Jeremias 16:9 - Biblia Dc en Mixe de Quetzaltepec

⁹ jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënety mjuuky'atën ets nëjkxëp kë'ëm xy'ixtë.

Biblia Mixe de Quetzaltepec

⁹ jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënäty mjuuky'atën ets nëjkxëp kë'ëm xy'ixtë.

Jeremias 16:9 ပူးပေါင်းရင်းမြစ်များ

Salmos 78:63

Ja ëna'ktëjkëty jëënjoty ojts y'o'kta'atë; ja pëjkpëty ukpëty ka'ap ojts y'ëkyajwin'ëëwnëtë.

Jeremias 25:10

Ëjts ka'apës n'ëwa'atsa'any nijëna'a ets jam jatëkok yë ja'ay xyi'ik y'ëwë'ëkëty ëkë y'ëwëty ya'axëty akujk jotkujk, ka'ap nëjkx pëjkpë ukpë y'ëknänyikaayënë, ka'ap nëjkx ja'ay y'ëkyajmëtoownë tsaa tukjëtsy ets yë'ëpaat nëjkx ka'ap yë kutë'kxn y'ëktë'kx y'ëkjajnë.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Ezequiel 12:25

Jä'ä ko ëjts Wintsën, kajpxaanpës yam ets ja mëti'ipës nikajpxäämpyën atëwaanp tsojk. Kajpn je'eyëpë kyäjpxykyumëtoownaxyën, nëjkxëp kë'ëm xy'ixtë; koos ënety nkäjpxy koonëm nëjkx y'atëy. Ëjts Wintsën, ëjts ënaanp.

Ezequiel 26:13

Jëtu'unës nyajjëjptuka'any ja m'ëy myä'äxy ets ka'ap y'ëkyajmëtowanë yë mkow.

Oseas 2:11

Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.