Isaías 8:16 - Biblia Dc en Mixe de Quetzaltepec

¹⁶ Pëjkë'ëktë ma mjot mwinma'anyëtyën ya'atë aaw ayuk; jap mëët'atë yu'utsy ya'atë ijxpëjkën mëti'ipë yam miitsëty ntukni''ixëjantëpën.

Biblia Mixe de Quetzaltepec

¹⁶ Pëjkë'ëktë ma mjot mwinma'anyëtyën ya'atë aaw ayuk; jap mëët'atë yu'utsy ya'atë ijxpëjkën mëti'ipë yam miitsëty ntukni''ixëjantëpën.

Isaías 8:16 ပူးပေါင်းရင်းမြစ်များ

2 Reyes 11:12

Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Isaías 54:13

Nëjkxëp yë m'u'unk m'ëna'k nyaj'ijxpëjkta'atës ets aak jotkujk nëjkx y'itë.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Marcos 10:10

Ko ënety jap tëkoty yajpaatë, ënät ja Jesús ja y'ijxpëjkpëtëjk yajtëëwëtë mëti'ipë ja Jesús ënety të tmëtyä'äkyën.

Marcos 4:34

E xëmë ja Jesús ja ja'ay tyaj'ijxpëky mëët ja ijxpäjtën, ok ja y'ijxpëjkpëtëjk tukmëmëtyä'äky mëti'ipë jyatijpyën.

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

Deuteronomio 4:45

Ja ënä'ämën tëyajtën, ja aaw ayuk ets ja jot winma'any mëti'ipë tyukmëmëtyakën, ko jap tsyo'ontë Egiptë.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Dios ja kyajpnën ets ojts tnikäjpxy mëti'ipë ja Dios ënety kyajpxäämpyën.

Apocalipsis 10:4

Tamës ënety ntimkëjxja'ajanë wi'ix ja ënääw y'ëna'antën koos nmëtooy tu'uk ja ayuk tsajpjotm ets xynyëmaayës: Këtii xykyëxja'ay wi'ix të y'ëna'antën yë ënääw, yu'utsy mëët'at,

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Apocalipsis 5:1

Ënet tu'uk ja noky apëtity n'ijxyës tmëëtëty ma ja y'a'oykyë'ëjën mëti'ipë u'unyääpyën jam ma kutujktaknën. Nëkëjxy ets jootjoty ja noky wyinja'ayëty ets wëxtujkpëky tsyä'äyëty.

Apocalipsis 5:5

Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.