Jeremias 12:1 - Biblia Dc en Mixe de Quetzaltepec

¹ Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Biblia Mixe de Quetzaltepec

¹ Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Jeremias 12:1 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Esdras 9:15

Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Nehemías 9:33

Mijts tëy nitii poky xykyamëëtëty oy ëëts wi'ix të njat të nkëpätë, jä'ä ko mijts aak mëtëy winë të xytyuny oy ëëts ëxëëk n'ëtë'ëtstë n'ëna'antë.

Job 12:6

Yë ja'ayëty mëti'ipë ëxëëk ëtëtstëp ënantëpën, jotkujk mya'atë pyo'kxtë ma jyëën tyëjkëtyën; mëti'ipë Dios myëkajpxtëkooytyëpën, jotkujk tyimnax tyimtëkëtë, jëtu'un myäytyë tyajtë ko aak kyë'ëjotjotm winë tmëët'atë.

Job 13:3

Je'eyëp ko ëjts yë'ëjës mëët yë Dios kë'ëm nmëtya'aka'any, yë'ëjës mëët njanäwyintänëja'anyë mëti'ipë maaytyääyëpën winë.

Job 24:12

Jam muum kajpnpë'am jyë'ëtë ya'axtë ets myontë tyuktë, e yë Dios jëtu'un nyäpyëjktä'äkyë ka'ap yowë tmëtoy.

Job 24:23

Dios yë'ë yajjuuky'ajtëtëp akujk jotkujk, je'eyëp ko ijxëtëp wi'ix nyë'ëye'ey tyu'uye'eytyën.

Job 8:17

ja tiktskäktëp tsaajoty ets jyanäkyumatsyë tsaakëjxy,

Salmos 116:5

Yë Wintsën, wa'ats yë'ë ets pa'ëyoop najts'ëyo'owëp, yë Dios janty'oy yë jot winma'any tmëëtëty.

Salmos 119:137

Wintsën, mwa'ats mijts ets aak tëyajtën winë xytyuny, tëkokyë yë m'aaw m'ayuk aak tim tëyajtën yë'ë.

Salmos 119:75

Wintsën, ëjts wa'atsës nnijawë ko yë m'aaw m'ayuk mëti'ipë të xyajwë'ëmyën, wa'ats yë'ë ets mëtëy; mijts tap ja winma'any xymyëëtëty tiikyëjxm koos xyajmony xyajtuky.

Salmos 145:17

Yë Wintsën wa'ats winë tuny ma nyë'ë'aaw tyu'u'aawën, aak'oy winë tuny tkäjpxy.

Salmos 37:1

Këtii mjoot'anpëkëty ko jyää'atë ëxëëkja'aytyëjk, këtii xy'ëxëëk'ixëty yë ja'ay mëti'ipë ëxëëk ëtëtstëp ënantëpën,

Salmos 37:35

Tëës n'ixy ko yë ëxëëk ja'ay kë'ëm janty mëj nyäyajnaxyë, ets nëkooyë wyinma'any nyätyuk mëjpëjktakënë tä tu'uk yë mëj kepyën nëkooyëpë yoonwä'kxyën,

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Salmos 92:7

Pën yë ëxëëkja'aytyëjk ets tuuntëkoopyëtëjk yoontëp ji'tstëp tä ujtsën ets mëtaktëp ma wit meenyën, nëkoopë yë'ë, je'eyë nëjkx kyutëkoytyë.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Eclesiastés 8:14

E jëtu'unts yaa jyäty kyëpety naaxwiiny naaxkëjxy, ko yë oyjyä'äytyëjkëty jëtu'un jyatë kyëpätë tä jeexyë y'ëxëëk ja'ay'atën ets ëxëëkja'aytyëjk jëtu'un xyony juuky'atë tä jeexyë y'oyjyä'äy'atën. Tyaapë nän nëkoopë yë'ë.

Isaías 41:21

Yë Wintsën, mëti'ipë Jacob kyutujkpë'ajtypyën, jëtu'un y'ënä'äny: Mintë miitsëty awinaxëty, ets mnanyikajpxtu'utëtëty, min nikajpxtë wi'ix mëpaat ka'ap ëxëëk mjatë mkëpätën.

Isaías 48:8

Mijts ka'ap ënety ni ma jëtu'unpë xymyëtoynyëm ets ka'ap ënety xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Jeremias 11:20

E mijts Wintsën mëti'ipë maaytyääyëpën winë, jëtu'un m'ity tä tu'uk yë kutuunkën mëti'ipë tii nyipaye'epyën, wa'ats xy'ixy xynyijawë yë naaxwiinyëtë ja'ay. Xytyuk'ixëpës ko ënety tääpë ja'ay xytyiytyuny, mkë'ëjotmës të npëjktä'äky yë n'amay njotmayës.

Jeremias 12:6

Yë'ëpaat yë mmëkä'äx, yë mmëku'uktëjk tëë mnawa'ktu'utyë, je'eyë mtukyä'äxy mtukjokyë ets mpetyë mkëtä'äkyë. Këtii yë'ë xytyuk'ijxpätëty oy mjamëxon mjamë'itëtëty mëët oy aaw oy ayuk.

Jeremias 3:20

E miitsëty jëtu'un të m'ëtëtsnëtë tä tu'uk to'oxytyëjkën mëti'ipë ka'ap nyiye'etyëjk tmëj'ixy tmëjpëjktä'äkyën, jëtu'un miitsëty ka'ap të xy'ëkmëj'ijx të xy'ëkmëjpëjktaknëtës. Ëjts Wintsën, ëjts ënaanp.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Jeremias 32:16

Koos yë Baruc ntukë'ëtëjkëy ja naax ninoky mëti'ipës ënety të njuyën, ënät ojts yë Wintsën nmëkäjpxyës ets n'ënëmaayës:

Jeremias 5:11

Tëë yë Israel ets Judá xykyë'ëyäkyës maas yë nmëtsipën. Ëjts Wintsën, ëjts ënaanp.

Jeremias 9:2

Jëtu'unpëk nmëët'atyës yë tsënaaytyakn jam të'ëts'itum maas jeexyë ntsëënën, täätsës jeexyë nnaax nkajpn ntimmyëjëkämke'eky. Jä'ä ko ma yë'ëjëtyën ni pën ja näywyintsë'kën tkamëët'aty, tëë tyajtëkoytyë ja wintsë'kën, aak nyikäjpxyyajkëtyëp ja jyiiky myëku'uk.

Lamentaciones 1:18

Yë Wintsën jä'ä të tuny mëti'ipë mëtëyën, ëjts tëëjës njanty kyäjpxy kyumëtoownaxy. Mëtoow'itë nnaax kajpn; ixtë wi'ixës pëjkën ijxën nmënaxy nyajnaxyën. Yë ëna'ktëjkëty ets to'oxy'ëna'këty tsumy matsy wiink naax wiink kajpn të yajmënëjkxta'atë.

Ezequiel 18:25

Miitsëty wä'än jëtää m'ëna'antë ko ka'apës tii mëtëy nipaye'ey; mëtoow'itë yajxon miitsëty Israel ja'ayëty, ¿wi'ix, mmaaytyëp mtajtëp ko ka'apës tii oy mëtëy nipaye'eyë? ¿Këtii jyëëmpitëty mijts mkajpxtë, këtii jëtää yë'ëjëty xynyikajpxtë ko miitsëty ka'ap tii mëtëy xynyipaye'eytyë?

Daniel 9:14

Paaty mijts Wintsën jëtu'un të xytyuknipëjktaakë etsës të xytyuknikäxtë ja ëxëëkajtën; jä'ä ko mijts Wintsën mëtëy winë xytyuny, e ëëtsëty ka'apës të nmëjpëjkta'aktë mëti'ipë mijts të xyjyanikäjpxyën.

Daniel 9:7

Mijts Wintsën, mwa'atsmës, e ëëtsëty jutië ja'ayëty wintsëtyu'un jëjptsëtyu'un ëëts näjyawëtë; mëti'ipë juuky'ajtëpën jam Jerusalén ets wiinktsowpë yë Israel ja'ayëty, wiinkonëtypë ets jëkämëtypë, mëti'ipë yajpatëpën wiink naax wiink kajpn ma ojts mijts xynyajtswopën.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Habacuc 1:4

Ka'ap ja ënä'ämën tëyajtën tyuny, ka'ap tii mëtëy yajnipaye'ey, ja ëxëëk ja'ay y'ixjëtijtyp pyajëtijtyp ja oyjyä'äy ets ma'tnëp ja tëyajtën.

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Dios ets ka'ap wi'ix tyunëtë.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.