Isaías 8:13 - Biblia Dc en Mixe de Quetzaltepec

¹³ Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Biblia Mixe de Quetzaltepec

¹³ Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Isaías 8:13 ပူးပေါင်းရင်းမြစ်များ

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Dios. Ko ënety tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Malaquías 2:5

Yë nkäjpxytyu'unënës yë'ë ënety yajjotkujk'atanëp ets oy yajjuuky'atanëp yë Leví. Paatyës nmooy ets xywyinkutsë'ëkëtyës etsës xymyëjpëjkta'akëty ets yë'ë tëëjës xyjyänty wyinkutsë'ëkë ets tëëjës xyjyänty myëjpëjktä'äky.

Isaías 29:23

Ko ënety ja y'u'unk y'ok t'ixtë wi'ixës winë të ntunyën ma ja nyaax kyajpnëtyën, ënät nëjkx t'ijxpaatë ja nwa'ats'ajtënës ets nëjkxëpës xywyinkutsë'ëkëtë, maas ëjts nxëëwatyën Dios mëti'ipë Israel ja'ayëty kyënu'kxyjya'awëtëpën.

Génesis 31:53

Wä'än yë'ë tkëwentëpëky yë Dios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënet yë Jacob ojts tukë'ëwan tukë'ëyaaxë ja Dios mëti'ipë ënety jam y'ëëwmujk kyajpxmujktëpën, ja Dios mëti'ipë ja tyeety Isaac y'ëwtajtën.

Romanos 4:20

Ka'ap ojts tmëjot'amutskë ja Dios ja wyaantakën, wäänëni'ik jyaak timmyëpëjky. Ojts ja Dios tmëjjawë tjaantyjyawë,

Éxodo 20:20

Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Deuteronomio 14:23

Mëti'ipë ënety mpupëjktëpën oy yë'ëjëty yë tsajpmok, tsatym nyëë, ëkë on; ëkë wä'än yë'ëjëty ja më''ëka'anypë myinyën naaxwiiny, ejxtëm ja mjëyujk mtsajpkaajëtyën, mtsajppaxëty, ëkë mkupixynyëty, jam nëjkx xytsyu'utstë xyjyë'kxtë jam wyintum ma ja mWintsënëtyën, ma ja it naaxwiinyëtën mëti'ipë ënety yë'ë kë'ëm të twin'ixyën ets jam yaj'ëwtat yajmëjjawëty. Jëtu'un'äämpy xytyukjatëty wi'ix mëpaat ja Wintsën xëmë xywyinkutsë'ëkëtën.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënety winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënety mëtëy winë tuny.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

1 Samuel 11:7

Tääts mäjtsk yë tsajpkaa tyaj'o'ky ets tukpujxëtyääy, ojts tkäjxwä'kxy ma tëkokyë ja it naaxwiinyëtë tnitänën ja Israel kajpn. Ets ja kukäjpxyëty y'ëna'antë: Jëtu'un yajtunëty ja jyëyujk tsyajpkaa ja ja'ay mëti'ipë ka'ap tpuwa'akën ja Saúl ets ja Samuel. E komë ja ja'ayëty ojts ja tsë'ëkë tyuktëjkëtya'ajëtë, poj'am myujktaaytyë ets tpuwa'këtyë ja Saúl ets ja Samuel.