Jeremias 2:28 - Biblia Dc en Mixe de Quetzaltepec

²⁸ Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Biblia Mixe de Quetzaltepec

²⁸ Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Jeremias 2:28 ပူးပေါင်းရင်းမြစ်များ

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 46:2

Tam ja awinax mëti'ipë u'upyën ets tam mëti'ipë tëë tyëjwä'kxyën, ka'ap tjëkyepy wi'ix nyäyajtso'okëtëty, ets yë'ëjëty jam yajmënëjkxtë të'ëts'itjotm.

Isaías 46:7

Tmëjëtitë ënät kyejkyijxy ets tmënëjkxtë muum; ma tmëja'tën, kepykyijxy tkëxkë'ëtë ets jam tyajwë'ëmtë; jam y'ity, ka'ap maa nyijkxy. Oy jënu'un tmëya'ax tmëjoktëty t'amëtowtëty yë näypyutëkë ka'ap y'ëtsowa'anëtë ets ka'ap yajtso'okëtëty ëyo'ontum.

Isaías 57:13

Ko ënety xy'amëtoy yë näypyutëkë, yë m'awinax ka'ap mputëkëja'anyë ets ka'ap myajtso'oka'anyë. Jëtu'unyë nëjkx wyimpapojta'atë; nëjkxëp pyojtëkooytya'atë. E mëti'ipës ënety ëjts xytyuk'ijxpäjtëpën, kajpnjoty nëjkx tsyëënëtë ets jam nëjkx tsyëënëtë maas nkopkën wa'atspë.

Jeremias 1:16

Ya'atë tëytyu'unën të ntuknipëjktaakës ma tääpë pokyjyä'äytyëjkëtyën mëti'ipës të xy'ixmatstën, mëti'ipë të tukwintoytyën ja poom ets të t'ëwtatën ja wiink tios, mëti'ipë jaaypyaat jaaypyo'kxy y'ëwtajtëpën.

Jeremias 11:12

Ënet nëjkx yë Judá ja'ayëty ets Jerusalén ja'ayëty t'amëtowtë yë näypyutëkë ma ja tyiosëtyën mëti'ipë ënety të twinno'ok të twinxamtën mëët ja poom jok, e yë'ëjëty ka'ap nëjkx myäyë yajtso'okëtëty ko ënety ja ëyo'on jotmay tyukja'tëtë.

Jeremias 11:13

Yë Judá ja'ayëty may yë tios tmëët'atë, jëtu'un tä yë nyaax kyajpn myäy'atën; yë Jerusalén ja'ayëty may yë wyintsë'këntyakn tmëët'atë ma Baal tukwintoytyën yë poom, jëtu'un tä yë në'ë tu'u jam myäyëtyën.

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Jeremias 37:19

¿Maa ënät tyam yajpaatë ja käjpxynyajxpëtëjkëty mëti'ipë ojts y'ëna'antën ko ka'ap yë Babilonyë yajkutujkpë tnitëkëja'any ya'atë kajpn?

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Habacuc 2:18

¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Habacuc 2:19

Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Deuteronomio 32:37

Ënet nëjkx ja Israel ja'ayëty t'ënëëmëtë ja myëtsip: ¿Maaxën ja mtiosëty mëti'ipë ënety mnikapxtëpën, ko yë'ë m'ijx'it mkëwent'atëtë, ets yë'ë xëmë mtimtyuk'ijxpäjtëp,

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.