Isaías 7:12 - Biblia Dc en Mixe de Quetzaltepec

¹² Ënet ja Ahaz y'ëtsooy: Ëjts nitiijës yë Wintsën nka''amëtowa'any ets ka'ap tjëkyepy nwinma'any'ixëtyës.

Biblia Mixe de Quetzaltepec

¹² Ënät ja Ahaz y'ëtsooy: Ëjts nitiijës yë Wintsën nka''amëtowa'any ets ka'ap tjëkyepy nwinma'any'ixëtyës.

Isaías 7:12 ပူးပေါင်းရင်းမြစ်များ

1 Corintios 10:9

Ka'ap ja Wintsën nwinma'any'ijxmëty, ijxtëm yë'ë ojts jënaakën y'ëtë'ëtstën mëti'ipëty ojts ja tsa'any kyutsu'utsëtën.

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Dios ets ka'ap wi'ix tyunëtë.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

2 Reyes 16:15

Tääts tuknipëjky ja teety Urías ets ja wintsë'kën jam tno'ok txamëty ma ja wintsë'këntyaknën jopyëp, ets ja wintsë'kën mëti'ipë aaypyajk ujts pajkën jënäkxyëëw tyakëty, ëpëky tyajkpëty ja yajkutujkpë ja wyintsë'kën ets ja aaypyajk ujtspajk ets ja uuky; ëpëky näjyëtu'un ja wiinkpë mëti'ipë ja naax kajpn jyä'ä'ajtëpën. Näyjyëtu'un tuknipëjky ets tëkokyë ja ne'pny mëti'ipë ënety pyijkpyën ma ja wintsë'kën të y'ookyën yë'ë tyuknixijkxëp ja wintsë'këntyakn, e ja wintsë'këntyakn mëti'ipë aak tsuxkpujxnën jääyë tyunëty ko ënety tii yajnijawëja'any.

Deuteronomio 6:16

Këtii nëkoo Wintsën je'eyë xywyinma'any'ixtëty tä ojts xytyuntën jam Masá.

Isaías 7:11

Amëtow yë mWintsën ets tyaj'ixëtëty yë myëj'ajtën, yë'ë mtuk'ixëp ko myëët'ajtyp yë mëk'ajtën tsajpkëjxm ets naaxpa'tkë'p.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.