Jeremias 17:18 - Biblia Dc en Mixe de Quetzaltepec

¹⁸ Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Biblia Mixe de Quetzaltepec

¹⁸ Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Jeremias 17:18 ပူးပေါင်းရင်းမြစ်များ

Job 16:14

Xiitsow yaatsowës yë njot nini'kx xyajtsëtyujtëtë, jëtu'unës xynyipëtë'ëktë tä tu'uk yë tsiptuunpë tnipëtë'ëkyën yë myëku'uk.

Salmos 35:4

Wintsëtyu'un jëjptsëtyu'un kyä'äktëty mëti'ipës xyaj'ookantëpën; wintsëtyu'un jëjptsëtyu'un kyä'äktëty mëti'ipës ëxaty të xyjyatuna'antën.

Salmos 35:8

Kë'ëm ajotkumonë tyukmina'anëtë ëyo'on jotmay; kë'ëm kyuka'anaxa'antë ma ja o'ktaknën mëti'ipë të tuknipëjktaakëtën. Wä'än twë'ëmtë jotmayjoty.

Salmos 40:14

Wä'än tsëtyu'unpaatë mëti'ipë ja ënantëpën xyaj'ooka'antës. Wä'än tkä'äktë wintsëtyu'un jëjptsëtyu'un mëti'ipës xy'ëxëëktunantëpën.

Salmos 70:2

Wä'än jëtu'unyë tkumay tkutajëtë mëti'ipës xyaj'ookantëpën, wä'än wintsëtyu'un jëjptsëtyu'un tkä'äktë mëti'ipës ëxaty xyjyatunantëpën.

Salmos 71:1

Wintsën, jam ma mijtsën jamës n'ixta'ay yë kuwa'anën; ka'ap mëpaat nijëna'a tsëtyu'unmëët nwë'ëmyës maas ja nmëtsiptëjkën.

Jeremias 1:17

E mijts jotmëk mnäpyëjkta'akëtëty; nëjkx ets xy'ënëëmëty ijxtëm të ntuk'ëne'emyën. Këtii ni pën xytsyë'ëkëty, jä'ä ko pën mijts mtsë'këp ni'ikyë nyajtsëyuuypyëka'any ma yë'ëjëtyën.

Jeremias 11:20

E mijts Wintsën mëti'ipë maaytyääyëpën winë, jëtu'un m'ity tä tu'uk yë kutuunkën mëti'ipë tii nyipaye'epyën, wa'ats xy'ixy xynyijawë yë naaxwiinyëtë ja'ay. Xytyuk'ixëpës ko ënety tääpë ja'ay xytyiytyuny, mkë'ëjotmës të npëjktä'äky yë n'amay njotmayës.

Jeremias 12:3

E mijts Wintsën wa'atsës xy'ixy'äty; mnija'ap wi'ixës nmay ntajyën ma mijtsën. Mënëjkxta'a tääpë ja'ayëty jëtu'un tä yë ja'ay tmënëjkxyën yë kupixyny ma y'o'ktaknën; tuknikä'tsta'a jëna'a tyuka'ajëtë o'kën.

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Jeremias 17:16

E ëjts, ka'apës nëkoo mijts nyajjotkëxy ets ëyo'on jotmay tpaatëty ets nkatsojkpyës ëxëëk jyatëty kyëpätëty. Mijts wa'ats xynyijawë wi'ixës të n'ëna'anyën jä'ä ko mijts mwintuuy nkajpxpëtsëëmyës.

Jeremias 17:19

Jëtu'unës yë Wintsën xy'ënëmaay: Nëjkx ets jam mwa'ak'oyëty ma kajpn yajnitëkën, ma tyëkëtën pyëtsëmtën yë yajkutujkpëtëjk mëti'ipë jam Judá ënä'ämtëpën, jëtu'un xy'aye'eytya'ajëty yë tëjk'aaw maajaty yajpaatyën, ma kajpn yajnitëkën jam Jerusalén.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënety o'ktëy jyatë kyëpätë.

Deuteronomio 33:11

Wintsën mijts mkënu'kxëp tääpë ja'ayëty, ma jyot myëjaaw tyajtuntën, mijts m'ëxaj mkupëkëp mëti'ipë mtuknimiinëtëpën ets mëti'ipë yajnimëjaawtaktëpën. Pën mëtsip'ajtëtëp ëxëëk xytyunëty, m'atëj mtuktëjëyëp ja jyëwiitsëty, këtiipë jëna'a y'ëknipëtë'kënëtëty.

Apocalipsis 18:6

Tuunwinpijtëtë näjyëtu'un ijxtëm yë'ë të t'ëxëëktuntën ja wiinkëtypë, tukëpätë wäänëni'ik ja y'ëxëëktu'unën mëti'ipë të tuntën.