Isaías 9:19 - Biblia Dc en Mixe de Quetzaltepec

¹⁹ Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Biblia Mixe de Quetzaltepec

¹⁹ Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Isaías 9:19 ပူးပေါင်းရင်းမြစ်များ

Isaías 1:31

Ja ja'ay mëti'ipë mëk näjya'awëyëpën, aaykyëta'akën y'awinpita'any; ja tyuunk jëënpixkën jyata'any; nimäjtsk tyoya'antë tu'knax ets ni pën nëjkx kyayajkupi'itsëty.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Isaías 13:13

Ëxëëk nëjkx ja tsajp jyäty kyëpety, ets ja naaxwiinyëtë wiinktsow nëjkx nyaskëyë mëët ko ënety yajxon të njoot'anpëkyës.

Isaías 13:18

Jëtu'unyë nëjkx tkuti'pxtë ja ëna'ktëjkëty. Jä'ä tëyëty nijënu'un ja pa'ëyo'owën najts'ëyo'owën tkamëët'atë; oy myëj ja'ay myutsk ja'ayëty ets myëxu'unkëty, ka'ap tpa'ëyowa'antë.

Isaías 13:9

Miimp wiinkoonp ja Wintsën ja xyëëw ma ja ëyo'on y'ita'anyën, ma ja tsyip y'äkë tyajnaxa'anyën, mëti'ipë ja naaxwiinyëtë yaj'awinpitäämpyën anë'ëk tëëtsë'ëk, yajkutëkooytya'ajäämpy ja pokyjyä'äytyëjk mëti'ipë yajpatëpën naaxwiiny naaxkëjxy.

Isaías 24:6

Poky yë naaxwiinyëtë të y'ity, paaty o'ktëy të jyäty, Ja ja'ay mëti'ipë jam kukajpnajtëpën yë'ë ëyoowtëp paaty të nyiwäänëtë, ka'ap ja ja'ay y'ëknimay'ajnëtë.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Isaías 42:25

Paatykyëjxm tyukjoot'anpëjkëtë ets tyiytyuunëtë mëët ja tsip käjpxy mëti'ipë toopyën jëënën; e oy ëxëëk jyajajty jyakëpejty kä'äpyëm ojts jyä'äkyukëtë.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Isaías 5:30

Tääpë kajpn, ko ënety xëëw jëmëjt tpaaty, jëtu'un nëjkx yajmëtoy tä mëjmejyën ko ënety tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Isaías 60:2

Nituky ja naaxwiinyëtë y'ity mëët ja kootsajtën, nijuuxy ja naax kajpn y'ity ko kyootsëty; e yë Wintsën yë'ë mkutë'kxanëp ets ma mijtsën jam ja myëj'ajt y'oyajtën nyikëxë'ëka'any.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Ezequiel 20:47

ets xy'ënëëmëty: Jëtu'un yë Wintsën y'ënä'äny: Nyajmëjëjäämpyës yë jëën ma mijtsën mëti'ipë nyo'ktëkoyäämpyën yë m'aay mkepy, tsuxkpë, të'ëtspë; ya'atë jëën toyaanp ets ka'ap pyi'itsa'any, nyo'kta'ajäämpy yë wyiin jyëjp ja ja'ay mëti'ipë jam tsënaaytyëpën anëkëjxmtsow ets ëpa'tkë'ëytsyow.

Ezequiel 9:5

Etsës të nmëtoy t'ënëëmë ja naaxwiinyëtë ja'ayëty: Panëjkxtë ets xytyukjëtitëtëty mëët ja naax kajpn, jam xyajtso'onta'aktëty maas yë ntsajptëjkën. Këtii xytsyë'ëkëtëty ni pën, yaj'o'kta'atë yë mëjja'aytyëjk, ëna'ktëjk, to'oxy'ëna'k, pi'k ëna'k ets to'oxytyëjk. Je'eyëp tëy ko këtii xymyëwa'antëty ja ja'ayëty mëti'ipë myëët'ajtëpën ja ijxpäjtën ma wyiinpokën. Ënet tyajtso'ontaktë mëët ja mëjja'aytyëjk mëti'ipë ënety jam ma tsajptëjkën yajpatëpën.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Joel 2:3

Ja mu'u jëtu'un wyinkony tä jëënën mëti'ipë yajtooytyëkoopyën winë; ka'anëm jyä'ty ko winë tyëtsta'ay ets oy tëë jyanajxnë je'eyëm tyooy'ëti'itsy. Ja itjot mëti'ipë ijty janty'oy këxë'kpën ma ënety ka'ap ja jëën nyäxynyëmën, ko nyäxy anë'ëk tëëtsë'ëk jyaak yaj'ixy. Nitii kyatso'oky ma yë'ëjën.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënety yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Abdías 1:18

yë Jacob yë y'u'unk y'ok ets José yë y'u'unk y'ok jëtu'un yë'ëjëty tä witën, mëti'ipë poj'am jëënmatsanëtpën. Nitu'uk yë Esaú y'u'unk y'ok kyatso'oka'any. Ëjts Wintsën, ëjts ënaanp.

Miqueas 7:2

Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Dios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Miqueas 7:6

Jä'ä ko ja u'unk ëna'këty y'ixtijnëtëp ja tyeety tyaakëty, ja u'unk nëëxëty ka'ap ja tyaak t'ëkmëmëtoownëtë, näy'ëxëëk'ijxënëtëp ja xäkxy mëët ja tsyu'u ets ja ja'ayëty jä'ä myëtsip'ajnëtëp ja jyiiky myëku'ukëty.

Zacarías 11:6

Näyjyëtu'unës ëjts ka'apës mpa'ëyowa'antë yë ja'ayëty mëti'ipë yaa tsënaaytyëpën ma ya'atë naax kajpnën, ni'ikyës nkë'ëyajkta'aja'antë ma jyiiky myëku'ukëtyën ets ma kyutujkpëtëjkëtyën. Ets yë'ëjëty tyajkutëkoya'antë yë naax kajpn ets ni pën nkayajtso'oka'anyës ma kyë'ë y'aawëtyën. Ëjts Wintsën, ëjts yam ënaanp.

Zacarías 11:9

Ets të n'ënëëmëtës ja kupixynyëty: Ëjts ka'apës miitsëty n'ëkëwent'atanëtë. Pën nitu'uk miits m'ooka'antë, oy m'ooktëty. Pën myaj'o'këtëp, wä'än myaj'ookëtë. E mëti'ipë juuky jaakwë'ëmtëpën, nixim niyam mjaak nätsyu'utsëtëty.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Mateo 27:45

Ojts kyootsë ja naaxwiinyëtë, kujkxyëëw ënety, ets jëtu'un y'ijty jënäkyxyëëwpaat.

Hechos 2:20

Pi'itsaanp ja xëëw, ja po'o ne'pnyën y'awinpita'any ka'anëm ënety ja Wintsën myinyëm, ets jää nëjkx yaj'ixy ja Wintsën ja myëj'ajt y'oyajtën.

2 Pedro 2:4

Dios ka'ap ojts tnime'kxy ja anklëstëjk mëti'ipë ka'ap myëmëtoowën, jap ojts tpëjktä'äky ëyoowtaknjoty, kupi'its kukoots ets kuwëëny kuxotsy jap tuk'ëwxity ja tëytyu'unën.