Isaías 65:9 - Biblia Dc en Mixe de Quetzaltepec

⁹ Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Biblia Mixe de Quetzaltepec

⁹ Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Isaías 65:9 ပူးပေါင်းရင်းမြစ်များ

Isaías 27:6

Ko xëëw jëmëjt tpaatëty, nëjkxëp ja tyikts y'aats tpëktë yë Jacob y'u'unk y'okëty, nëjkxëp yë Israel ja'ayëty xye'enty tpëjkta'aktë ets nëjkxëp oy yaj'ixtë nyaax kyajpnëty tä pëjyën, nëjkxëp tyajtuktuktë ja it naaxwiinyëtë.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Isaías 32:18

Jam nëjkx ja nnaax nkajpnës jyuuky'äty ma ja naax kajpnën akujkpë jotkujkpë, jam nëjkx jyuuky'äty oy tsuj ets katii kyajjotmaytyunëtëty ma jyëën tyëjkën,

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

Isaías 57:13

Ko ënety xy'amëtoy yë näypyutëkë, yë m'awinax ka'ap mputëkëja'anyë ets ka'ap myajtso'oka'anyë. Jëtu'unyë nëjkx wyimpapojta'atë; nëjkxëp pyojtëkooytya'atë. E mëti'ipës ënety ëjts xytyuk'ijxpäjtëpën, kajpnjoty nëjkx tsyëënëtë ets jam nëjkx tsyëënëtë maas nkopkën wa'atspë.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 65:15

Ja nja'ayës nëjkxëp tkajpxpaatë ja mxëëw ko ënety pën tpoktë ëkë ko ënety tsoktë pën y'ookëty. Ja ntuunpëtëjkës nyajtëkatsanëpës ja xyëëw.

Isaías 65:22

Ka'ap nëjkx ja'ay je'eyë jyëën tyëjk tkojy ets wiink ja'ay tuktsëënëty; ëkë nëjkx je'eyë tkojy tpeny mëti'ipë jyë'kxëp pyëkëpën, ets wiink ja'ay jyë'kxëp pyëkëp. Jeky jyuuky'ata'any yë nnaax nkajpnës, jëtu'un tä kepyën; yë ntuunpëtëjkës jotkujk nëjkx jyuuky'atë ko ënety tyuntë pyëktë.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Sofonías 3:20

Jä'ä xëëw miitsëty nyajmiina'antë ets nyajmuka'antë; ëjts nëjkx nyaj'oyës yë mjuukyajtënëty ets mëj'äämpy nyajnaxa'antë; nëjkxëp myaj'oyjyawëtë oymyaakajpnëty naaxwiinyëtë apëtsëmy.

Mateo 24:22

Ko jeexyë ja Dios ja ëyo'on jotmay tkayajkëxy tkayajnaxy, tsip jeexyë ets ja ja'ay tmëmëta'aktë, paaty tyajkëxa'any tyajnaxa'any jä'ä ko tsoky tjawë ja y'u'unk y'ëna'k mëti'ipë të twin'ixyën.

Romanos 11:28

Ja jutiis ja'ayëty mëtsip'ajtëtëp ja Dios, paaty miits ja Dios mkënu'kxëtë; je'eyëp ko Dios tsyojk'ëtëtsyp ja jutiis ja'ay jä'ä ko ojts oy jyuuky'atë ja y'aptëjkëty.