Isaías 8:20 - Biblia Dc en Mixe de Quetzaltepec

²⁰ Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Biblia Mixe de Quetzaltepec

²⁰ Wä'än jëtää jëtu'un y'ëna'antëty, je'eyëp ko ja mëti'ipë ënäty nyikajpxtëpën, aakjä'ä ka'apë tyunëtyën.

Isaías 8:20 ပူးပေါင်းရင်းမြစ်များ

Esdras 10:3

Ëëtsëty tyamës nikajpxtë ko n'ëxmatsantëpës ja nto'oxytyëjkëty mëti'ipë ka'ap y'Israel ja'ayëtyën mëët ja y'u'unk y'ëna'këty, jëtu'un ijxtëm ja ënä'ämën tëyajtën jap myinyën mëti'ipë mijts mnija'apën, mëti'ipë Wintsën jyä'ä'ajtypyën.

Salmos 119:130

Ko yë m'aaw m'ayuk yajkäjpxy yajmëtyä'äky, kyutë'kxyp yë jot winma'any, ets yajwijytyäkpy yë ja'ay mëti'ipë yu'unk naxym ja'ay'ajtpën.

Salmos 78:5

Dios ojts tu'uk tpëjktä'äky yë ënä'ämën mëti'ipë tyukmëwë'ëmën yë Jacob, ojts tu'uk yë ënä'ämën tpëjktä'äky mëti'ipë yë Israel kajpn pyatunëpën, ets ojts tuk'ëne'emy ja n'ap'ajt n'ok'ajtëm ets tuk'ëwaanëtëty tukni''ixëtëty ja y'u'unk y'okëty,

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Isaías 1:10

Miitsëty wintsëntëjkëty, Sodomë ja'ayëty, mëtoow'itë ya'atë aaw ayuk mëti'ipë ja Wintsën kyajpxäämpyën. Miitsëty, Gomorra ja'ayëty mëtoowkukëtë wi'ix ja Wintsën ja y'ënä'ämën y'ënä'änyën.

Isaías 8:16

Pëjkë'ëktë ma mjot mwinma'anyëtyën ya'atë aaw ayuk; jap mëët'atë yu'utsy ya'atë ijxpëjkën mëti'ipë yam miitsëty ntukni''ixëjantëpën.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Jeremias 8:9

E tääpë ja'ayëty mëti'ipë nätyijëtëpën ixpëkyjyä'äy, o'ktëy jyata'antë, wintsëtyu'un jëjptsëtyu'un kyukëxëja'antë, tsuu poj jyata'antë tä jëyujk muum kyukääkën o'këntuuy. ¿Maatën ja y'ijxpëky'ajtënëty? tëëjës t'ixtij t'ëxwa'antë ja n'aaw n'ayukës.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Miqueas 3:6

Miitsëty ka'ap xy'ëkmëët'atanëtë ja tsuu kuma'ay koots ets ka'ap nëjkx m'ëk'maayënëtë wi'ix tii xy'akajpxtëtyën. Nëjkxëp ja xëëw jää jyäjy tyi'kxy ma tääpë käjpxynyajxpëtëjkëtyën ets ko xyiiny'atëty nëjkxëp jää kyootsë,

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Mateo 22:29

Tääts ja Jesús y'ëtsooy: Mkajpxtëkooytyëp miitsëty, jä'ä ko xykyanijawëtë ja Dios ja y'aaw y'ayuk ets ni xykyanijawëtë ja myëk'ajtën.

Mateo 6:23

e pën ka'ap ja mwiin y'oy'ixy, akootstuuy ja mjot mnini'kx yajpaata'any. Pën ja të'kxën mëti'ipën jam ma mijtsën akootstuuy y'awinpity, nëkooyë ja kootspuknë y'ita'any.

Marcos 10:3

Tääts ja Jesús y'ëtsooy: ¿Wi'ix ja Moisés tni'ënä'ämë?

Lucas 10:26

Ets ja Jesús y'ëtsoowinpijtë: ¿Wi'ix ja Moisés ja y'ënä'ämën kyëxja'ayëty? ¿Wi'ix jap xykyäjpxy?

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Romanos 1:22

Jëtu'un ijty y'ëna'antë ko wyijy'at kyejy'atë, je'eyëp ko tsuu yë'ë të y'awinpitë,

2 Pedro 1:19

Yë'ë ya'atë aaw ayuk yajtëytyëjkëy mëti'ipë tëëyëp ja Dios ja kyäjpxynyajxpëtëjk nyikajpxtën ets tyam miitsëty të xymyëpëktë. Ya'atë aaw ayuk jëtu'un yë'ë tä tu'uk yë kutë'kxnën akootstuuy, koonëm xyiinyëty ets ja jaayxyëëw pyëtsëmëty mëti'ipë kyutë'kxëpën ja jot winma'any.

2 Pedro 1:9

Pën ka'ap tyajmëjtëkë ja jëtu'unpë oywyinma'any, jëtu'un ja jyatë ijxtëm tu'uk ja ja'ay wiintspën ëkë mëti'ipë ka'ap jëkämpaat y'ixyën, jä'äkyëjxm ko të tja'atyëkoytyë ko ja Kristë të yajpokywya'atsëtë ma ijty pyokytyuntë.