Isaías 9:18 - Biblia Dc en Mixe de Quetzaltepec

¹⁸ Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Biblia Mixe de Quetzaltepec

¹⁸ Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Isaías 9:18 ပူးပေါင်းရင်းမြစ်များ

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Salmos 83:14

Jëtu'un tä yë jëën jyëtityën tunkëjxm kopkëjxy, ets tëkokyë tno'kta'ay winë,

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Apocalipsis 14:11

Xëmëkyëjxm ja jëënjok jap pyëtsimy ëyoowtaknjoty, ka'ap jap ja po'kxën maa, xëëny koots jap y'ëyowëty mëti'ipë ja mëj jëyujk ets ja awinax wyintsë'këpën ets mëti'ipë kyupëjkpyën ja nätsya'ajë.

Hebreos 6:8

E pën aak äpny aak ëxëëk ujts mujxp, ka'ap tsyowpaaty, kajpxpoky ja Dios yaj'itëtë ets ok yajnino'oktë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Amós 7:4

Ënätës yë Wintsën të xytyuk'ixy: Ko tu'uk yë ëyo'on të tkexy, mëti'ipë jëtu'un këxë'kpën tä jëënën, tëë tyajtë'ëtsy ja komnëë ets nëkooyë ja tun kopk të tyajwintooytyutaaynyë.

Joel 2:20

Tyam njëpëka'anyës ma miitsëtyën yë mu'u mëti'ipë tso'ontëpën anëkëxmtsow ets jam të'ëts'itjotm najtskäjxëja'anyës. Jam Ooky Nyëëjotm nyajkiinta'aja'antës mëti'ipë winye'eyëtëpën, mëti'ipë paye'eyëtëpën jam nyajkiinta'aja'anyës ma Mejyën Naax'akujkpyë, jëtu'unyë nëjkx yë jyot nyini'kxëty wyimputskëta'aktë ets xyuuktëty jyoktëty. Mëj këjääjës winë ntuna'any nkajpxa'any.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Isaías 33:12

Kuyjyaamën nëjkx ja naax kajpn y'awinpity; tä äpny muum nyitoyën jëtu'un nëjkx nyitoytyë.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Isaías 27:4

Ka'apës n'ekyë mëët yë'ë. Ko jeexyë tmëët'aty yë äpny ëkë ëxëëk ujts, pojënës jeexyë nitsoony etsës jeexyë ënätyë nino'kta'ay.

Isaías 1:31

Ja ja'ay mëti'ipë mëk näjya'awëyëpën, aaykyëta'akën y'awinpita'any; ja tyuunk jëënpixkën jyata'any; nimäjtsk tyoya'antë tu'knax ets ni pën nëjkx kyayajkupi'itsëty.

Salmos 37:20

Yë ëxëëkja'aytyëjk jëtu'un nëjkx tyoytyë jyämtë tä aaytyë'ëts ujtstë'ëtsën; tëkokyë mëti'ipë yë Wintsën y'ëxëëk'ijxtëpën ets myëtsip'ajtëpën, jëtu'un pyojwa'kxa'antë tä yootsën.

Deuteronomio 32:22

E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Salmos 68:2

jëtu'un pyojwa'kxta'atë tä jok pyojwä'kxyën tsajpkëjxm, ets jëtu'un yaj'ixtë jëtu'unyë yowë jyiiywya'kxnëtë tä onën jëënjoty, jam ma Tiosën yë ëxëëkja'aytyëjk ijxtëkoy ja'atyëkoy y'itë.

Isaías 1:7

Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Joel 2:3

Ja mu'u jëtu'un wyinkony tä jëënën mëti'ipë yajtooytyëkoopyën winë; ka'anëm jyä'ty ko winë tyëtsta'ay ets oy tëë jyanajxnë je'eyëm tyooy'ëti'itsy. Ja itjot mëti'ipë ijty janty'oy këxë'kpën ma ënety ka'ap ja jëën nyäxynyëmën, ko nyäxy anë'ëk tëëtsë'ëk jyaak yaj'ixy. Nitii kyatso'oky ma yë'ëjën.

Abdías 1:18

yë Jacob yë y'u'unk y'ok ets José yë y'u'unk y'ok jëtu'un yë'ëjëty tä witën, mëti'ipë poj'am jëënmatsanëtpën. Nitu'uk yë Esaú y'u'unk y'ok kyatso'oka'any. Ëjts Wintsën, ëjts ënaanp.

1 Reyes 16:21

Ënet ojts ja Israel kajpn nyäwyä'kxyë mäjtskpëky. Tu'kpëky jä'ä pyutëjkëp ja Tibní, Guinat yë myaank ets yë'ë yajkutukëty, e jatu'kpëky jä'ä pyutëjkëp ja Omri.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.