Jeremias 11:19 - Biblia Dc en Mixe de Quetzaltepec

¹⁹ Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Biblia Mixe de Quetzaltepec

¹⁹ Ëjts nitiijës ënäty nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënäty y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Jeremias 11:19 ပူးပေါင်းရင်းမြစ်များ

Job 28:13

Yë naaxwiinyëtë ja'ay ka'ap tnijawë wi'ix tsyowpaatyën ets ka'ap tpaaty naaxwiiny naaxkëjxy.

Salmos 109:13

Wä'än timkyixy timnyäxy yë y'aptëjk, ets wä'än timy'atëkoy yë xyëëw.

Salmos 112:6

jëtu'unpë ja'ay ka'ap wi'ix jyata'any. Yë wa'ats ja'ay xëmë ja'amyetsy y'ita'any.

Salmos 116:9

Ëjts nmëmëtoowäämpyës yë Wintsën yaa naaxwiiny ma ja'ayëty tsyëënëtën jyuuky'atën.

Salmos 142:5

Wintsën, jëtu'un n'ënëëmë: Mijts ntsoktakn'ajtyp, mijtsyë tu'ukyë ntukjotkujk'ajtyp maas yaa ja juukyajtën nyajtu'uye'eyën.

Salmos 27:13

E ëjts wa'atsës nijawë koos mpaata'any yë Wintsën yë y'oyajtën mapaatës njuuky'ätyën.

Salmos 31:13

Wa'atsës nmëtoy ko yë ja'ay ame'tsyë myëtya'aktë: kutsë'ëkë yajpaaty oymyaajëty. Tu'ukyë të nyäkyajpxëtë etsës xyaj'ooka'antë.

Salmos 35:15

E koos ënät näjyëtu'un të xytyukka'ay ja ëxëëkpë, tu'kë'ëyë yë'ëjëty je'eyës të xynyëxi'ik të xytyukxi'iktë; jëtu'un tä jeexyë ka'ap n'ixy'atënës ëkë tä jaaypyaat jaaypyo'kxyën; ëxëëkës të xytyuntë janaam jatsojk.

Salmos 52:5

Dios yë'ë nëjkx näjyëtu'un myajkutëkoyë xëmëkyëjxm; nëjkxëp myajpëtsëmyë ma mjëën mtëjkën ets m'ixkäxëtëty, nëjkxëp ja mjuukyajtën mpëjkxëty.

Salmos 83:4

Tëë tuknipëjktaakëtë ko ja mnaax mkajpn tyajkutëkoya'antë, e jëtu'un ëëtsëty ka'ap n'ëk'ijt n'ëktsënaaynyëtëty maas ja naax nkajpnëtyën, këtiipë nijëna'a yë Israel xyëëw yajja'amyätsëty.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

Proverbios 24:15

Nijëna'a ja ëxëëk winma'any xykyapaatëty ma ja'ayën mëti'ipë oy tsuj juukyajtpën, këtii ëxëëk m'ëtë'ëts m'ëna'anëty ma jyëën tyëjkën.

Proverbios 7:22

Nitii ojts tka'ëkajpxnë ja yä'äy ëna'k, je'eyë tu'ktëyë tpanëjkxnë ja to'oxytyëjk. Jëtu'un tä tu'uk yë tsajpkaa yajwoownëjkxyën ma y'o'ktaknën, ëkë jëtu'un tä tu'uk yë jëtyu'u muum y'akääkën o'ktaknjoty,

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Isaías 38:11

Etsës të nmay të ntajy: Ëjts ka'apës nëjkx Wintsën n'ëk'ijxnë yaa naaxwiiny naaxkëjxy, ni pënës nka'ëk'ixanë mëti'ipë yaa juuky'ajtëpën.

Jeremias 1:19

Yë'ëjëty, nëjkxëp mjanipëtë'ëkëtë. Mijts ka'ap nëjkx myajmay, jä'ä ko ëjts mëët mijts nyajpaata'anyës ets nkuwa'anäämpy. Ëjts mëti'ipë Wintsën'ajtpën, ëjts ënaanp.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 26:8

Ko kyajpxtaay ijxtëm ja Wintsën ënety të tyuknipëkyën, ënät myajtsëtë ja teetytyëjkëty, ja käjpxynyajxpëtëjkëty ets mayjyä'äy ets y'ënëmaayëtë: M'ookëp ënät.

Lamentaciones 3:60

Mijts wa'ats xy'ixy xytyuny wi'ix je'eyë yaj'o'okwinpita'antën ets mnija'ap wi'ix xynyimay xynyitajëtënës.

Ezequiel 32:24

Xim ja Elám, mëët ja tsyiptuunpëtëjkëty, yë'ë nyapikëtyëp yë jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënety juuky jaakyajpatëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Oseas 9:8

Dios jëtu'un yë kyäjpxynyajxpëtëjk të tpëjktä'äky tä këwent'ajtpën jam ma Efraín kyajpnën, e miitsëty je'eyë xy'ix ix xypya'ixtë ma y'ëkkä'äy; yë'ëpaat xytyuk'ëxëëk'ixtë ko jap tyuny ma ja Dios ja tsyajptëjkën.