Jeremias 17:24 - Biblia Dc en Mixe de Quetzaltepec

²⁴ Ëjts Wintsën, jëtu'unës n'ëna'any: Ja'aykyukëtë, mëmëtoowtëkës, këtii tsëmy kë'ëy xymyënaxtëty po'kxënxëëw ma Jerusalén kajpn yajnitëkën; tääpë xëëw kënu'kxy mëpaat nyäxy ets nitiituunk jää kyayajtunëty.

Biblia Mixe de Quetzaltepec

²⁴ Ëjts Wintsën, jëtu'unës n'ëna'any: Ja'aykyukëtë, mëmëtoowtëkës, këtii tsëmy kë'ëy xymyënaxtëty po'kxënxëëw ma Jerusalén kajpn yajnitëkën; tääpë xëëw kënu'kxy mëpaat nyäxy ets nitiituunk jää kyayajtunëty.

Jeremias 17:24 ပူးပေါင်းရင်းမြစ်များ

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Éxodo 20:8

Mja'amyätsëp xëmë yë po'kxënxëëw ets jää yë Dios xymyëjjaw xyjyäänty jyawëty.

Isaías 21:7

Kanaak yaj'ixy yë kepy wintëkäämpë myintë, kwaay pajëtujtëtëp nimäjtskjaty, yaj'ijxp näjyëtu'un tä ja'ay kwaay tuk'u'unyën, tä ja'ay jëyujk jëku'ux tuk'u'unyën.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Ezequiel 20:20

mëjjawëtëp ets wa'ats xyajnaxtëty yë npo'kxën nxëëwës; yë'ë wa'anëp ijxpäjtën ma miitsëtyën ets ma ëjtsën; jëtu'un xynyijawëtëty koos jëtu'un Wintsën, mëti'ipë m'ëwtajtëpën.

Zacarías 6:15

Nëjkxëp yë ja'ay muum jëkäm tsyoontë mëti'ipë nëjkx tyuntën ma ënety ja Wintsën ja tyëjk yajkoj'oyën; jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy. Ya'atë tunan jatanëp ko ënety miitsëty xymyëtowtë ets xypyatuntë ja Wintsën ijxtëm të y'ënä'änyën.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Deuteronomio 11:22

Pën miitsëty mpatuuntëp ya'atë ënä'ämën tëyajtën, mëti'ipë tyam ntuk'ënä'ämtëpën ets xypyatuntëty ets pën mtsojktëp mja'awëtëp yë Wintsën mëti'ipë miits mTiosajtëpën ets yë'ë xypyanëjkxtëty tëkokyë yë nyë'ë tyu'u,