Jeremias 16:19 - Biblia Dc en Mixe de Quetzaltepec

¹⁹ Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Biblia Mixe de Quetzaltepec

¹⁹ Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 16:19 ပူးပေါင်းရင်းမြစ်များ

1 Reyes 20:23

E ja yajkutujkpë jampë y'ëne'emyën Sirië, ja myëkutuunktëjkëty ojts näjyëtu'un y'ënëmaayëtëpë ja tsyiptuunpëtëjk: Yë Wyintsënëty yë Israel ja'ayëty jä'ä ko jam yajpaaty kopkkëjxm tunkëjxm, paaty të xymyëmëtakëmë; tyam jä'ä ntu'unmëty jam mëët ntsipjëtu'unmëty joyjotm jëtu'unts nmëtakmëty ëëtsajtëm.

Salmos 18:3

Mijts Wintsën, mpatëp ets myajwin'ëw myajwinya'axëty; ko mijts nmëkäjpxy, täätsës xyajnitso'oky maas ja nmëtsiptëjkën.

Salmos 19:14

Kupëky nyaxëty mijts mwintum yë n'aaw n'ayukës ets njot nwinma'anyës. Wintsën, yajtsokpë ets yaj'ëwaatsëpëtsëëmpë.

Salmos 27:5

Ko ënety jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Salmos 62:7

Dios yë'ë patëp xyajtso'okëtyës ets xymyo'ojëtyës jatëkok ja n'oyajtën, yë'ëjës xykyuwaanp ets yë'ëjës ntsoktakn'ajtyp.

Salmos 65:3

Xymyëmëtaktëp ëëtsëty ja nëë poky mëti'ipë yajtuunp yajkajpxpën, e mijts mme'kxyp yë tuuntëko'oy kajpxtëko'oyën.

Salmos 68:31

Jap Egiptë tsyoona'antë yë ja'ayëty mëti'ipë këjxmëty yë kuttujkën myëët'ajtëpën; yë Etiopíë ja'ayëty nëjkxëp t'ëwtatë yë Dios.

Salmos 86:9

Mijts Wintsën, mijts të xyajkojy tëkokyë yë naax kajpn, yë'ë mniminanëtëp ets m'ëwtata'anëtë ets tukxoonta'aka'antë yë mxëëw.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Isaías 44:10

Mëti'ipë ja'ay awinax yajkojpyën ets yë'ë t'ëwtata'any tä jeexyë Tiosëtyën, nëkoopë xyëëw tsyuu tyajtëkoy.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 62:2

Nëjkxëp ja naax kajpn t'ixtë ko ënety të mnitso'oky, nitëkokyë yë yajkutujkpëtëjk y'ixantëp yë mmëj'ajt m'oyajtën. Ënet nëjkx jempyë mxëëw xypyiky mëti'ipë Wintsën kë'ëm mmo'ojanëpën.

Jeremias 10:3

Tääpë ja'ay myëpëjkënëty ka'ap tsyowpaaty ninu'un. Jam yukjotm kepy tpuxtë tääts tu'uk tsäjtspë t'oytyuny,

Jeremias 10:5

Yë y'awinaxëty jëtu'un yaj'ixy tä kamwintëyën ma melón ja'ay tyaj'ityën; ka'ap kyäjpxy ets ka'ap ye'ey, kë'ëm muum ja'ay tmënëjkxy.

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

Jeremias 14:8

Mëti'ipë ja Israel ja'ayëty tyuk'ijxpäjtëpën, mëti'ipë ëëtsëty xyajnitsoktëpën ko jyää'aty ja ëyo'on jotmay, ¿wi'ix ko jaaypyaat jaaypyo'kxyën mnäypyëjktä'äkyë naaxjoty kajpnjoty, jëtu'un tä tu'uk yë ja'ayën mëti'ipë tu'u'am'ajtpën, tu'ktsuuyëpë muum myä'äyën?

Jeremias 17:17

Këtii atsë'ëkë ajawë tii xytyunëty ma ëjtsën, jä'ä ko mijts ntsoktakn'ajtyp koos ëxëëk njaty nkëpety.

Jeremias 2:11

Pën tëë tu'uk ja naax kajpn tios tyajtëkatsy mëti'ipë wiink tios y'ëwtajtypyën, ja tios ka'apë tiosëtyën.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Ezequiel 11:16

Paaty ënëëmëtë: Ko jëtu'un yë Dios y'ënä'äny: Ëjts ojts miitsëty nyajnëjkxtë wiink naax wiink kajpn tsumy matsy, ma ja kajpnën mëti'ipë ka'ap xy'ixy'atën, je'eyëp ko wäänë. E nän ëjts jatëkok jam xy'ëwtatëp ma të nyëjkxtën.

Joel 3:16

Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Nahúm 1:7

Yë Wintsën oy yë jot winma'any tmëëtëty; mpatmëp yë tsoktakn ma yë'ëjën ko mon tuk nyajpatmëty: Nyikëëpy nyixäjpy mëti'ipë tuk'ijxpäjtëpën.

Habacuc 3:19

Jä'ä ko yë Wintsën yë'ëjës xyjyotmëkmoopy; jëtu'unës yë nteky tyajyu'unkë tä yë jëtyu'ujën mëti'ipë pe'tym ye'epyën ets jam xyajnëjkxyës maas ka'ap tii xyjyatëtyën.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Romanos 1:25

Ka'ap ja Dios ja tyiyajtën të tmëjpëjktakëtë, ni'ikyë ja ënëëmëtyä'äky të tyajmëjtëkëtë ets të twintsë'ëkëtë, të t'ëwtatë mëti'ipë ja Dios të tyajkojyën; ka'ap ja Dios të twintsë'ëkëtë, mëti'ipë ja paat'ajtëpën ets jeexyë tmëjjaw tjaantyjyawëtë.

1 Pedro 1:18

Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.