Jeremias 14:20 - Biblia Dc en Mixe de Quetzaltepec

²⁰ Wintsën, nja'akyujkëtëp ëëtsëty ko tëë nmëtëkoytyë ets ko tëë pyokytyuntë ja n'ap n'okëtyës; tëëjës npoky tyuntë mijts mwintuuy.

Biblia Mixe de Quetzaltepec

²⁰ Wintsën, nja'akyujkëtëp ëëtsëty ko tëë nmëtëkoytyë ets ko tëë pyokytyuntë ja n'ap n'okëtyës; tëëjës npoky tyuntë mijts mwintuuy.

Jeremias 14:20 ပူးပေါင်းရင်းမြစ်များ

2 Samuel 12:13

David ojts tkupëky ja pyoky ijxtëm ënety ja Natán të y'ënë'ëmxëtyën ets y'ënäny: Ëjts nja'apës ko tëëjës njantypyokytyuny ma Wintsënën. Ets ja Natán y'ëtsoowë: Yë Wintsën ka'ap myijtsëty mtëytyuna'anyë ets ka'ap mtimyaj'ooka'anyë.

2 Samuel 24:10

Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënety tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

Nehemías 9:2

ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënety ja nëë poky tjantytyuntë ets näjyëtu'un ja y'ap y'okëty.

Job 33:27

Ets y'ëna'ana'any: Tiijës ko të n'ëktuunpë ja ka'apë myëtëyëtyën, e Dios ka'ap të xytyiytyunyës;

Salmos 32:5

Ënet të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

Jeremias 14:7

Wintsën, yë nnëë npokyëtyës ka'apës xyajjotkujk'atë. Mijts ko mëtëy winë xytyuny paaty yë mxëëw myëjnaxy. Ëëtsëty kanu'umpë npokytyuunëtës ets ko ka'ap myajmëj'ixy ets ka'ap myajwinkutsë'ëkë.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 8:14

Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Dios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Lamentaciones 1:20

Wintsën ix yë nmonyë ntukyës, tim ma'tääpyës njawë njot nini'kx. Je'eyës yë n'aaw njot nja'awënë y'atijmujknë ko të nkäjpxykyumëtoownaxyës. Jap tëja'p yo'kpuxyës jap yë n'u'unk n'ëna'k y'ooktë, e yaa tëkoty nän o'kën yap ijtp.

Lamentaciones 3:42

Ëëtsajtëmë tëë ntuuntëko'oyëmë ets tëë nkäjpxykyumëtoownajxëmë ets mijts ka'ap të mpokymye'kxy.

Lamentaciones 5:7

Nteety ntaakëtyës pokytyuuntë ets tëëyëp ja y'o'knëtë, ja nyëë pyokyëty ëëts ja nkëpäjtëp.

Daniel 9:15

Wintsën Dios, mijts ojts xyaj'ixyë mëj'ajtën ko ojts jap Egiptë xyajpëtsëmtës, ma ojts mëj'äämpy nyäxyën yë mxëëw ets tyampaat; e ëëtsëty je'eyës nëë poky të nmëmay të nmëtajtë ets ëxëëk winë të ntuntës.

Amós 7:2

E ko ja mu'u ënety tam tjë'kxta'ajanë ja ujts, ënätës të n'ëna'any: Wintsën, pokymyä'kxtëkës. Ëëtsëty, yë Jacob yë kyajpn, tsip etsës nmëmëta'aktëty ya'atë ëyo'on, jä'ä ko mutsk kajpn ëëtsëty.