Isaías 9:6 - Biblia Dc en Mixe de Quetzaltepec

⁶ Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Biblia Mixe de Quetzaltepec

⁶ Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Isaías 9:6 ပူးပေါင်းရင်းမြစ်များ

2 Samuel 7:13

Yë'ë ja ntsajptëjkës kyojëp ets xëmës ja kyutujktakn nyaj'ita'any.

2 Samuel 7:16

Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Reyes 2:33

Yë Joab yë'ë poky tukëtakpätanëp xëmëkyëjxm, mëët ko y'ooka'any ets näjyëtu'un ja y'u'unk y'ëna'k. E yë'ë ënät, ma ja David ja y'u'unk y'ëna'kën ets ma y'u'unk tyo'oxytyëjkën, xëmë jam y'itëty ja jotkujk'ajtën ets näjyëtu'un jam ma ja kyutujkënën.

1 Reyes 2:45

E yë'ë ënät ja yajkutujkpë Salomón nëjkxëp xëmë ja Wintsën kyënu'kxyë ets ja David ja kyutujktakn xëmëkyëjxm y'itëty jam nWintsënës wyintum.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Salmos 45:3

Nätyukwëënët yë mtëypyujxn mijts jotmëkja'ay, jä'ä ko yë'ë mëët oy mkëxë'ëky.

Salmos 45:6

Yë m'ënä'ämën mkutujkën, mijts Dios, ijtëëp yë xëmëkyëjxm, yë'ë ja kuttujkën ma xëmë y'ityën ja mëtëypyë ja nipaye'eyën.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Salmos 72:3

Tuk'ixëty ja naax kajpn ja jotkujk'ajtën ets oy yajpaatëty.

Salmos 72:7

Mapaat y'ëne'emyën ets yajkutukyën, wä'än tmëjë tkëjääjë yë akujkajtën jotkujk'ajtën ets tëyajtën, ijxtë koonëm yë po'o y'atëkoyëty.

Salmos 85:10

Yë tsojkën ja'awën ets tëyajtën tu'knax y'ita'antë, itaanp näjyëtu'un ja jotkujk'ajtën ets ja mëtëypyë,

Salmos 89:5

Mijts Wintsën, tëkokyë jënu'un jam yajpaatën tsajpkëjxm, myëjpëjktaktëp yë m'oyajtën ets mmëjajtën.

Proverbios 8:23

Tëëyëpës xyajkojnë, më''ëka'any ma ënety ka'ap ja naaxwiinyëtë kyojynyëmën.

Isaías 10:21

Niwäänë nëjkx ja ja'ay jyaak winpitë ma Tiosën.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

Isaías 26:12

Wintsën, mijts ëëts xyaj'oy'ijtp, mijts mtëy'ajtën'ajtp; mijts myaj'apatëtyääpy mëti'ipës nmëmaay nmëtajtëpën ntuna'antë.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

Isaías 28:29

Näyjyëtu'un të tuknipëjktaakë yë Wintsën mëti'ipë maaytyääyëpën winë. Yë'ë janty oyëty winë të tuknipëjktakëtyä'äy ets tyuunpy mëti'ipë të tuknipëjktaakën.

Isaías 32:1

Ma y'ita'anyën ja mëtëypyë ja nänyipaye'eyën, tu'uk ja yajkutujkpë jam yajpaata'any mëti'ipë oy nipaye'eyaanpën ets aakjëtu'un ja ënä'ämpëtëjk y'ita'antë mëti'ipë jam tunantëpën.

Isaías 37:32

nëjkxëp jam wyë'ëmtë Jerusalén, jam ma Sión kopkën jam'atantëp ja mëti'ipë juuky wë'ëmantëpën. Ya'atë jëtu'un tyunäämpy ja tsyojkën jya'awën mëjpë këjääpë ja Wintsën mëti'ipë maaytyääyëpën winë.

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Isaías 53:5

Ojts tsyëtyuty wyintëkoy ko ëëtsajtëm ënety të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Isaías 66:12

Jä'ä ko ëjts Wintsën, ëjts ënaanp: Nyajminäämpyës yë jotkujk'ajtën tä mëjnëëjën, Ja naax kajpn mëjwiin këjääjës ntuk'ixa'any ja wit meeny. Yë'ë nëjkx myajkay myaj'uukëtë, yë'ë nëjkx mtsäänëtë ets mwinxon mwin'itëtë.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 8:18

Ëjts ets mëëtës yë n'u'unk n'ëna'k mëti'ipës yë Wintsën të xymyo'oyën, jëtu'un ëëts nnaxtë tä tu'uk yë ijxpäjtënën mëti'ipë mëj'ajtën mëëtën ma Israel kajpnën, mëti'ipë yë Wintsën të tpëjktä'äkyën mëti'ipë maaytyääyëpën winë, mëti'ipë tsënääpyën ma ja Sión kopkën.

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Hageo 2:9

Ya'atë tsajptëjk, mëmäjtskpë yam kyojyën ni'ik oy ni'ik y'ita'any këtiinëm jyëtu'unëty ja mëjëyëjpë. Ënätnëm nëjkx jyää'aty yaa ja jotkujk'ajtën. Ëjts Wintsën, mëti'ipë maaytyääyëpën winë, ëjts ënaanp.

Mateo 1:1

Yaa myiny kuja'ay ja Jesukristë y'aptëjk, Abraham y'u'unk y'ok ets David y'u'unk y'ok.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Romanos 8:32

Jä'ä ko ka'ap ja Dios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 15:25

Jëtu'un ja Kristë nëjkx yë'ë y'ënä'ämnë koonëm ja myëtsip tmëmëtakta'ajëty.

2 Corintios 5:19

Jëtu'un yajja'akyukë ko ja Dios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Hebreos 1:8

E ko ja y'U'unk tnimëtyä'äky, jëtu'un y'ënäny: Mijts Dios, xëmëkyëjxm ja mkutujkën y'ity, myajkutukëp mijts mëët ja tëyajtën.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Jueces 13:18

E ja Wintsën ja kyukäjpxy tyaa y'ëtsooy: ¿Wi'ix ko xynyijawëja'any yë nxëëwës? Yë'ë yu'utsyës nmëët'aty.