Jeremias 15:5 - Biblia Dc en Mixe de Quetzaltepec

⁵ ¿Pën m'ëk pa'ëyowëtëp Jerusalén kajpn? ¿Pën ënät m'ëk nimon m'ëk nitukëtëp? ¿Pën ënät y'ëkmëmay y'ëkmëtajëp ja mëk'ajt m'oyajtën?

Biblia Mixe de Quetzaltepec

⁵ ¿Pën m'ëk pa'ëyowëtëp Jerusalén kajpn? ¿Pën ënät m'ëk nimon m'ëk nitukëtëp? ¿Pën ënät y'ëkmëmay y'ëkmëtajëp ja mëk'ajt m'oyajtën?

Jeremias 15:5 ပူးပေါင်းရင်းမြစ်များ

Job 19:21

Pa'ëyoowtëkës miitsëty mëku'uktëjkëty, mëti'ipës mëët oy të nämyäyën, jä'ä ko yë Dios yë'ëjës ëxëëk xytyuunp.

Salmos 69:20

Koos nyaj'ojy nyajyä'äxy, jëtu'unës nnäjyawëty tim tsëtyujtp yowë njuukyjotës ets tim këjxp yowë njot nmëjaawës; Natëkës nëkoo të n'ixta'ay pënës jeexyë xyajjotkujktakpën ets xypya'ëyoopën.

Éxodo 18:7

Ënet ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Isaías 51:19

Ya'atë ojts mäjtsk xy'ëyo'on'aty: ko ja mnaax mkajpn kyutëkooy ets winë yajmä'tstaay, ets ko ojts ja mja'ay ja jëën tsip ets yuu xëëw yaj'ookëtë. ¿Pën ënät mpa'ëyowëtëp? ¿Pën ënät myajjotkujkëtëp?

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Jeremias 16:5

Ojtsës näjyëtu'un yë Wintsën xy'ënëëmë: Këtii jap tëkoty mtëkëty ma ja o'kpë tnijë'ë tniya'axtën, këtii näjyëtu'un xynyiyaxpëty ets xymyëkja'apëty mëti'ipë të y'ookyën, jä'ä ko tëëjës nyajjëwä'äky ja n'oyajtën, ja ntsojkën nja'awën ets npa'ëyo'owënës ma ja naax kajpnën. Ëjts Wintsën, ëjts ënaanp.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënety juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Lamentaciones 1:17

Ja jëëytyak ja nu'kxtakp yë Sión ets jyaxajtëëpy yë kyë'ë, je'eyëp ko ka'ap pën myëto'owxëty, tëë yë Wintsën tni'ënä'ämë ets myëtsip yajnatukëtëty; Jerusalén ëxëëk yë myëtsip y'ixyë ets ka'ap tsyokyë.

Nahúm 3:7

Pënjaty ënety m'ijxëpën je'eyë mkukä'äka'anyë ets y'ëna'ana'any: Tëë yë Nínive kajpn kyutëkoy. ¿Pën pa'ëyowanëp? ¿Ma n'ëkpatmëty yë ja'ay mëti'ipë yajjotkujkta'akëtëpën?

Jueces 18:15

Tä ja ja'ayëty tpuwa'ktutë ja myëku'ukëty, ja nimëkoxpë mëti'ipë ënety ojts të y'ixtë tyuntën ets nyëjkxtë jam ma ja Leví ja'ay y'ityën, jam ma ja Micaías ja tyëjkën ets ojts tkajpxpo'kxtë.

1 Samuel 10:4

Ënet nkajpxpo'kxa'anyë ets mäjtsk yë tsajpkääky mo'oja'anyë, m'ëxajëp.

1 Samuel 17:22

E tëkokyë mëti'ipë ënety ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënety ja y'äjty yajpaatën ets t'ixa'any wi'ix jam jyatë kyëpätën.