Jeremias 16:11 - Biblia Dc en Mixe de Quetzaltepec

¹¹ Ënet xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënety të ntuk'ënëëmëtën.

Biblia Mixe de Quetzaltepec

¹¹ Ënät xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënäty të ntuk'ënëëmëtën.

Jeremias 16:11 ပူးပေါင်းရင်းမြစ်များ

1 Reyes 9:9

Ets nëjkx yaj'ëtsowtë: Jä'ä ko ojts t'ëxmajtsnëtë ja Wintsën mëti'ipë ënety y'ëwtajtëpën, mëti'ipë tyeety y'ap ojts yajpëtsëmëtën jam Egiptë ets jä'ä ko ja wiink tios ojts tpanëjkxtëjkënyëtë ets të t'ëwtajnëtë. Paatykyëjxm yë Wintsën të tyukjoot'anpëkëtë ets të tyuknikäxëtë ja ëyo'on jotmay.

2 Crónicas 7:22

Ets nëjkx yaj'ëtsowtë, yë'ëkyëjxm jëtu'un të jyatë, jä'ä ko ojts t'ëxmatstë yë Wyintsënëty, ja Wintsën mëti'ipë ojts t'ëwtatën ja y'ap y'okëty, mëti'ipë jap Egiptë yajpëtsëëmëtën ets paaty näjyëtu'un ëxëëk të jyatë jä'ä ko wiink wintsën të tpanëjkxtëjkënëtë ets të tmëtuunëtë.

Jeremias 13:22

Pën myajtëëpy tii ko jëtu'un mjaty mkëpety, mnijawëp ko yë'ëkyëjxm ko ënety të mpokytyuny. Paatykyëjxm të myajnijeny të myaj'ixjeny ets ëxëëk të mjaty të mkëpety.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Jeremias 22:9

Ets nëjkx y'ëtsowtë: Jä'ä ko ka'ap ojts jëtu'un t'ëktuunëtë tä ënety të tkäjpxy tyuntën mëët yë'ë, wiink tios ojts tpanëjkxtëjkënëtë ets ojts yë'ë twintsë'kënëtë.

Jeremias 44:3

mëët ko pyokytyuuntë, ojtsës xyajjoot'anpëktë ko t'ëwtajtë wiink tios ets tukwinjojktë ja poom ja tios ka'apë ojts mteety m'ap t'ëwtatën.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Lamentaciones 5:7

Nteety ntaakëtyës pokytyuuntë ets tëëyëp ja y'o'knëtë, ja nyëë pyokyëty ëëts ja nkëpäjtëp.

Ezequiel 11:21

E mëti'ipë ënety juuky'ajtëpën ëxëëk ets yi'iyë tyuuntëp kyajpxtëp mëti'ipë yaj'ëxëëk'ijxpën ets ka'apë yaj'oyjyawën, ntukumëtowantëpës ja tyu'unënëty kyajpxënëty. Ëjts Wintsën, ëjts ënaanp.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Malaquías 3:7

Miitsëty ka'ap të xypyatuntë ja n'ënä'ämën ntëyajtënës jëtu'un tä y'ëtëtstën yë m'ap m'okëty ets ka'ap të mmëtowtë. Ëjts Wintsën mëti'ipë maaytyääyëpën winë, jëtu'un n'ënëëmëtë: Ëjts niwinpijtëkës etsës miits niwinpitëty. E miitsëty tyaa m'ëna'antë: ¿Wi'ix ko mijts myajniwinpitëty?

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Jueces 2:11

Ja yu'unënëty kyajpxënëty ja Israel ja'ayëty wiink ojts ja Dios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.