Jeremias 14:16 - Biblia Dc en Mixe de Quetzaltepec

¹⁶ Ja naax kajpn mëti'ipë nyinëjkxtëpën tääpë käjpxynyajxpëty, tsip ets yuu nëjkx näjyëtu'un yaj'ookëtë mëët ja tyo'oxytyëjkëty ets y'u'unk y'ëna'këty ye'etyëjk to'oxytyëjkpë. Ja o'kpë jam nëjkx yajnajtsjëpijpëtya'atë kajpnjotm ma Jerusalén kajpnën ets ka'ap pën y'ita'any pën yajnaaxtëkëpën. Jëtu'un'äämpy nëjkx ntukëpätës ja tyuuntëko'oyënëty.

Biblia Mixe de Quetzaltepec

¹⁶ Ja naax kajpn mëti'ipë nyinëjkxtëpën tääpë käjpxynyajxpëty, tsip ets yuu nëjkx näjyëtu'un yaj'ookëtë mëët ja tyo'oxytyëjkëty ets y'u'unk y'ëna'këty ye'etyëjk to'oxytyëjkpë. Ja o'kpë jam nëjkx yajnajtsjëpijpëtya'atë kajpnjotm ma Jerusalén kajpnën ets ka'ap pën y'ita'any pën yajnaaxtëkëpën. Jëtu'un'äämpy nëjkx ntukëpätës ja tyuuntëko'oyënëty.

Jeremias 14:16 ပူးပေါင်းရင်းမြစ်များ

Proverbios 1:31

Kë'ëm nëjkx jëna'a mnätyuktëytyunëtë ko winë ëxëëk xytyuntë xykyajpxtë. Nëjkxëp xyjyamëtsijpënëtë ja m'ëxëëkjot m'ëxëëk winma'any.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Isaías 9:16

Ja tu'uwinye'eypyëtëjk tëë ja naax kajpn twoowtëkoytyë, ja naax kajpn mëti'ipë ënety yajmëyäjtypyën ja tu'uwinye'epyë, tëë ja tyu'utëkoytyë.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 20:6

E mijts Pashur, nëjkxëp myajmënëjkxy tsumy matsy jam Babilonyë, mëët yë m'u'unk m'ëna'k m'u'unk mto'oxytyëjk. Jam nëjkx mnaaxtëkë mëët ja mja'ay mëti'ipë mëët oy të mnäjyawëtyën ets mëti'ipë të xywyin'ëënyën mëët ja tëkatsypë ja käjpxynyajxën.

Jeremias 27:15

Yë Wintsën jëtu'un y'ënä'äny ko ka'ap yë'ëjëty të kyäxëtë; nëkoopë y'anta'aktë ko tii tkajpxtë ëjts nxëëwkyëjxmës. Miitsëty tsumy matsy je'eyëm myajmënëjkxa'antë wiink naax wiink kajpn mëët ja käjpxynyajxpëtëjkëty mëti'ipë nëkoo ëxaty të m'ënë'ëmxëtën ets jam nëjkx m'ooktë.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 7:33

Yë may o'kpë yë'ë nëjkx tsyu'tsta'ajëtë lut majkwejkxy, kaa, ka'ap pën y'ita'any pën tääpë jëyujk y'ëtsë'ëkëpën.

Jeremias 8:1

Jëtu'un yë Wintsën y'ënä'äny: Jä'ä xëëw nëjkx yë wyääy pyajk yajjuutë naaxjoty ma ënety të nyaaxtëkëtën yë Judá yajkutujkpëtëjk ets Judá wintsëntëjkëty, yë teetytyëjkëty ets käjpxynyajxpëtëjkëty ets mëti'ipë jam Jerusalén të jyuuky'atën,

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Jeremias 9:22

Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.

Ezequiel 39:14

Nëjkxëp näjyëtu'un ja'ay ëpëky yajtuknipëktë mëti'ipë nëjkx jyëtitën kajpnjoty ets tyajnaaxtëkëtëty ja o'kpë mëti'ipë ënety muum ka'ap të yaj'ixyën ets yajxon wa'ats wyë'ëmëty ja naax kajpn.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Apocalipsis 16:1

Ets nmëtooyës ja ayuk mëk ma ja Dios ja tyëjkën ets yaj'ënëëmëtë ja niwëxtujkpë ja tsajpjotmëtë kukäjpxy: Nëjkxtë naaxwiiny ets xyajtukwa'atstëty yë a'ukën mëti'ipë myëët'ajtypyën yë ëyo'on mëët ja Dios ja tsyip y'äkë.