Jeremias 16:12 - Biblia Dc en Mixe de Quetzaltepec

¹² E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Biblia Mixe de Quetzaltepec

¹² E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 16:12 ပူးပေါင်းရင်းမြစ်များ

Génesis 6:5

Ko jëtu'un ja Dios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Génesis 8:21

Ko jyä'äjty ja xu'kën janty'oy jam Dios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënety yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 18:12

Yë'ëjëty jëtu'un m'ëtsowa'anëtë: Këtii nëkoo mxëëw mpo'o xyajtëkoy, ëëtsëty oyës jëtu'un njuuky'atë, yë'ëjës ntsojkën'ajtëp ëxëëk juukyajtën, oyës näjyawëtë koos jëtu'un winë ntuntë tääjës kë'ëm nmaytyën ntajtën.

Jeremias 22:28

¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Lamentaciones 5:7

Nteety ntaakëtyës pokytyuuntë ets tëëyëp ja y'o'knëtë, ja nyëë pyokyëty ëëts ja nkëpäjtëp.

Ezequiel 20:30

Ënëëmë yë Israel kajpn: Jëtu'un yë Wintsën y'ënä'äny: ¿Wi'ix ko miitsëty näjyëtu'un winë ëxëëk xytyuna'antë tä ja mteety m'apëtyën? ¿Wi'ix ko xyajtëkoytyë näywyinkutsë'kën maas ëjtsën ko xy'ëwtatë ja wiink tios ka'apës n'ixa'anyën?

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Malaquías 3:7

Miitsëty ka'ap të xypyatuntë ja n'ënä'ämën ntëyajtënës jëtu'un tä y'ëtëtstën yë m'ap m'okëty ets ka'ap të mmëtowtë. Ëjts Wintsën mëti'ipë maaytyääyëpën winë, jëtu'un n'ënëëmëtë: Ëjts niwinpijtëkës etsës miits niwinpitëty. E miitsëty tyaa m'ëna'antë: ¿Wi'ix ko mijts myajniwinpitëty?

Marcos 7:21

Jä'ä ko jootjoty winma'anyjoty tsyoony ja ëxëëk winma'any ets ko ja ja'ay y'ëti'itsy y'ënä'äny ëxëëkjaty. Tam mëti'ipë mä'tspën, yajja'ay o'kpën, ka'apë twintsë'ëkën ja nyiye'etyëjk ëkë ja tyo'oxytyëjk ets tam mëti'ipë ëxëëkjaty määpy tajpën,

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënety miitsëty wi'ix mjatë mkëpätë.

Deuteronomio 9:27

Ja'amyäts ja mtuunpëtëjk mëti'ipë oy mëtuunën, tä yë Abraham, Isaac ets Jacob. Tun yë mëyajtën këtii ya'atë naax kajpn yë kyujuun'ajtën xymyëjpëjktakë ets nyëë pyoky.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Jueces 2:19

E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.