Jeremias 2:21 - Biblia Dc en Mixe de Quetzaltepec

²¹ Jëtu'un ojts mijts njakojy njamä'kxy tä tu'uk yë tsatym aatsën oypyë juunpë mëti'ipë pyajk oy të pyëtsimyën. E mijts ëxëëk të mnätyunyë, ka'ap të n'ëk'ijxkajpnë.

Biblia Mixe de Quetzaltepec

²¹ Jëtu'un ojts mijts njakojy njamä'kxy tä tu'uk yë tsatym aatsën oypyë juunpë mëti'ipë pyajk oy të pyëtsimyën. E mijts ëxëëk të mnätyunyë, ka'ap të n'ëk'ijxkajpnë.

Jeremias 2:21 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Salmos 105:6

miitsëty ninu'un yë Abraham m'u'unk'at m'ok'atëtën, mëti'ipë Dios myëtuunën, miitsëty ninu'un yë Jacob m'u'unk'at m'ok'atëtën, ets ninu'un win'ixy m'itën.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Salmos 80:8

Jëtu'un ojts jap Egiptë xyajtsoontës tä tu'uk yë tsatym kyepyën, ets ojts xykyojtës ma ja kajpnën ma xy'ixkäjxtaayën ja ja'ayëty mëti'ipë ka'ap ja Dios t'ëwtatën.

Salmos 80:9

Ojts yajxon xyajni'ëwaatsë ma xypyäna'anyën, ets ja tsatym yoonë'ky ets tyiktskeky, jëtu'un tyajwintujky ja naax kajpn.

Éxodo 15:17

Wintsën, jamës yajnëjkxtëk tsënääpyë ma mtun mkopkën wa'atspë tsujpë. Jam ma ja itjotmën mëti'ipë të xywyin'ixyën, etsës jam ntsëënëtëty ma ja mtsajptëjkën mëti'ipë ojts mijts kë'ëm xykyojyën.

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Isaías 27:2

Jä'ä xëëw nëjkx ja Wintsën y'ënä'äny: Kuuy'ëw kuuya'axtë tsatsymkyam.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Isaías 5:4

¿Wi'ixës jëtää jeexyë n'ëktuny ja ntsatsym kam? ¿Ëkë wi'ixës jëtää ja ntsatsym kam të ntuny? Ëjts jä'äs të nja'ëwxity pa'akëty jeexyë të tyëëm'aty, e aak xunëty të pyëtsimy, ¿wi'ix jëtää ko jyëtu'unëty?

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Jeremias 11:16

Yë Wintsën jä'ä ojts mjatijyë olivë kepy kuxe'entypë, mëti'ipë tëëmpäjtpën. E ko ojts ja y'ënääw tyaj'ëna'any tääts mtukëtakë ets mtooypyijky, tääts tyooytyääy ja m'aay mxe'enty.

Jeremias 11:17

Ja Wintsën mëti'ipë maaytyääyëpën winë, mëti'ipë ojts mkojyën jëtu'un tä ja'ay aay kepy tkojy tmä'kxyën, tëë tuknipëjktaakë ko ja ëyo'on jotmay mtuknikäxa'anyë, jä'ä ko yë Israel ja'ayëty ets Judá ja'ayëty të pyokytyuntë ets të xyajjoot'anpëktës ko yë'ë ja Baal të tukwino'ok të tukwinxamtë ja poom jok.

Jeremias 5:10

Wä'än yë myëtsip tëkëtë ets wä'än naxmëtäänëtë yë tsatymyon oy tkatimyajkutëkoytyëty. Wä'än tnëtëjta'atë yë xye'enty, jä'ä ko ka'ap y'ëjtsëty n'ëkjä'ä'ajnë.

Lamentaciones 4:1

Tëë ja pu'ts pujxn yëkëtyä'äy. Ka'ap y'ëk'atë'kxnë. Xii yaa muum në'ëjoty tu'ujoty yajpatnë xit ko'oy, ja tsaa oyëtypë jëtu'unyë muum jyaak ka'tsnë

Ezequiel 15:2

¿Mëti'ipë ni'ik tsoowpatp ma tsatym kyepyën ko mëët yaj'ijxkijpxy wiinkëtypë kepy?

Mateo 21:33

Mëtoow'itë ya'atë wiinkpë ijxpäjtën: Tu'uk ja ja'ay ojts tpëjktä'äky ja tsyätym kam ets tnakeemy tnapëjky, ënät t'oytyuuny tu'uk ja tsyätym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk yajtukë'ëtëjkëtyë ënu'kxy ja kam ets ojts nyijkxy ëpëky it ja wintsën.

Marcos 12:1

Ënet ja Jesús yaj'ijxpëjktso'ony mëët ja ijxpäjtën ets y'ënäny: Tu'uk ja ye'etyëjk ojts tpëjktä'äky ja tsatsymkyam ets tnakeemy tnapëjky, ojts t'oytyuny tu'uk ja tsatym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk ojts tuknipëky ja kam ets ojts tsyoony nyijkxy jëkäm.

Lucas 20:9

Ënet ja Jesús tyaj'ijxpëjktso'ony ja ja'ay mëët tu'uk ja ijxpäjtën ets y'ënäny: Ojts tu'uk yë ja'ay nipëjktaakë yë tsatsymkyam ets tmooy ënu'kxy ja tuunpëtëjk ets ojts tsyo'onë.

Juan 15:1

Ënet ja Jesús jyaak mëtyäky: Jëtu'unës ëjts ijxtëm ja mëtëypyë ja tsatym aatsën, ets nTeetyës, yë'ë ja tsatym nyiyu'ujëp.

Deuteronomio 32:32

Yë'ëjëty je'eyë nëkoo wyin'ëën wyinxajtë, je'eyë ja y'ëxëëkjot y'ëxëëk winma'anyëty, tä ja ja'ayëtyën jampë tsyënaaytyën Sodomë ets Gomorra, ma janty oyëty jyayaj'ixyën ja tsatym kyepy jyayony jyajiitsy, e ko një'kxmëty xunëm, ta'amëm y'atëkë.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Josue 24:31

Yë Israel ja'ayëty myëtuuntë yë Wintsën ko jyuuky'äjty yë Josué ets ko ojts y'o'knë ojts tjaakmëtuntë, ma ënety jyaak juuky'atënëm ja mëjja'aytyëjkëty mëti'ipë y'ijxtë nyija'awëtyën tiijaty ja Wintsën tyuunën.