Isaías 8:17 - Biblia Dc en Mixe de Quetzaltepec

¹⁷ Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Biblia Mixe de Quetzaltepec

¹⁷ Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Isaías 8:17 ပူးပေါင်းရင်းမြစ်များ

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Job 13:24

¿Wi'ix ko je'eyë mnäyu'ts mnäkyiiyënë? ¿Wi'ix ko jëtu'un mnäpyëjktakënë mëët ëjts tä jeexyë xymyëtsip'atyënës?

Job 14:14

Ko tu'uk yë ja'ay y'ooky, ¿wä'än jëtää jatëkok jyuuky'ajtwinpityë? ko jeexyë y'ëkjëtu'unëty, n'ëwxijtypyës jeexyë mapaat xytyukka'ayës tsyo'okëty ja mpëjkënës n'ijxënës.

Job 35:14

Oy mja'ëna'any ko ka'ap yë Dios maa xy'ixy, yë'ë ëwxit, jä'ä ko yë mjotmay tëë tnanija'awënë.

Salmos 130:5

Yajxon ëmuumtu'ukjot n'ëwxityës yë Wintsën, n'ëwxityës jëtu'un yë nWintsënës, ets y'aaw y'ayuk yë'ëjës ntuk'ijxpejtyp.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 33:20

Ëëtsëty yë'ëjës yë Wintsën ntukjotkujk'ajtëp; yë'ëjës xypyutëjkëtyëp ets xykyuwantëp.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Salmos 40:1

Tu'ukyë jam yë njot nwinma'anyës npëjktä'äky ma Wintsënën, ets yë'ë tëë tmëtoy koos nyä'äxy njoky;

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 33:2

Wintsën, pa'ëyoow najts'ëyo'owëtëk ëëtsëty, ëëtsëty jamës ja winma'any npëjkta'aktë ma mijtsën. Mijts ëëts xypyëtëkëtëp winjopy, mijts ëëts xyaj'ëwaatsëpëtsëmtëp ko ntsippaatëtyës.

Isaías 45:15

E mijts Dios, ka'ap myaj'ixy, Dios mëti'ipë yajnitsokpyën yë Israel kajpn.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Dios tukjotkujk'atë.

Isaías 54:8

Koos yë joot'an xytyuktëjkëy poj'am, ojts nkuke'eky ets nwinwa'ktuty, e mëët ja tsojkën ja'awën xëmëkyëjxmëpë ojts jatëkok npa'ëyoy. Jëtu'un ja Wintsën y'ënä'äny, mëti'ipë yaj'ëwaatsëpëtsëëmpën.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Isaías 59:2

Jä'äjën tëy, yë'ëkyëjxm ko miitsëty të mpokytyuntë paaty ja Dios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Dios yë'ë xëmë mtuk'ijxpätëp.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Lucas 2:38

Tääts ja Aná nän jää jyä'äjty ets ja Dios tkukajpxëy ets ojts tnikäjpxy tnimëtyä'äky ja mëxu'unk Jesús, ma ja ja'ayëtyën mëti'ipë jyëjp'ijxtëpën ets ja jerusalén kajpn y'ëwaatsëpëtsëmëty.

Lucas 24:27

Tääts ja Jesús ojts tyuk'ixëtë ja Dios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Dios ja kyäjpxynyajxpëtëjk tjaaytyën.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

2 Tesalonicenses 3:5

Ja Wintsën mputëkëtëp ets xymyëët'atëty ja nitsokën ijxtëm ja Dios tsokyën ets xymyëët'atëty ja jotmëk'ajtën mëti'ipë Kristë mmooyëtëpën.

Hebreos 2:13

Ets näjyëtu'un y'ënä'äny: Tiosës ntuk'ijxpätäämpy, näjyëtu'un y'ënä'äny: Tyamës ja u'unk ëna'k mëët nyajpaaty mëti'ipës ja Dios të xymye'eyën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.