Jeremias 17:4 - Biblia Dc en Mixe de Quetzaltepec

⁴ Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Biblia Mixe de Quetzaltepec

⁴ Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Jeremias 17:4 ပူးပေါင်းရင်းမြစ်များ

Jeremias 15:14

Mëtuunpë ëyoopë nyaj'awinpita'any ma mmëtsipën, ma ja naax kajpnën ka'apë xy'ixy'ätyën, jä'ä ko ja ntsip n'äkës jëënën të tsyooypyiky mëti'ipë winë yajtooytyëkoopyën.

Lamentaciones 5:2

Aak wiink naax wiink kajpn yajpaaty mëti'ipë ijty ëëts njä'ä'ajtëpën; ja njëën ntëjkëtyës wiink ja'ay ja tyam jyä'ä'ajnëtëp.

Jeremias 7:20

Paaty ëjts maas nWintsën'atyën, tyamës n'ëna'any ko nyajkëta'akäämpyës yë ntsip n'äkë ma ya'atë kajpnën; ma ya'atë ja'ayëtyën, ma aayjëyujk ujtsjëyujkën, ma aay kepyën aay ujtsën ets ma pëjktä'äkyën. Jëtu'unës yë ntsip n'äkë nyajnaxa'any tä patoyë jëënën mëti'ipë ka'ap pën myäyëtëty tyajpi'itsëty.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Jeremias 16:13

Paaty miitsëty ntimy'ixkäxa'antë ma ya'atë kajpnën ets jam najtswopëja'antë ma tu'uk kajpnën mëti'ipë yë m'ap m'ok ets miitsëty ka'ap të xy'ixy'atën, jam nëjkx xëëny koots xymyëtuntë ja wiink tios, ka'ap n'ëkpa'ëyowanëtë nijëna'a.

Isaías 14:3

Mijts Israel kajpn, ko ënety ja m'ëyo'on mjotmay të kyixy të nyäxy, ko ënety ka'ap o'ktëy m'ëk yajpatnë ets ko ënety ka'ap m'ëk mëtuun m'ëk kupëjknë,

Ezequiel 21:31

etsës nyajkëta'aka'any yë n'äkë ma mijtsën tä jëënpatoyën ets nkë'ëyaka'any ma ja'ayën ka'apë pya'ëyoyën ets mëti'ipë yaja'ay o'kpën.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Jeremias 12:7

Tëës ja nnaax nkajpn n'ëxmajtsnë, tëëjës n'ëxwanë mëti'ipës ijty njä'ä'ajtypyën. Tëës nkë'ëyajknë ma myëtsipën ja naax kajpn mëti'ipës ijty ntsojkpy nja'apën.

Jeremias 5:29

¿Ets ënät ka'ap tkumëtowtëty mëët ijxtëm y'ëtë'ëtstënë? ¿Ets ënät ka'ap ntëytyuntëtyës ijxtëm jyä'äy'atënë? Ëjts Wintsën, ëjts ënaanp.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënety nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Nehemías 9:28

E yë'ëjëty ko nyäjya'awëtyë tëë jatëkok jyotkujkë tääts jatëkok näjyëtu'un y'ëtëtstakojnëtëpë aak ëxëëk winë tuntë mijts mwintuuy; paatykyëjxm ojts xytyim'ijxmajtsnë ma myëtsipëtyën ets ëxëëk tyuunëtë. Tääts jatëkok tpëjktsoowkojnëtëpë ja näpyutëkë ma mijtsën, ma jap m'ityën tsajpjotm e mijts mëët ja m'oyjot m'oywyinma'any ënätyë jatëkok xypa'ëyoowkojnëpë, ets janaam jatsojk xyajpëtsëmy ëxëëktuuy.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënety të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Jeremias 2:14

Yë Israel ja'ayëty ka'ap myëtuunpë'atë; ka'ap ojts yë'ë tukmin tukja'tëtë ets mëtuunpë y'itëty. ¿E yë'ë ka'ap yajwinjawë pën jëtu'un, tiitën ko myëtsip xëmë nyitëkëty?

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Jeremias 22:28

¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Jeremias 5:19

Ko ënety pën tyajtëy: ¿Wi'ix ko yë Wintsën jëtu'un të xytyu'unëmë? tääts xy'ëtsowtëty: Jä'ä ko yë Wintsën të n'ëxmajtsëmë ets ko yë wiink tios të mpanëjkxtëjkëmë mëti'ipë wiink naax wiink kajpn y'ëwtajtëpën, paaty ja wiink ja'ay të nmëtu'unëmë.

Ezequiel 7:24

Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.