpxyp yë naax kajpn, wijyajtën ënety yajmëët'ajtp ko yaj'amëtoow'itëty mëët yë winkutsë'kën. Mëtoow'itë miitsëty naax kajpn ets miitsëty näs'ë'ëw mnaskajpxëtë.

1 Corintios 4:8

Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 32:18

Mijts Israel ja'ayëty tëë ja mteety xyjyä'äytyëkooynyë, mëti'ipë mkëwent'ajtëpën. Tëë xyjyä'äytyëkooynyë ja mTios mëti'ipë juukyajtën mooyëpën.