Isaías 9:14 - Biblia Dc en Mixe de Quetzaltepec

¹⁴ Ënet ja Wintsën ja Israel kajpn jëtu'un të tuny tä ja'ay tu'uk yë jëyujk tpi'ixy pyujxtu'utyën ets kyëpajk tnëpujxë, ëkë jëtu'un tä ja'ay tu'uk yë kum kepy tpujxkëtayën ëkë tä aats muum tnëpuxyën. Ets tu'kxëëyë të tyaj'atëkoy.

Biblia Mixe de Quetzaltepec

¹⁴ Ënät ja Wintsën ja Israel kajpn jëtu'un të tuny tä ja'ay tu'uk yë jëyujk tpi'ixy pyujxtu'utyën ets kyëpajk tnëpujxë, ëkë jëtu'un tä ja'ay tu'uk yë kum kepy tpujxkëtayën ëkë tä aats muum tnëpuxyën. Ets tu'kxëëyë të tyaj'atëkoy.

Isaías 9:14 ပူးပေါင်းရင်းမြစ်များ

Isaías 10:17

Ja Dios kënu'kxypyë, mëti'ipë të'kxpën jajpën jam Israel, jëtu'un y'awinpita'any jëënyä'änkën, ets tu'kxëëyë tyatooytyëkoyä'äny ja aayjyot pejyjot ets ja äpnyjyot.

Isaías 19:15

Ets ni pën kyamayëtëty ja Egiptë kajpn tyaj'oyëty, oy ja'ay jyaminëty mëti'ipë ixpëkyën mëti'ipë tsuujën, mëti'ipë kumeenyën ëkë mëti'ipë ëyoopën.

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Jeremias 6:21

Paaty yë Wintsën y'ënä'äny: Ëjts jëtu'unës ya'atë naax kajpn nyajjata'any tä ja'ay kyëtäyën ko y'anäpë. Teety taak, u'unk ëna'k, mëj jëën mëtëjk ets jëëky mëku'uk, tu'knax y'ooka'antë ko ënety yajnimintë anëkëjxmtsow.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënety ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Lamentaciones 4:16

Tëë yë Wintsën y'ëxmatsëtë, paaty jëtu'unyë të y'aye'eyëtya'atë ets ka'ap të y'ëkni''ijxwinpijtënëtë. Ko ka'ap pën ja teetytyëjkëty të t'ëkwintsë'kënëtë ets ko ka'ap pën ja mëjja'aytyëjkëty të t'ëkja'amyäjtsënëtë.

Oseas 1:4

Ënet yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Oseas 1:6

Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Dios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Oseas 1:9

Ënet ja Wintsën ojts tmëkäjpxy ja Oseas ets t'ënëmaay: Llamá Lo-ami xytyijëty yë mmaank, jä'ä ko miitsëty ka'ap n'ëkkajpn'ajtnëtë, etsës ka'apës ëjts miits xy'ëk'ëwtajnëtë.

Oseas 10:15

Näyjyëtu'un miitsëty mjata'antë, jënu'un jam Betel mtsëënëtën, ko ëxëëk winë të xytyuntë. Ookaanp yë Israel yajkutujkpë ko xëëw pyëtsëmëty.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Oseas 4:5

Mijts xëëny koots nëjkx ëxëëk mjaty mkëpety, näjyëtu'un yë mkäjpxynyäjxpë xëëny koots nëjkx ëxëëk jyäty kyëpety ets mtaak nyajkutëkoyäämpyës yë'ë.

Oseas 8:8

Israel jëtu'un të jyäty tä jeexyë të yajjëënyën. Wiinkëtypë naax kajpn ka'ap mëj tyim'ixëtë,

Amós 3:12

Jëtu'un yë Wintsën y'ënä'äny: Jëtu'un tä tu'uk yë kupixyny këwent'ajtpë tuk'aju'tu'utyën yë kaa ko ënety të tmatsy yë kupixyny jam ma kyë'ëjën ëkë ma tyekyën ëkë ma tyatskën, jëtu'un yë Israel ja'ayëty kyä'äka'antë jam Samaria mëti'ipë jam tsënaaytyëpën; yi'iyë nëjkx tjaakmëkä'äktë myaapäjnety ets tu'ktëjyën yë y'ënyääypyäjn.

Amós 6:11

Jä'ä ko ja Dios kyäxäämpy ja nätyiytyunë ma ja jëën tëjkën mëjatyëtypë ets mutskjatyëtypë ets nëjkx jyajta'ay axit ako'owë.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.