Isaías 66:5 - Biblia Dc en Mixe de Quetzaltepec

⁵ Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Biblia Mixe de Quetzaltepec

⁵ Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Isaías 66:5 ပူးပေါင်းရင်းမြစ်များ

1 Reyes 21:29

¿Tëë xy'ixyë wi'ix yë Ahab yë jootwinpijtën të tmëët'atyë ets wi'ix ëmaay amutsk të nyäpyëjktä'äkyë ma ëjtsënë? Mëët yë'ë ko të mjootwinpity ets ëmaay amutsk të mnäypyëjktä'äkyë ma ëjtsën, yë'ë ets jyiiky myëku'uk ka'apës wi'ix ntuna'any ma tyam jyuuky'ätyën, jäänëm tëy nëjkx ja ëyo'on nyajkëtä'äkyës ko ënety yë'ë ja myaank jyuuky'äty.

2 Reyes 22:10

Ojts ja Safán näjyëtu'un tuk'ëwaanë ja yajkutujkpë, ko ënety ja teety Hilquías tu'uk ja noky të tpaaty ets të tyukë'ëtëkëty, tääts tukwinkukajpxëy.

2 Crónicas 34:27

ets ko tëë xyjyotmaypyiky ja aaw ayuk mëti'ipë të xymyëtoyën mëti'ipë ënety tunan jatanëpën ma mijtsën ets ma ya'atë naax kajpnën ets mëët ko tëë xyjyotmayjyawë ets të mjë'ëy të myä'äxy; ëjts nän tyamës n'ijxkuk nja'akyukë tëkokyë ya'atë. Jëtu'unës ëjts n'ëna'any, mëti'ipë Wintsën'ajtpën.

Esdras 9:4

Tëkokyë ja ja'ayëty mëti'ipë ënety të tpaatën jatëkok ja nyaax kyajpn ets mëti'ipë mëk tsyë'këtyëpën ko ja Wintsën tukjoot'anpëjkp ets ëxëëk xytyu'unmëty ko ja nëë poky nmëtëjkëmëty ma ja naax kajpnën, miintaaytyë ma ëjtsën, ëjts ka'apës ojts nwa'ayu'kxy, koonëm tpaty jënäkyxyëëw ma ja wintsë'kën yajyäkyën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 38:20

Mëti'ipës oy të njatunyën, ëxëëk të tuunwinpitë, ëjts njatsojkpyës winë oy ntunëty, e yë'ëjëty ni'ikyës xytyukjoot'anpëktë.

Proverbios 13:13

Mëti'ipë ja'ay tëë jyayaj'ëne'emyën, ets ka'ap tpatuny, ok tmëkjawë ko ënety ka'ap të tuny mëti'ipë të jyayajtuk'ëne'emyën. Mëti'ipë ja'ay wyinkutsë'këpën yë näy'ënä'ämë y'ëxajëp yë kyuma'ayën.

Cantares 1:6

Këtii yë'ë xy'ixtëty pën ëjts yëkës ets ko tëë yë xëëw'an xytsyä'äyës. Ëjts tëëjës yë nmëkä'äxtëjk xytyukjoot'anpëktë etsës të xytyuknipëktë ets tsatsymkyam nkëwen'atëtyës, yë'ëpaat yë nkam ntu'ujës ka'apës oy të n'ëkkëwent'ajnë.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 5:19

Miitsëty mëti'ipë ënantëpën: Wä'än yë Dios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Isaías 60:15

Ka'ap nëjkx naspëk nastunë m'ëk ijnë ets ka'ap nëjkx pën m'ëk ëxëëk'ijxënë; nän ka'ap nëjkx nätyu'uk m'ëkmoon m'ëktujknë, ëjts mijts nyaj'itäämpy xëmë, tsuj xoontä'äky ets jotkujk nëjkx y'itë ja m'u'unk m'ok.

Isaías 65:13

Paaty tyam ja Wintsën y'ënä'äny: Ëjts ja ntuunpëtëjk pyaatantëp ja kyääky y'uuky, e miitsëty ni'ikyë m'ayuu'ata'antë; yë'ëjëty nëjkxëp ja xyiktëpë xyoontëpë, e miitsëty je'eyë nëjkx myajnëxi'ik myajtukxi'iktë.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Jeremias 36:16

Ko jëtu'un tmëtoowtë, xim yam ja tsë'ëkë tyuktëjkëyëtë ets nyäy'ënanëtë: Kopkpëky yë yajkutujkpë yajtukmëtowa'any tu'kë'ëyë ya'atë aaw ayuk.

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Lucas 13:17

Ko ja Jesús jëtu'un y'ënäny, tääts ja myëtsip tsyëtyu'unpatë, e ja mayjyä'äy tyukxoontaktë tu'kë'ëyë mëti'ipë ja Jesús tyuunpyën mëjwiin këjää.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Juan 9:34

Ënet t'ënëmaaytyë: Mijts pokyjoty të mëxu'unk'aty, ¿ka'ap tjëkyepy xyaj'ijxpëktëtyës? Ets t'ixkäjxtë jap tsajptëkoty.

2 Tesalonicenses 1:12

Jëtu'un'äämpy ja nWintsën'ajtëm Jesús yajmëjjaw yajjaantyjyawëty mëët miitskyëjxmëty, ets ja Dios mëët ja Wintsën Jesukristë myajmëjnaxa'anëtë ko tmëët'aty ja y'oyjyot y'oywyinma'any.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

1 Juan 3:13

Mëku'uktëjkëty, këtii xymyëkjawëtë ko mkatsokëtë mëti'ipë kyuuyjyuuky'ajtëpën ja naaxwiinyëtë winma'any.