Jeremias 15:7 - Biblia Dc en Mixe de Quetzaltepec

⁷ Jëtu'unës yë mja'ay të ntuny xit ko'ow tä ja'ay twëjwä'kxyën yë pu'uxm etsës të nyajpëtsëëmta'ay naaxjoty kajpnjoty; u'unktuk të n'ëxmatsyës ja nnaax nkajpnës, tëëjës nyajkutëkoy jä'ä ko ka'ap t'ëxmatsa'antë ja y'ëxëëk juukyajtënëty.

Biblia Mixe de Quetzaltepec

⁷ Jëtu'unës yë mja'ay të ntuny xit ko'ow tä ja'ay twëjwä'kxyën yë pu'uxm etsës të nyajpëtsëëmta'ay naaxjoty kajpnjoty; u'unktuk të n'ëxmatsyës ja nnaax nkajpnës, tëëjës nyajkutëkoy jä'ä ko ka'ap t'ëxmatsa'antë ja y'ëxëëk juukyajtënëty.

Jeremias 15:7 ပူးပေါင်းရင်းမြစ်များ

Salmos 1:4

E yë ëxëëkja'aytyëjkëty ka'ap jyëtu'un'atë, jä'ä ko jëtu'un yë'ëjëty tä aaykyëta'akën mëti'ipë winpapojpën.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 51:2

Ëjts nyajkutukäämpyës ets myëtsip wyinwopëtëty tä ja'ay tsajpmok twinpojyën ko këjxm twëjë'ëky; nyajkutukäämpyës ets tyajwë'ëmtëty yë nyaax kyajpn tukwa'ats. Ko ënety ja ëyo'on jotmay kyëtä'äky, xii yaa nëjkx yë myëtsip ëxëëk tyunëtë.

Jeremias 9:21

Tëë ja o'kën tëko'oyën jyä'ty ma njëën'ajt ntëjk'ajtëmën, tëë jam jyä'ty ma nkutujkëntëjk'ajtëmën; yaj'o'kpy ja u'unk ëna'k në'ëjoty tu'ujoty ets ja ëna'ktëjk jam kajpnjotm.

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Ezequiel 24:25

Tyam mpëjkëtya'ajäämpyës yë Israel yë nyaax kyajpn këwent'atypë y'ityën, mëti'ipë tsyajptëjk'ajtypyën, oypyë yaj'ijxyën, mëti'ipë tsyojkpyën ets y'oyjya'apën. Mpëjkëtya'ajäämpyës näjyëtu'un yë y'u'unk y'ëna'k ye'etyëjkpë to'oxytyëjkpë.

Ezequiel 36:12

Nëjkxëp yë nnaax nkajpnës nyäxy tyëkë ma miitsëtyën tun kopk, mëti'ipë yajpatëpën ma Israel kajpnën ets nëjkx yë'ë tjä'ä'atë ja it naaxwiinyëtë ma miits myajpaatën ets yë'ëjëty ka'ap nëjkx u'unktuk y'ëk'ijnëtë.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Deuteronomio 28:18

Poky y'itëty yë m'u'unk m'ëna'k ets mpëjktä'äky, näjyëtu'un yë mjëyujk mtsajpkaa ets mtsajppax mkupixyny.

Deuteronomio 28:32

Nëjkxëp xyjya'ixy, ko ënety yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.

Deuteronomio 28:41

Mjamëët'atëp yë mmaank ets mnëëx; wäänë y'itëty, tääts yë mmëtsip mtukja'tëtëty ets tyajnëjkxta'ajëty. Tääts nëjkx mijts mwë'ëmnë u'unktuk ëna'ktuk.