Jeremias 10:25 - Biblia Dc en Mixe de Quetzaltepec

²⁵ Yajkëta'ak ja mtsip m'äkë ma ja naax kajpnën mëti'ipë ka'ap m'ixy'ätyën, ma ja naax kajpn mëti'ipë ka'ap mmëkäjpxyën, jä'ä ko tëë ja Jacob ja nyaax kyajpn ëxëëk tuunëtë, tëë yajxon timyajkutëkoytyë ets xit ko'ow të t'ëxmatstë.

Biblia Mixe de Quetzaltepec

²⁵ Yajkëta'ak ja mtsip m'äkë ma ja naax kajpnën mëti'ipë ka'ap m'ixy'ätyën, ma ja naax kajpn mëti'ipë ka'ap mmëkäjpxyën, jä'ä ko tëë ja Jacob ja nyaax kyajpn ëxëëk tuunëtë, tëë yajxon timyajkutëkoytyë ets xit ko'ow të t'ëxmatstë.

Jeremias 10:25 ပူးပေါင်းရင်းမြစ်များ

Job 18:21

Jëtu'un jyëjpkëxy ja jyuukyajtën ja ëxëëk ja'ay, mëti'ipë y'ixtijpyën ja Dios.

Salmos 14:4

Yë ëxëëk tuunpë ëxëëk kajpxpëty nijënu'un kyaja'akyukëtë, yë'ë nyijë'kx nyipëjktëp yë nnaax nkajpnës ijxtëm ja'ay tsajpkääky tkayën. Tääpë ja'ayëty ka'ap yë Dios t'ëwtatë.

Salmos 147:20

Ka'ap ojts maa wiink naax wiink kajpn jëtu'unpë tuny, ja ja'ayëty ja wiink naax wiink kajpnëpë ka'ap ojts ma tnijawë'atë ja y'ënä'ämën tyiyajtën. Tukxoontä'äky mëjjawë Dios yë xyëëw nyaxëty.

Salmos 27:2

Yë ëxëëkja'aytyëjkëty mëti'ipës xymyëtsip'ajtëpën, tëë tjakäjpxy'atë koos xyaj'ooka'antë, je'eyëp ko kë'ëm y'anäpëtë ets ëxëëk nyäyaja'tëtë.

Salmos 69:24

Yajkëta'ak ma yë'ëjëtyën mijts yë mjoot'an; ets wä'än pyaatëtë mijts yë mtsip m'äkë.

Isaías 43:22

E mijts Israel ja'ayëty, Jacob yë kyajpn, ka'apës ojts xymyëkäjpxy, ni'ikyënëm ojts xymyëtsipke'exyës.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Jeremias 11:1

Ënätës ojts ja Wintsën xymyëkäjpxy, ëjts Jeremías, etsës xy'ënëmaay:

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Jeremias 50:7

Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Jeremias 8:16

Tää ja mëtsip myiny. Jëtu'un të yajmëtoy'äty ko kwaaykyijxy myintë atë'kx ajajp jam ma Dan y'itjotmën. Ko y'ajëjtë, yu'kxp yë naaxwiinyëtë. Yë'ë yajkutëkoyantëp yë naax kajpn ets tëkokyë jënu'un jap winë yajpaatyën, ja naax kajpn ets mëti'ipë jap juuky'ajtëpën.

Lamentaciones 2:22

Xii yaa muum të xyajtsoony atsë'ëk ajawëpë, jëtu'un tä jeexyë myintën xëëw'ijxpë; Wintsën ko xyaj'ity yë ëyo'on ni pën të kyamayë kyä'äkëty. Mëti'ipës ojts nyaj'ijxpëkyën yë mëtsip të tyaj'o'kta'ay.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënety ëjts të njoot'anpëkyën.

Juan 17:25

Dios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Hechos 17:23

Koos yaa nnaxy ntëkë ma mnaax mkajpnëtyën, ënätës të n'ixy ma miits ja mtios xy'ëwtatën jam kyëxja'ayëty: Ja Dios ka'apë yaj'ixy'ätyën. E oy, ja mëti'ipë m'ëwtajtëpën ets ka'ap xy'ixy'atë, yë'ëjës ëjts nnikäjpxy nnimëtyäkpy.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Dios ka'ap tnijawëtën, mëti'ipë winë y'atsojktëpën.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Apocalipsis 16:1

Ets nmëtooyës ja ayuk mëk ma ja Dios ja tyëjkën ets yaj'ënëëmëtë ja niwëxtujkpë ja tsajpjotmëtë kukäjpxy: Nëjkxtë naaxwiiny ets xyajtukwa'atstëty yë a'ukën mëti'ipë myëët'ajtypyën yë ëyo'on mëët ja Dios ja tsyip y'äkë.