Jeremias 19:5 - Biblia Dc en Mixe de Quetzaltepec

⁵ Ojts näjyëtu'un tyajkojtë wintsë'këntyakn ma tyaka'antë nino'oky nixämy yë y'u'unk y'ëna'këty mëti'ipë ojts tukwintsë'ëkëtën yë Baal. Ëjts ka'apës ojts jëtu'un n'ënëëmëtë ets ka'ap ojts jyëtu'unëty n'ënä'ämtës, ka'ap ojts jëtu'un nmay ntajyës y'ëtë'ëtstëty.

Biblia Mixe de Quetzaltepec

⁵ Ojts näjyëtu'un tyajkojtë wintsë'këntyakn ma tyaka'antë nino'oky nixämy yë y'u'unk y'ëna'këty mëti'ipë ojts tukwintsë'ëkëtën yë Baal. Ëjts ka'apës ojts jëtu'un n'ënëëmëtë ets ka'ap ojts jyëtu'unëty n'ënä'ämtës, ka'ap ojts jëtu'un nmay ntajyës y'ëtë'ëtstëty.

Jeremias 19:5 ပူးပေါင်းရင်းမြစ်များ

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

2 Crónicas 28:3

ojts ja poom tyajjoky tyajwiixy jam ma ja joyjyot txëëwatyën Ben-hinom, ni'ikyë ja y'u'unk y'ëna'k ojts tnino'k tniixaamnë, tukwintsë'ëkë ja ëxëëkpë ku'oypyë, tuunë winë tä ja naax kajpnëtyën mëti'ipë ënety ja Wintsën të t'ëxkexyën.

Jeremias 32:35

Tëë jam näjyëtu'un yë Baal wyintsë'këntyakn tkojëtë ma Ben-hinom Joyjyotën. Jamts yë y'u'unk y'ëna'k të tyaktë kë'ëy xo'oxy ye'etyëjkpë to'oxytyëjkpë ets të tukwintsë'ëkëtë ja Moloc ets jëtu'un tyajpokytyuntë ja Judá ja'ayëty; tëë tuntë ja mëti'ipës ënety ka'ap të ni'ënä'ämën ets mëti'ipës ënety ka'ap të nmay të ntajyën.

Ezequiel 16:36

Ëjts Wintsën, jëtu'un mijts yam n'ënëëmë: Mijts ka'ap nitiitsëtyu'un xyjyawë ko mnänyijeny mnäy'ixjenyë ets të xymyëëtko'knë wä'än tpënëty, xyäky jëtu'un ja mjot mnini'kx, xymyo'oy ja wyintsë'kën ja awinax mëti'ipë m'ëwtajtypyën; tëë xytyäämë xyjyä'tsë ja m'u'unk m'ëna'k ja jyot nye'pny ko të xyäky ma jam xytyukwintsë'ëkën ja m'awinax.

Ezequiel 20:26

Ojts n'ëxmajtsnës ets nyäyaj'ëxëëktëkëtëty mëët ja wintsë'kën mëti'ipë myooytyëpën ja awinax ets yë'ëpaat ma ja y'u'unk y'ëna'këty kä'äxkopkpë tukwintsë'ëkëtë ja ka'apë tiosëtyën. Ya'atë paatyës jëtu'un ntuuny ets tsyë'ëkëtëty ets nijawëtëty ko ëjts Wintsën.

Ezequiel 38:10

Ëjts, Wintsën, ëjts ënaanp: Jä'ä xëëw jä'ä jëmëjt nëjkx ëxëëk winma'any mjotëkëty.

Daniel 2:29

Jam ënety ja yajkutujkpë myä'äy wyiitykyijxy myaapäjnkëjxy; yë'ë ënety myëmääpy myëtäjpy wi'ix ja xëëw jëmëjt myiny wyinkony, e mëti'ipë nyikäjpxypën ja mëti'ipë yu'utsy ijtpën tëë tyuknijawëty.

Deuteronomio 12:31

E miitsëty këtii jëtu'un winë xytyuntëty ma mWintsën Tiosëtyën, tä yë'ëjëty y'ëtë'ëtstën. Jä'ä ko yë'ëjëty aakjëtu'un winë tuntë tä yë Wintsën t'ëxëëk'ixyën. Yë'ëjëty ëxëëk y'ëtë'ëtstë y'ëna'antë ko yë tyiosëty tmëjjawëtë; yajknëtëp ja y'u'unk y'ëna'këty ko ja wyintsënëty ja wyintsë'kën tmo'oja'antë.