Isaías 8:19 - Biblia Dc en Mixe de Quetzaltepec

¹⁹ Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Biblia Mixe de Quetzaltepec

¹⁹ Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Isaías 8:19 ပူးပေါင်းရင်းမြစ်များ

Génesis 41:24

Ya'atë tsajpmok yontën të'ëtsëtypë, ojts tjë'ënta'atë ja niwëxtujkpë ja tsajpmok yontën oyëtypë. Ya'atës yam nmëtyä'äkyën tëëjës yë najtsja'apëtëjk pamääpyëtëjk njatukmëmëtya'aktë, e ni pën të tkayajniwijy etsës jeexyë xytyuk'ëwaanëtë tiitën nkuma'ayës jyanikajpxäämpyën.

2 Reyes 1:3

je'eyëp ko ja Wintsën ënätyë ojts tkexy ja kyukäjpxy jam ma ja Elías yajpaatyën, jampë kyukajpnëtyën Tisbé: Nëjkx paat yë yajkutujkpë tyuunpë mëti'ipë jam të tsyoontën Samaria ets xyajtëwëty, ¿tii ka'apëtën jam yë Wintsënë ma Israel kajpnënë, tii ko yë'ë xynyinëjkxtë yë Baal-zebu, jampë yajpaatyën Ecrón ets yë'ë winë xyajtëwa'antë?

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

2 Reyes 23:24

Josías ojts tyajkutëkooytyä'äy ja kajpxpojkpëtëjk ets ja patooy panajxpë; yajkutëkooytyääy ja awinax mëti'ipë ja'ay myëët'ajtëpën winjëën wintëjk, ja wiinkëtypë ja awinax ets tëkokyë mëti'ipë ënety ja ja'ayëty të tyajnikojtu'utën ets t'ëwtatë, jampë Jerusalén ets Judá yajpaatën. Paaty jëtu'un winë tuuny, jä'ä ko ojts ja wyinma'any tpëjktä'äky ko tpatuunta'aja'any ja ënä'ämën tëyajtën mëti'ipë jap miinpën kuja'ay ma ja nokyën mëti'ipë ja Hilquías pyatën ma ja tsajptëjkën.

1 Crónicas 10:13

Jëtu'un ojts ja Saúl y'ooky tyëkoy, mëët ko ënety ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

Salmos 106:28

Tä ojts tmëtuntë ja wiink tios mëti'ipë tyijtëpën Baal-peor, ets tkaaynyëtë tjë'kxnëtë ja ka'ayën ukën mëti'ipë të yajtukwintsë'ëkën ja tios ka'apë jyuukyëtyën.

Isaías 19:3

Jëtu'unës nëjkx nyaj'akumon nyajjotkumonëtë, ka'ap nëjkx jëtu'un tyunyë jyätyë ijxtëm ënety të tjatuknipëjktaakëtën. Ënet nëjkx jam winë tyajtëwtë ma y'awinaxëtyën, ma ja nasja'apëtyën, ma ja o'kpë anëmën ets ma ja patooy panajxpëtyën.

Isaías 26:14

Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.

Isaías 29:4

O'ktëy mjata'any mkëpäta'any, jëtu'un nëjkx mnaaxkukëtawë, ko mjaya'ax mjajokëty jëtu'un je'eyë yajmëtowa'any tä tii tyukwanën, jëtu'un tä jeexyë mëkxejyën.

Isaías 30:2

Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.

Isaías 45:11

Yë Wintsën, Wa'atspë yajpaatyën ma Israel kajpnën, mëti'ipë Israel të yajkojyën, jëtu'un y'ënä'äny: ¿Miitsëty yë'ëjës xyajtëwantëp wi'ix ja n'u'unk n'ëna'kës nyajyeeky nyajpetyën, ëkë yë'ëjës xytyukni''ixëjantë wi'ixës winë ntunëtyë?

Isaías 47:12

Tuun'ëtë'ëts ja mpano'k mpanajxën ets ma mkäjpxypyokyën mëti'ipë mpatso'ontakën ko m'ëna'k'ajty, ets kë'ëm xy'ixëty pën mtu'unxëyëp ets pën mtsë'këyëp yë ja'ay.

Isaías 47:13

Tëëxë kanaak xymyëët'aty m'ëëwij mkajpxwijpë, ets mmëtsipkä'äxnëp ijty ko nyimay'ajnëtë. Wä'än ënät tyam tmëjwa'aktë ja mxëëwmääpyëtëjk, mëti'ipë nyija'awëtëpën wi'ix yë mëtsa'a tyajkajpxtëtyën, mëti'ipë winpo'ojaty mtuk'ëwa'anëyëpën tii tunan jatanëp ets jeexyë mijts mtso'oky.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 27:9

Paaty n'ënëëmëtë këtii nëkoo xymyëpëjkëtëty yë y'aaw y'ayuk tääpë käjpxynyajxpëtëjkëty, najtsja'apëtëjkëty ets ja'ayëty mëti'ipë yajkuma'aynyiwijtëpën; yë'ëpaat mëti'ipë kajpxpojktëpën, mëti'ipë yajmëtoopën tii t'akajpxtën mëti'ipë tunan jatanëpën; mëti'ipë ënantëpën ets ka'ap mnäkyë'ëyakëtëty ma ja Babilonyë yajkutujkpën.

Miqueas 5:12

Nyajkëxäämpyës yë kajpxpojkpëtëjk ets jëtu'unyës nyajwë'ëma'any nasja'apëtuk.

Hechos 16:16

Tëkok ojts jyäty kyëpety, jamës ënety nnëjkxtë ma ja ja'ay ja Dios tja'amyätstën, täätsës mpatë tu'uk ja to'oxy'ëna'k mëti'ipë ja ku'oypyë myëët'ajtypyën, ets tyuknajtsjawëty mëti'ipë tunan jatanëpën. Ëne'emy ijty y'ity; yajxon ja wyintsën myeenypyääty mëti'ipë ënä'ämëpën.

Deuteronomio 18:10

Ma miitsëtyën ni pën yë y'u'unk tkakë'ëyakëty ets nyitoyëty ëkë wyintsë'kën'atëty. Ka'ap mëpaat pën tuunk'aty yë xëëwmääpyë tuunk, najtsja'awëk, ëkë kajpxpojkën.

Deuteronomio 18:11

Ets ni yë'ë mëpaat tkatuunk'atë yë patooy panajxpë tuunk, ëkë ma ja'ay yë o'kpë tyajmëtyä'äkyën, ma poj ënääw tmëkäjpxyën, ëkë ma ja'ay winë je'eyë tnajtsjawën.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

1 Samuel 28:11

¿Pën mtsojkpy etsës nyajminëty? Jëtu'un y'ënäny ja to'oxytyëjk. Mëkajpx yë Samuel. Jëtu'un y'ëtsooy yë Saúl.

1 Samuel 28:16

Tä ja Samuel y'ëtsoowë: ¿Wi'ix ko ënät xyajtëyës, pën tëë yë Wintsën m'ëxmajtsënë ets tëë mmëtsiptso'onënë?

1 Samuel 28:7

Paaty t'ënëmaay ja tsiptuunpë wintsën: Ixta'atë tu'uk yë to'oxytyëjk mëti'ipë myëkäjpxypën yë o'kpë, yë'ëjës nëjkx n'ixa'any. Tääts y'ëtsoowtë ja tsyiptuunpë wintsënëty: Jam Endor tam tu'uk yë to'oxytyëjk mëti'ipë yajmëtyäkpyën yë o'kpë.

1 Samuel 28:8

Tä ja Saúl tëkatsy nyäxyojxë ets wiink wit pyëjktak; tääts tsyo'ony koots mëët nimäjtsk yë jyä'äy ets ojts tninëjkxtë ja to'oxytyëjk. Ko jam jyä'äjty tääts t'ënëmaay: Mëyajtënës yam npëjktsoop ma mijtsën ets xynyajtsjawëty wi'ix yë njuukyajtënës myiny ets xyajminëty tu'uk yë ja'ay mëti'ipës yam nikajpxäämpyën.