Isaías 9:20 - Biblia Dc en Mixe de Quetzaltepec

²⁰ Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Biblia Mixe de Quetzaltepec

²⁰ Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Isaías 9:20 ပူးပေါင်းရင်းမြစ်များ

Eclesiastés 4:5

Jëtu'un ja'ay y'ëna'antë: Yë winma'anytyuk je'eyë nyäkyë'ëmëkityë ets nyäyaj'ëyo'ontëkëty ni'ikyë.

Isaías 10:4

Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 14:30

Yë ëyoopëja'aytyëjk jam yë kyupixyny tyaj'oka'antë maas yë nkamën, ja ja'ayëty mëti'ipë ka'ap wit meeny tmëëtëtyën jotkujk nëjkx jyuuky'atë. E mijts ni'ikyë ja mja'ay nëjkx nyajyuu'ookyës ets mëti'ipë juuky jaakwë'ëmtëpën, nëjkxëpës ni'ikyë njaakyaj'ooktë.

Isaías 3:1

Ja'aykyukëtë yajxon. Yë Wintsën jyëpëjkäämpy, ja ka'ayën ukën jam Judá ets jam Jerusalén, näjyëtu'un ja nëë tuu ets tëkokyë ja jë'kxy pëky.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Isaías 51:19

Ya'atë ojts mäjtsk xy'ëyo'on'aty: ko ja mnaax mkajpn kyutëkooy ets winë yajmä'tstaay, ets ko ojts ja mja'ay ja jëën tsip ets yuu xëëw yaj'ookëtë. ¿Pën ënät mpa'ëyowëtëp? ¿Pën ënät myajjotkujkëtëp?

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Jeremias 19:9

Ëjts nyajkutukäämpy ets ja ja'ay tsu'utstëty ja kyë'ëm u'unk kyë'ëm ëna'k, ye'etyëjkpë to'oxytyëjkpë; nixim niyam nëjkx nyätsyu'tsënëtë ko ënety o'ktëy jyajnëtë ets kyëjxtaaynyë ja jë'kxy pëky mëët ko ja myëtsip të yajnatukëtë.

Lamentaciones 4:10

Oy ënety ja to'oxytyëjkëty oy ja jyot wyinma'any tjamëët'atë, ojts ja y'u'unk tyajkëëwnëtë; ojts ja y'u'unk tsu'tsnëtë ko kyutëkooy ja naax kajpn.

Miqueas 6:14

Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënety tii të xyjyapaaty ko ja tsip tyunëtëty jää nëjkx tyëkooytyä'äy.

Zacarías 11:9

Ets të n'ënëëmëtës ja kupixynyëty: Ëjts ka'apës miitsëty n'ëkëwent'atanëtë. Pën nitu'uk miits m'ooka'antë, oy m'ooktëty. Pën myaj'o'këtëp, wä'än myaj'ookëtë. E mëti'ipë juuky jaakwë'ëmtëpën, nixim niyam mjaak nätsyu'utsëtëty.

Marcos 3:24

Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,