Jeremias 13:10 - Biblia Dc en Mixe de Quetzaltepec

¹⁰ Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Biblia Mixe de Quetzaltepec

¹⁰ Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 13:10 ပူးပေါင်းရင်းမြစ်များ

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Isaías 3:24

Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Jeremias 11:10

Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Jeremias 11:18

Ojtsës yë Wintsën xytyuknijawë mëti'ipë ja nmëtsipës ënety tyuknipëjktakëtyëpën mëët ëjts. Yë'ë ojts xytyuknijawës mëti'ipë myääytyëp tyajtëpën.

Jeremias 13:7

Ënet ojts nnëjkxyës ma ja Éufrates mëjnëëjën ets n'ixtaaytyäkyës ja wëënës maajës ënety të nyu'utsyën, je'eyëp ko tëë ënety pyu'taktaaynyë, ka'ap y'ëk'oy'ajnë.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 20:4

Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënety ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Jeremias 22:21

Ojts mijts njamëkäjpxy ma ënety akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 3:17

Ënet nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 44:16

Ëëtsëty ka'apës nmëjpëjkta'aka'antë tääpë aaw ayuk mëti'ipë Wintsën të mmo'oyën.

Jeremias 44:5

E miitsëty ka'apës xymyëmëtoowtë ets ka'apës xymyëj'ijxtë. Ni'ikyënëm ojts ja wiink tios ja wyintsë'kën xymyo'otë ijxtëm jeexyë ja m'ëxëëk juukyajtën xy'ëxmatstën.

Jeremias 5:23

Yajxon yë mjot mwinma'anyëty jyuun'ajnëtë ets je'eyë mkäjpxykyumëtoownaxtë: tëëjës xy'ëxmatstë ets tu'ukyë të mnëjkxnëtë.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Jeremias 7:6

ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Jeremias 9:13

Jëtu'un ja Wintsën y'ëtsoy: Tu'kë'ëyë ya'atë të tyuny të jyätyën paatykyëjxm të jyëtu'un'aty jä'ä ko yë Israel ja'ayëty të t'ëxmajtstë ja ijxpëjkën mëti'ipës nmooytyën ets ko ka'ap të xymyëmëtowtës ets ko ka'ap të tpatuntë.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.