Isaías 66:14 - Biblia Dc en Mixe de Quetzaltepec

¹⁴ Ko ënety jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Biblia Mixe de Quetzaltepec

¹⁴ Ko ënäty jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Isaías 66:14 ပူးပေါင်းရင်းမြစ်များ

Zacarías 10:7

Yë Efraín jëtu'un tä tsiptuunpën nyaxa'any. Jotkujk yë jyot wyinma'any tjawëja'any tä jeexyë tsatym nyëë t'uukyën ets ko ënety ja y'u'unk y'ëna'k y'ixyë tääts näjyëtu'un jotkujk yajpaata'antë. Jotkujk yë jyot wyinma'any tjawëja'antë jä'ä ko yë Wintsën tsyokyë jyawëty.

Esdras 8:31

Ma myajkmäjtsk anyën ja mëët tu'uk po'opë, ma jajëmëjt tsyo'ontä'äkyën, jää jam ëëts ntso'ontë ma Ahavá mëjnëëjën ets ojts nëjkxtës jam Jerusalén. Mëj këjää yë Wintsën xypyutëjkëtyës, ka'apës maa wi'ix njajtë ets ka'ap ma pën ojts xy'atsë'ëk xy'ajawëtës.

Esdras 8:22

Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënety kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Proverbios 17:22

Mëk tsooy yë'ë ko ja'ay jotkujk nyäjyawëty; e ko ja'ay mon tuk nyäjyawëty, tim këjxtääpy tjawë yë jyot myëjaaw.

Proverbios 3:8

Yë'ë jëtu'un tu'uk mëk tsooy ets ja mjot mnini'kx tuk'oy'atëty.

Hebreos 10:27

yi'iyë ja ëyo'on njëjp'ijxënëp ets ja tëytyu'unën ets mëj jëën ma y'ëyowtëtyën mëti'ipë ja Dios myëtsip'ajtëpën.

Juan 16:22

Näyjyëtu'un miits tyam mmontë mtuktë; je'eyëp koos winpitaanpës jatëkok ets min n'ixa'antë ets jotkujk mnäjyawëtëty ets ni pën mkapëjkëtëty ja mxoontakënëty.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënety muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Esdras 8:18

E ja Wintsën tyuun ja mëyajtën, miin ja Serebías, Leví ja'ay, yë'ë y'ok yë Mahli, mëët tyimmiiny ja y'u'unk y'ëna'k ets ja myëkä'äxtëjk; nimajkmokxtëkëëk nyiwinë'ajtë.

Isaías 13:5

Jëkäm tsyoontë, nëë awinaxy. Yë'ë Wintsën mëët yë tyuunpäjn, mëti'ipë yajkutëkooyäämpyën tëkokyë ja naaxwiinyëtë.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

Isaías 30:27

Ëk'ixtë, yë Wintsën jëtu'un kë'ëm tyimminy tä ja'ayën mëti'ipë jëkäm tso'onpën; Ja jyoot'an yëkëm je'eyë wyinjojknë, ko kyäjpxy, aakjä'ä nyikäjpxyp ja o'kën tëko'oyën.

Isaías 33:20

Ixtë ja Sión kajpn, ma xëmë ja xëëw tyunyë jyätyën; najts'ixëtë jam Jerusalén, jam ma yajpaatyën ja jotkujk'ajtën, mëti'ipë mëkën, mëti'ipë ta'tspëkyën ma ja tsiptuunpëtëjk jyajta'aktën, mëti'ipë ta'tspëky nikupën ets ka'ap nijënu'un nyitejpxy pyoty.

Isaías 34:2

Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 41:20

ets tëkokyë yë ja'ay nijawëtëty, tmëmay tmëtajtëty ets tja'akyukëtëty, ko Dios winë të tyajkojy, mëti'ipë jam yajpatpën ma Israel ja'ayëtyën ets yë'ë winë të tpëjktä'äky.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Salmos 107:42

Ko jëtu'un t'ixtë yë oyjyä'äytyëjk, tääts tukxoonta'aktë, e yë ëxëëkja'aytyëjk ëxëëk nyäyjyawëtë ets amë'pxy wyë'ëmtë.

Isaías 59:18

Yë Wintsën kopkpëky ko ja'ay tukëpäjta'ay wi'ix winë të tuntën; ja myëtsip kopkpëky ko tyajkëjxtaja'any. Mëti'ipë ënety ëxëëk'ijxëpën ëxëëk tuna'any, oy yë'ëpaatëty ja'ay mëti'ipë nëë awinaxy yajpatëpën.