Isaías 9:21 - Biblia Dc en Mixe de Quetzaltepec

²¹ Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Biblia Mixe de Quetzaltepec

²¹ Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Isaías 9:21 ပူးပေါင်းရင်းမြစ်များ

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.

Isaías 10:4

Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 11:13

Ka'ap nëjkx ja Efraín ja tsyip y'äkë t'ëkmëët'ajnë, ja Judá nëjkxëp ja jyoot'an xyä'ämnë; Efraín ka'ap nëjkx t'ëktukjoot'anpëjknë yë Judá, e yë Judá ka'ap nëjkx t'ëk'ëxëëk'ijxnë yë Efraín.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Zacarías 11:14

Ënet ja mëmäjtskpë ja tajk ojts ntuktëjës, mëti'ipë xyëëwajtypyën Tu'ukmukyëajtën, jëtu'un ojts y'atëkoy ja näyjiiky'at näymyëku'uk'atë ma ja Israel ja'ayëtyën mëët ja Judá ja'ayëtyën.

Mateo 24:10

Nimay nëjkx ja ja'ay jää t'ëxmatstë ja myëpëjkën ets nyäkyë'ëyakëtëty ets nyämyëtsip'atëtëty nixim niyam.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

Jueces 7:2

Ënet ja Wintsën t'ënëmaay ja Gedeón: Naxy yë ja'ay nimay xywyoomiinë, ko ënät ka'ap tyajmëta'aktëty yë Madián ja'ayëty ëna'antëp ënät ko jä'ä ko nyimay'atë paaty të myëta'aktë.

1 Samuel 14:20

Tä ja Saúl mëët ja tsyiptuunpëtëjk tnipëtë'ktë ja filistejë ja'ayëty, tyamts ja filistejë ja'ayëty ni'ikyë nyäy'ijxmajts'taayënëtë ets aakyë'ë nyäyaj'o'kënëtë.