Isaías 66:23 - Biblia Dc en Mixe de Quetzaltepec

²³ Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Biblia Mixe de Quetzaltepec

²³ Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Isaías 66:23 ပူးပေါင်းရင်းမြစ်များ

2 Reyes 4:23

¿Ti ko nëjkx xy'ixa'any tyam? Jëtu'un yajtëëwë ja nyiye'etyëjk. Kajts po'o tyam pyi'k'aty ets ka'ap pyo'kxënxëëwëty. Këtii nëkoo may mtajy, jëtu'un y'ëtsooy ja to'oxytyëjk.

Salmos 22:28

Jä'ä ko yë Wintsën, yë'ë tu'uk Yajkutujkpë, ets yë'ë y'ënä'ämtääpy tëkokyë yë naax kajpn.

Salmos 65:2

jä'ä ko mijts wa'ats xymyëtoow'ity yë tsajpkäjpxy. Tëkokyë yë naaxwiinyëtë ja'ay jam myintë ma mijtsën.

Salmos 65:3

Xymyëmëtaktëp ëëtsëty ja nëë poky mëti'ipë yajtuunp yajkajpxpën, e mijts mme'kxyp yë tuuntëko'oy kajpxtëko'oyën.

Salmos 86:9

Mijts Wintsën, mijts të xyajkojy tëkokyë yë naax kajpn, yë'ë mniminanëtëp ets m'ëwtata'anëtë ets tukxoonta'aka'antë yë mxëëw.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Isaías 19:23

Nëjkxëp jyää'ajnë najxtakn mëjwiin këjää ma Egiptë ja'ayëty ets Asiria ja'ayëty nyäpyaatëtën. Jyëkyejpy yë Egiptë ja'ayëty jya'tëty Asiria ets Asiria ja'ayëty jam Egiptë. Egiptë ja'ayëty Asiria ja'ayëty tu'ukyë nëjkx ja Wintsën t'ëwtajnëtë.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Ezequiel 20:40

Tëkokyë yë Israel ja'ayëty jam nëjkx xy'ëwtatës maas yë wa'atspë nkopkën, jampë yajpaatyën nkajpnjotmës. Ëjts Wintsën ëjts ënaanp. Jamts jotkujk n'ëxajëtëty; jam n'amëtowa'antë yë ayajk ako'onën ets tmëmintëty mëti'ipë më''ëka'any yajpëtë'ktëpën ma nyaax kyamëtyën ets oy tyimtiijëty tiijës xytyukmëyoxantëp.

Ezequiel 45:17

e yë yajkutujkpë yë'ë yakëp ja jëyujk mëti'ipë yajnino'okëpën ets mëti'ipë tunaanpën ma yajyäkyën yë aaypyajk ujtspajk ets tsatym nyëë tëëpë nyimaanaxyën, mëti'ipë yajyajkpën ma po'o pyi'k'atyën, po'kxënxëëwpë ets ma winë tnixëëwtuntën jam Israel. Yë'ë nëjkx näjyëtu'un tyäky yë wintsë'kën mëti'ipë poky yajtukuyajkpën, yë aaypyajk ujtspajk ets jëyujk mëti'ipë yajnino'kpën ko yajtuny yë nay'ëëw'oy näykyajpx'oyë ets jëtu'un yë Israel ja'ayëty yajpokymyä'kxtëty.

Ezequiel 46:1

Ëjts Wintsën, jëtu'unës n'ëna'any: Yë tëjkëtyakn xëëwpëtsëmtsyowpë mëti'ipë yajpatpën jap tëja'p jootjotytsyow ëtuky y'itëty tëtujk xëëw, ma tyuunk xëëwëtyën; jää y'ëwa'atsëty po'kxënxëëw ets ko po'o pyi'k'atëty.

Ezequiel 46:6

Ma ënety yajnixëëwtunyën yë po'o u'unk, yë'ë jää yakëp tu'uk yë tsajpkaa ayääkë, tëtujk yë kupixyny u'unk ets tu'uk yë kupixyny yä'äy mëjpë, aakyë'ë oypyë mëkpë.

Zacarías 14:14

Ënet nëjkx ja Judá ja'ayëty ets ja Jerusalén ja'ayëty pyëtë'ëktë ets tpëjkëtya'atëty ja naax kajpn ja wyit myeeny, ja poop pujxn ets pu'ts pujxn ets wit tujkxy.

Zacarías 14:16

Ko ënety jëtu'un kyixy nyäxy, ja mëti'ipë juukyën të jyaakwë'ëmtën ma ja naax kajpnën, mëti'ipë ja Jerusalén kajpn nyipëtë'ktën, nän yë'ë nëjkx jatëkok myintë ets min t'ëwtatë ja yajkutujkpë, ja Wintsën mëti'ipë maaytyääyëpën winë ets tnixëëwtuntëty ja Tëjkxo'omy.

Zacarías 14:18

E pën yë Egiptë ja'ayëty ka'ap nyëjkxtë, tëytyunanëtëp yë Wintsën, jëtu'un tä ënety yajtëytyuntën yë naax kajpn mëti'ipë ka'ap nyëjkxtën jam xëëw'ijx xëëwpatpë ma yajnixëëwtunyën ja Tëjkxo'omy.

Zacarías 14:19

Jëtu'un nëjkx yajtëytyuntë ja Egiptë ja'ayëty ets tëkokyë ja naax kajpn mëti'ipë ënety ka'ap nyëjkxtën jam Jerusalén ma yajnixëëwtunyën ja Tëjkxo'omy.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Juan 4:23

Pyätyp ja xëëw jëmëjt, ets tyam jëtu'un të tpaaty, ma ja ja'ay t'ëwtata'antën ja Dios Teety mëtëypyë ijxtëm ja Dios ja Kyënu'kxymyëk'ajtën tsokyën. Jä'ä ko yë Dios Teety tsyojkpy ets jëtu'un yaj'ëwtatëty.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.