Jeremias 2:18 - Biblia Dc en Mixe de Quetzaltepec

¹⁸ ¿Tii ënät mtimpyaat mtimy'ixëp ko mnëjkxëty jap Egiptë ets xy'uukëty ja Nilë nëë? ¿Tii ënät mtimpyaat mtimy'ixëp ko mnëjkxëty jam Asiria ets xy'uukëty ja Éufrates nëë?

Biblia Mixe de Quetzaltepec

¹⁸ ¿Tii ënät mtimpyaat mtimy'ixëp ko mnëjkxëty jap Egiptë ets xy'uukëty ja Nilë nëë? ¿Tii ënät mtimpyaat mtimy'ixëp ko mnëjkxëty jam Asiria ets xy'uukëty ja Éufrates nëë?

Jeremias 2:18 ပူးပေါင်းရင်းမြစ်များ

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Jeremias 2:36

¿Wi'ix ko janty poj'am xytyimyajtëkatsa'any ja mja'ay mëti'ipë mëët mnäpyiky mnämyätsyën? Näyjyëtu'un ënät ja Egiptë kajpn ka'ap oy mmëtuna'anyë, tä ja Asiria kajpnën ka'ap ojts oy mmëtunyë.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Oseas 5:13

Ko yë Efraín nye'ixëtëty pëjkëp ijxëp ets Judá t'ijxpaatëty yë tsyëtyut, ënät nëjkx yë Efraín nyijkxy jam Asiria ets putëjkën t'amëtowëty ja Asiria yajkutujkpë, e yë'ë ka'ap nëjkx myäyë wi'ix yajtsokxëtëty ja pyu'uts ets ja tsyëtyut.

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.

Isaías 7:20

Nëjkxëp ja Wintsën tyajtuunkpaaty ja Sirië yajkutujkpë, jëtu'un tyajtuna'any tä tu'uk yë tsujknën mëti'ipë jëkäm tso'onpën, jamtsow y'ëwtita'any Éufrates ets yajnijäpa'antë yë Israel ja'ayëty, yajjäjpta'ajaanp yë kyëpajkëty, y'awaayëty ets o'ktëy yajpëjkta'aka'antë.

Isaías 23:3

ets mëjnëëjot. Jam ijty myeenypyaatë Sihor ets Nilë ko ja aaypyajk ujtspajk tjuytyë, ets jam tooktë ma wiinkëtypë kajpnën.

Ezequiel 16:28

E kä'äpyëm mku'uxyë paaty ojts yë mjot mnini'kx xyäky ma Asiria ja'ayëtyën ets kä'äpyëm mjotkëtäky.

2 Crónicas 28:16

Jä'ä xëëw jä'ä jëmëjt ojts yë Ahaz, mëti'ipë jam ënä'ämpën Judá tkäjpxynyikexy ja yajkutujkpë mëti'ipë jam Sirië ënä'ämpën ets t'amëtoy ja putëjkën,

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Lamentaciones 5:6

Koos nkääky n'uuky ntsojktë, jëyëjpës ojts yë Egiptë ja'ayëty ets Asiria ja'ayëty nmëtuntës.

Ezequiel 23:30

Ko naspëkë të mjuuky'äty ets ko të mkujeny'äty yë'ë tyam m'ëxëëktuunëp; mëët yë'ëkyëjxm ko ja mjot mnini'kx të xymyo'oy oypyënëty ets ko yë'ë mëët të xy'ëwtaty ja wiink tios.