Jeremias 10:8 - Biblia Dc en Mixe de Quetzaltepec

⁸ Aak tsuu aak nëpap yë ja'ayëty, ni pën wijyajtën tkamëëtëty. Ijxkëm pën tu'kpuxyën tyukni''ixëtë kepy.

Biblia Mixe de Quetzaltepec

⁸ Aak tsuu aak nëpap yë ja'ayëty, ni pën wijyajtën tkamëëtëty. Ijxkëm pën tu'kpuxyën tyukni''ixëtë kepy.

Jeremias 10:8 ပူးပေါင်းရင်းမြစ်များ

Salmos 115:8

Jëtu'un tä tääpë awinaxën, näjyëtu'un ja nyija'ay jyä'äy'äty mëti'ipë jëtu'unpë yajkojtëpën ets tëkokyë ninu'un tmëpëktën.

Salmos 135:18

Yë ja'ayëty mëti'ipë tääpë awinax yajkojtëpën ets mëti'ipë y'ëwtajtëpë jëtu'un jyä'äy'atë tä y'awinaxëtyën.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Jeremias 10:14

Aak tsuu aak nëpap yë naaxwiinyëtë ja'ay yajpaaty. Yë awinax ëxëëk o'ktëy yë jyä'äy tyajjaty mëti'ipë të yyajkojyën: nëkoo ja'ay nyätyukwin'ëënëtë, ka'ap tii juukyajtën tmëëtëty;

Jeremias 2:27

jä'ä ko yë'ëpaat yë kepy të t'ënëmaaynyëtë: Mijts nteety'äjtyp; yë'ëpaat yë tsaa të t'ënëmaaynyëtë: Mijts ntaak'ajtyp. E ëjts ni pën të xykyawinkutsë'ëkës, je'eyë të wya'akwinpitë koos të xy'ijxpaatë. E jääts ko muum ëyo'ontum të yajpaatë, jää pojën të y'ëna'antë: Nimiintëkës, yajtsoktëkës.

Jeremias 3:9

Nijënu'un tsip të tkajawë tyuuntëkoy ets ja naax kajpn të tyajnipäxëtëjkëtyä'äy. Të tyajtëkoy ja wintsë'kën ma ëjtsën ko të t'ëwtajnë ja tsaa ets kepy.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Jeremias 5:4

Ënätës ojts nmay ntajy: Yi'iyë ëyoopëja'aytyëjk winë tyuuntëp nitsuu nipoj, jä'ä ko ka'ap tnijawëtë mëti'ipë Wintsën tsyojkën'ajtypyën ets mëti'ipë Wintsën nyi'ënä'ämëpën.

Oseas 4:12

Yë nnaax nkajpnës jam winë tyajtëy ma kyepy tyë'ëtsën; tam yë kyepy tkë'ëkap'aty mëti'ipë tyuknasja'apën. Tëës xy'ëxmajtsnë. Jëtu'un ijxtëm tu'uk yë to'oxytyëjkën mëti'ipë tyo'kpy yäjkpyën nyini'kx, näjyëtu'un miitsëty tëë mnäyajkënë ets xywyintsë'ëkëtëty wiink tiosëty.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Habacuc 2:18

¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.