Jeremias 13:23 - Biblia Dc en Mixe de Quetzaltepec

²³ ¿Wä'än jëtää yë yëk ja'ay nyätyëkatsëtëty poopë? ¿Wä'än jëtää yë kaa nyätyuknipëjktu'utëtëty yë kyats'ajtënë? Näyjyëtu'un miitsëty ka'ap tjëkyepy mnäyajtëkatsëtëty, miitsëty ëxëëkpë të xy'ijxwë'ëmtë, ka'ap tjëkyepy oypyë xytyuntëty.

Biblia Mixe de Quetzaltepec

²³ ¿Wä'än jëtää yë yëk ja'ay nyätyëkatsëtëty poopë? ¿Wä'än jëtää yë kaa nyätyuknipëjktu'utëtëty yë kyats'ajtënë? Näyjyëtu'un miitsëty ka'ap tjëkyepy mnäyajtëkatsëtëty, miitsëty ëxëëkpë të xy'ijxwë'ëmtë, ka'ap tjëkyepy oypyë xytyuntëty.

Jeremias 13:23 ပူးပေါင်းရင်းမြစ်များ

2 Reyes 17:40

E tääpë ja kajpn ka'ap ojts ninu'un jëtu'unpë ja aaw ayuk tmëjpëjkta'aktë, ni'ikyënëm ojts tpanëjkxtëkëtë ja ëxëëk në'ë ëxëëk tu'u, ëpëky näjyëtu'un t'ëwtajtë ja Wintsën ets ja wiink tios. Ja y'u'unk y'ëna'këty näjyëtu'un winë tuuntë tä ja y'ap y'okëtyën, tyampaat je'eyëm jëtu'un tyajtu'uye'eytyë.

Proverbios 27:22

Yë tsuuja'ay ka'ap nyiwa'atsyë yë tsyuu'at oy jënu'un yanimä'ä yajnijëtsëty.

Eclesiastés 1:15

Mëti'ipë näy xëketyën ka'ap tjëkyepy nwo'ontë'ëwmëty ets ka'ap tjëkyepy tii nipëjktakëmëty pën ka'ap yajmëët'aty ja mëtakën.

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 2:22

Oy jënu'un lejiiyë xëts mjanätyukpujëtëty ets oyjyätyëtypë xëts xyjyatsi'iwëty ets jëtu'un xyjyaniminëtyës, yë mpoky kä'äpyëm jyëwa'aka'any maas ëjtsën. Ëjts Wintsën, ëjts ënaanp.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

1 Samuel 19:21

Ko ja Saúl tnija'awëy, ënät ja wiinkpë tkejxy ja ja'ay, e yë'ëjëty ojts näjyëtu'un tyëkëtë ëtëtspë ënaanpë tä ja käjpxynyajxpëtëjk y'ëtëtstë y'ëna'antën. Mëtëkëëk'ok ojts ja Saúl tkäjxkojnëpë ja ja'ayëty, e yë'ëjëty näjyëtu'un jyajtë kyëpäjtë.