Jeremias 13:18 - Biblia Dc en Mixe de Quetzaltepec

¹⁸ Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Biblia Mixe de Quetzaltepec

¹⁸ Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 13:18 ပူးပေါင်းရင်းမြစ်များ

2 Reyes 24:12

Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënety tyuktujk jëmëjtpetyën ma ja Nabucodonosor yajkutukyën jam Babilonyë.

2 Reyes 24:15

Nabucodonosor ojts tsum tyajnëjkxy ja Joaquín, mëët ja y'u'unk y'ëna'k, y'u'unk tyo'oxytyëjk; ja tyaak ets ja tyuunpëtëjk mëët ja y'u'unk tyo'oxytyëjkëty, y'u'unk y'ëna'këty; wyintsëntëjkëty ets ja tsyiptuunpëtëjkëty ets ja ja'ayëty mëj'äämpyë jam të yajpaatën ma ja naax kajpnën. Tsumy nyëjkxtaaytyë jam Babilonyë, jam tsyo'ontë Jerusalén.

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Éxodo 39:28

Näyjyëtu'un ja kupit, ja kutsum mëti'ipë yajtuktsuumwë'ëmpën ja kupit ets ja nyi'ëxmotspa'tk, aakyë'ë ojts tyuny ja linë wit awiity,

Proverbios 27:24

Jä'ä ko wit meeny ka'ap xëmëkyëjxm nmëët'ajtmëty, ets ni yë'ë xëmëkyëjxm kyayajmëët'aty yë ënä'ämën kuttujkën.

Isaías 3:20

yo'kwits, tekyjän, kumä'tn, ja tsooy mëti'ipë nätyukja'axëtëpën,

Isaías 3:26

Jë'ëjaanp ya'axaanp ja naax kajpn ets mon tuk yajpaata'any, nëjkxëp ja ja'ay tsyo'ontaaynyë ets tukwa'ats ja naax kajpn wyë'ëmëty.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Jeremias 22:26

Ets jam nnajtswopëja'antë atsip mëët yë mtaak ma ja it naaxwiinyëtën ma ka'ap ojts mmëxu'unk'atën, jam nëjkx nimäjtsk m'ooktë.

Jeremias 36:16

Ko jëtu'un tmëtoowtë, xim yam ja tsë'ëkë tyuktëjkëyëtë ets nyäy'ënanëtë: Kopkpëky yë yajkutujkpë yajtukmëtowa'any tu'kë'ëyë ya'atë aaw ayuk.

Lamentaciones 1:6

Tëë tyëkooytyä'äy ja y'oy'ijxën ja Sión kajpn; yë wyintsëntëjk jëtu'un tyam jyëtitë tä jëtsyu'ujën mëti'ipë jë'kxy'ixtaaytyëpën; je'eyë tyeky tjaak winpajëxoxtë ko tkukä'äktë mëti'ipë matsanëpën.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.

Lamentaciones 5:16

Jëtu'unës nyajajnëtë tëë yowë ja nkujanëtyës xykyuka'atutnëtë; janty mon janty tuk ëëts nyajpaatë koos të mpokytyuntë.

Ezequiel 16:12

ojts jam mpëjktä'äkyës ma mjëjpën yë kë'ëjiits ets ojts nmo'oy yë mtatsktëy ets mkujän oypyë yaj'ixyën.

Ezequiel 21:26

Ëjts Wintsën jëtu'unës n'ëna'any: Myajpëjkëjaanp yë mkupit, ja mkujän mëti'ipë më'ëne'emypyën ets nëjkxëp winë tyëkajtsta'ay. Nëjkxëp mëj'äämpy nyäxy mëti'ipë yu'unk naxym yajpatpën ets yu'unk naxym mëti'ipë mëj'äämpy yajpatpën.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Ezequiel 24:23

Ka'ap tjëkyepy jää kuwa'ats ets tekywya'ats mjëtitëty. Këtii jää mya'axtëty ets mmontëty mtuktëty. Këjxta'ajantëp ja mjot mmëjaawëty ko winë ëxëëk xytyuntë ets nixim niyam nëjkx mnänyiya'axëtë.

Ezequiel 44:18

Myënëjkxtëp yë kyupit mëti'ipë linë witën ets y'ëxmotspa'tkëty nän linë wit ets ka'ap tjëkyepy tii nyätyukwëënëtëty mëti'ipë yajpëxijkëpën.

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënety myëët'ajtypyën ma yajkutukyën.

Jonás 3:6

Ko ja Nínive yajkutujkpë tnija'awëy ojts ënätyë tsyoony ma ja kyutujktaknën ets nyätyuknijääntutë ja wyit mëti'ipë myë''ëne'emypyën ets tuktëjkëy ja wit mëti'ipë kuumpën u'kxpën ets nyaaxwe'tsy naaxkëjxy.

Mateo 18:4

Pën yujy naxym näpyëjktakëp ijxtëm yë pi'k ëna'kën, yë'ë mëj'äämpy naxaanp ma ja tsajpjotmëpë kutujktaknën.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

1 Pedro 5:6

Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.