Jeremias 11:12 - Biblia Dc en Mixe de Quetzaltepec

¹² Ënet nëjkx yë Judá ja'ayëty ets Jerusalén ja'ayëty t'amëtowtë yë näypyutëkë ma ja tyiosëtyën mëti'ipë ënety të twinno'ok të twinxamtën mëët ja poom jok, e yë'ëjëty ka'ap nëjkx myäyë yajtso'okëtëty ko ënety ja ëyo'on jotmay tyukja'tëtë.

Biblia Mixe de Quetzaltepec

¹² Ënät nëjkx yë Judá ja'ayëty ets Jerusalén ja'ayëty t'amëtowtë yë näypyutëkë ma ja tyiosëtyën mëti'ipë ënäty të twinno'ok të twinxamtën mëët ja poom jok, e yë'ëjëty ka'ap nëjkx myäyë yajtso'okëtëty ko ënäty ja ëyo'on jotmay tyukja'tëtë.

Jeremias 11:12 ပူးပေါင်းရင်းမြစ်များ

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 46:7

Tmëjëtitë ënät kyejkyijxy ets tmënëjkxtë muum; ma tmëja'tën, kepykyijxy tkëxkë'ëtë ets jam tyajwë'ëmtë; jam y'ity, ka'ap maa nyijkxy. Oy jënu'un tmëya'ax tmëjoktëty t'amëtowtëty yë näypyutëkë ka'ap y'ëtsowa'anëtë ets ka'ap yajtso'okëtëty ëyo'ontum.

Jeremias 18:15

Yë nnaax nkajpnës tëëjës xyjyä'äytyëkooynyë, wiink tios tyukwintsë'kënëp yë poom jok. Tëë t'ëxmajtsnë ja ap tu'u ets jä'ä pyanëjkxnëp mëti'ipë ka'ap t'ixy'ätyën,

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Jeremias 44:8

¿Wi'ixës ko xyajjoot'anpëktë mëët mëti'ipë mtuuntëpën, ko yë poom xytyukwintsë'ëkëtë wiink tios yaa Egiptë ma të mintën tsënääpyë? Ko jëtu'unpë xytyuntë, kë'ëm mnäyajkutëkoya'anëtë ets ijxpät mwa'antëty ma të myajpoktën ets o'ktëy mjatëty ma ja naax kajpnëtyën naaxwiinyëtë apëtsëmy.

Deuteronomio 32:37

Ënet nëjkx ja Israel ja'ayëty t'ënëëmëtë ja myëtsip: ¿Maaxën ja mtiosëty mëti'ipë ënety mnikapxtëpën, ko yë'ë m'ijx'it mkëwent'atëtë, ets yë'ë xëmë mtimtyuk'ijxpäjtëp,

Deuteronomio 32:38

ja mëti'ipë jyë'kxtëp pyëjktëpën ja wintsë'kën, ets mëti'ipë y'uktëpën ja tsatym nyëë mëti'ipë mooytyëpën, ets mtukwintsë'këtyëpën? Wä'än yë'ë tminy ets mputëkëtëty. Wä'än mniminëtë ets mkëwent'atëtëty.

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.