Jeremias 2:17 - Biblia Dc en Mixe de Quetzaltepec

¹⁷ Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Dios mëti'ipë ijty mtu'uwinwoowëpën.

Biblia Mixe de Quetzaltepec

¹⁷ Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Tios mëti'ipë ijty mtu'uwinwoowëpën.

Jeremias 2:17 ပူးပေါင်းရင်းမြစ်များ

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

Job 34:27

jä'ä ko ka'ap të tmëmëtowtë ets ka'ap të tpatuntë ijxtëm ja y'ënä'ämën tyiyajtën jyaminyën.

Job 4:8

Ëjts yë'ëjës nija'ap, ko yë ja'ay mëti'ipë winë ëxëëk tyuunpy kyäjpxypën, nän ëxëëk jyäty kyëpety.

Salmos 107:7

ets ojts yajnëjkxëtë ma ja naax kajpnën ma jotkujk jyuuky'atëtyën.

Salmos 136:16

Mëti'ipë ojts ja nyaax kyajpn twoownëjkxyën jam të'ëts'itjotm, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Proverbios 15:10

Mëti'ipë ja'ay oynyë'ë oytyu'u y'ëxmajtsypyën, yë'ë mëët wyimpity näywyop näkya'atsë. Pën y'ëxëëkja'ap ko tii yajtukumëtoy, kë'ëm nyäyaj'ooky nyäyajtëkoyë.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Jeremias 13:22

Pën myajtëëpy tii ko jëtu'un mjaty mkëpety, mnijawëp ko yë'ëkyëjxm ko ënety të mpokytyuny. Paatykyëjxm të myajnijeny të myaj'ixjeny ets ëxëëk të mjaty të mkëpety.

Jeremias 19:4

jä'ä ko yë Israel ja'ayëty ojts xy'ëxmatstës ets ojts ya'atë it naaxwiinyëtë tyaj'awinpitë wiink naax wiink kajpn, wiink tios ojts tukwintsë'ëkëtë ja poom jok, ja tios mëti'ipë ënety ka'ap t'ixy'atën ets ja y'ap y'okëty ets Judá yajkutujkpë nän ka'ap ënety të t'ixy'atë; ojts jam tämtë tjä'ätsë ja wa'ats ja'aytyëjk ja jyot nye'pnyëty.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Jeremias 44:3

mëët ko pyokytyuuntë, ojtsës xyajjoot'anpëktë ko t'ëwtajtë wiink tios ets tukwinjojktë ja poom ja tios ka'apë ojts mteety m'ap t'ëwtatën.

Jeremias 5:25

E ja poky mëti'ipë të xytyuntën, jä'ä të tyajtëkajtsta'ay winë ets ka'ap xytyukxoonta'aktëty mëti'ipë mjapat mja'ijxtëpën.

Ezequiel 39:24

Jëtu'unës ojts ntëytyuntë tä ënety pyaatëtën ets mëët ko ënety të kyäjpxykyumëtoownaxtë ets të nyäyaj'ëxëëkëtë, ënätës nmëjëkämkäktë.

Oseas 13:9

Nyajkutëkoyäämpy yam mijts Israel ets ka'ap pën myäyëtëty t'akajpxtukëty.

Miqueas 1:5

Tëkokyë ya'atë ëyo'on mëti'ipë tunan jatanëpën yë'ëkyëjxm jëtu'un jyata'any ko yë Jacob yë y'u'unk y'ok je'eyë kyäjpxykyumëtoownaxtë, mëët ko ja nëë poky të tmëtëkëtë ja Israel ja kyutujkën. ¿Ma jëtää ënät ja Jacob mëti'ipë käjpxy kyumëtoownajxpën? Tam ja Samaria. ¿Ma jëtää ënät ja wyintsë'këntyaknëty ja Judá ja'ayëty ma t'ëwtatën ja ka'apë tiosëtyën? Näy jam ja Jerusalén.

Deuteronomio 32:10

Jam ojts tpaaty të'ëts'itjotm, ma ënety je'eyë jyëënpojyën ets naaxway je'eyë këëynyääpy, jëtu'un ojts tkëwent'aty tä u'unk maay yajpity yajmotsyën, ets yajtseeny yajkonyën, ojts yajxon tnë'ëwinwoy tu'uwinwoy, ojts mëk tkëwent'ajty, jëtu'un tä ja'ay yë wyiinsantë tkëwent'atyën, janty tii mëpaat t'ëktukpaaty.

Deuteronomio 32:19

Ko yë Dios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,