Isaías 8:11 - Biblia Dc en Mixe de Quetzaltepec

¹¹ Nkë'ëkëjxyës yë Wintsën të xytyimmatsy etsës të xy'ënëëmë ko ka'apës tääpë ja'ayëty mëpaat yë nyë'ë tyu'u npanëjkxë. Jëtu'un të xynyëëmës:

Biblia Mixe de Quetzaltepec

¹¹ Nkë'ëkëjxyës yë Wintsën të xytyimmatsy etsës të xy'ënëëmë ko ka'apës tääpë ja'ayëty mëpaat yë nyë'ë tyu'u npanëjkxë. Jëtu'un të xynyëëmës:

Isaías 8:11 ပူးပေါင်းရင်းမြစ်များ

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Jeremias 20:7

Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Proverbios 1:15

E mijts u'unk maay, këtii xypyanëjkxëty. Timnäjyëpëkët ma jëtu'unpë ëxëëk në'ë ëxëëk tu'ujën mëti'ipë yë'ëjëty pyanëjkxtëpën,

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

1 Reyes 18:46

E ja Elías, ni'ikyë ojts ja Wintsën jyotmëkmo'oyë, ets myëjaawmooyë, paaty jam tsyo'ony pëyi'ikyë ko nyäxyojxtaayë, ets jam jyäjty Jezreel ma ënety ja Ahab jam yajpaatyën.

Isaías 30:1

Jëtu'un ja Wintsën y'ënä'äny: Janty mon janty tuk yajpaatë ja u'unk ëna'k mëti'ipë ka'ap jyä'äkyukëtën, mëti'ipë winë tyuknipëjktakëtyëpën ets ka'apës xyajtëwtë, mëti'ipë tii tyuuntëpën ets ka'apës y'ëjtsëty nwinma'anymyo'otë, jëtu'un ni'ikyë ja pyoky tyajmayëtë.