Isaías 65:7 - Biblia Dc en Mixe de Quetzaltepec

⁷ mëti'ipë të yajja'ay'ooktën ets ja tyeety tyaakëty ma näjyëtu'un të yajja'ay'ooktën. Yë'ëjëty tim no'k tim xaamtëp ijty jam tunkëjxm kopkëjxm ets ni'ikyë xyajjoot'anpëktës. Paatyës ntuknipëjktakënë ko yam winë npaye'eyä'änyës, ets ntukumëtowa'antës ijxtëm pyaat'atëtën. Yë Wintsën jëtu'un ënaanp.

Biblia Mixe de Quetzaltepec

⁷ mëti'ipë të yajja'ay'ooktën ets ja tyeety tyaakëty ma näjyëtu'un të yajja'ay'ooktën. Yë'ëjëty tim no'k tim xaamtëp ijty jam tunkëjxm kopkëjxm ets ni'ikyë xyajjoot'anpëktës. Paatyës ntuknipëjktakënë ko yam winë npaye'eyä'änyës, ets ntukumëtowa'antës ijxtëm pyaat'atëtën. Yë Wintsën jëtu'un ënaanp.

Isaías 65:7 ပူးပေါင်းရင်းမြစ်များ

Isaías 57:7

Jam yë mwëëty mmaapäjn të xypyëjktä'äky ma kopk kupi'tykyën; nän jam yë wintsë'kën të xyäky.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Jeremias 13:25

Mijts Israel jëtu'un mjata'any mkëpäta'any, mnitëjkëyëp jëtu'un mjatëty. Ëjts Wintsën, ëjts ënaanp. Mijts ojtsës xyjyä'äytyëkoy, ja awinax mëti'ipë ka'ap myëtëyëtyën yë'ë të xytyuk'ijxpety.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Daniel 9:8

Ëëtsëty, Wintsën, näjyëtu'un yë nyajkutujkpëtëjkëtyës, nwintsëntëjkëtyës, nkopktëjkëtyës ets n'ap n'okëtyës, wintsëtyu'un jëjptsëtyu'un ëëts näjyawëtë ko mijts të myajmëtëkoy.

Ezequiel 18:6

ka'ap jam nyijkxy kopkkëjxm ma ja'ay tnixëëwtunyën awinax ets ka'ap tuk'ijxpety ka'apë tiosëtyën mëti'ipë Israel ja'ayëty myëët'ajtëpën; ka'ap yë myëku'uk yë tyo'oxytyëjk t'atsojkë ets wyinkutsë'këp yë tyo'oxytyëjk ko y'ëmaay'ity;

Jeremias 5:29

¿Ets ënät ka'ap tkumëtowtëty mëët ijxtëm y'ëtë'ëtstënë? ¿Ets ënät ka'ap ntëytyuntëtyës ijxtëm jyä'äy'atënë? Ëjts Wintsën, ëjts ënaanp.

Jeremias 5:9

¿Ets ënät pën y'ënaanpëty ko ka'apës ntëytyuna'anyë? ¿Ets ënät n'ënaanpëtyës ko ka'ap ntukëpätëtyës ja nyëë pyokyë?

Isaías 65:6

E tyaapë tyunyë jyätyën aak këxja'ay myiny maas ëjtsën, ëjts ka'apës jëtu'unyë nyajninaxa'any ëkë je'eyë nnäkyë'ëmëkitanënës. Ëjts ëxëëkës yam ntuna'any tääpë ja'ayëty,

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

2 Reyes 16:4

Ojts tyajknë ja wintsë'kën ets ojts tyajtooy tyajjojknë ja poom ma ja awinaxyën japë y'itën ma ja tsajptëjkën ka'ap Dios tëjkëtyën, maajaty ja nitunën ets maajaty ja aay kepy mëjatyëtypë.

2 Reyes 15:35

ojts tyajkojy ja tsajptëjk'aaw jamtsow jëjp'am. Je'eyëp ko ka'ap tjëpëjktaay ja jëën tëjk ma ënety y'itën ja ka'apë tyiosëtyën ma ja ja'ay ja wyintsë'kën tyajktën ets ja pyoom tyajtoytyën.

2 Reyes 14:4

ka'ap kyutëkooy ja nyitëjk ja wiinkëtypë ja tios, ja ja'ayëty je'eyëm tyajktë ja wyintsë'kënëty ets ja pyoomëty tno'oktë txamtë.

2 Reyes 12:3

Je'eyëp tëy ko ka'ap ojts yajijta'ay ja tëjk ma ja'ay ijty t'ëwtatën ja ka'apë Wyintsënëtyën, jä'ä ko ja ja'ayëty je'eyëm jam ja wyintsë'kën ets ja pyoom tyaktë.

1 Reyes 22:43

Yë Josafat oy ojts winë tuny, jëtu'un tä ja tyeety Asá ojts winë tunyën. Ja tyuunk oy ojts ja Wintsën t'ixy. Je'eyëp ko ja awinax ets ja nyitsajptëjk ja ka'apë jeexyë t'ëwtatyën, ka'ap ojts jyëwä'äky ets kyutëkoy.

Lucas 6:38

Mo'otë ja ja'ay tii yajmëyäjtypyën, ets ja Dios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Dios winë mo'ojëtëty ijxtëm ënety ja ja'ay winë xymyo'otën.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Isaías 26:21

Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënety të y'ookyën.

Isaías 28:21

Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Isaías 29:14

E paatykyëjxmës të ntuknipëjktaakë koos nyaj'ixa'anyë ja nmëj'ajtën etsës tääpë naax kajpn jëtu'unyë amonyë nyajwë'ëma'any. Ja wyijy'ajtën ets ja kyëpetyajtënëty ja wyijyjyä'äytyëjkëty, jëtu'unyë nëjkx tyëkooytyä'äy.

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Isaías 30:14

jëtu'un nëjkx mjatë tä ja'ay tu'ts tukpu'ujën, mëti'ipë jëtu'unyë xijtëëpën ets tyëkooytyä'äy, nimaa tu'ts apu'uk kyawë'ëmy mëti'ipë jeexyë jëënpajk yajtukjä'äpë'kpën ëkë mëti'ipë jeexyë nëë jaakyajtukju'tpën.

Isaías 57:12

Ëjts nikajpxäämpyës yam wi'ix mtëkoyën, oy mja'ëna'any ko mwa'atsëty ets ko mëtëy winë xytyuny.

Isaías 59:18

Yë Wintsën kopkpëky ko ja'ay tukëpäjta'ay wi'ix winë të tuntën; ja myëtsip kopkpëky ko tyajkëjxtaja'any. Mëti'ipë ënety ëxëëk'ijxëpën ëxëëk tuna'any, oy yë'ëpaatëty ja'ay mëti'ipë nëë awinaxy yajpatëpën.

Isaías 66:4

Ëjts ntuknipëjktakëpës yam ets o'ktëy jyatëty kyëpätëty, ets tpaatëty mëti'ipë ëxëëk tsë'ëkëtën. Jä'ä ko ojtsës njamëkajpxtë, ni pën xykya'ëtsooyës; ojtsës njakäjpxy ets ni pën xykyamëtooyës; jä'ä tyuuntë mëti'ipë ka'ap n'oy'ixyënës ets jä'ä wyin'ijxtë ka'apë ntukjotkëtä'äkyënës.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.

1 Reyes 22:44

Josafat ojts ja nay'ëëw'oy näykyajpx'oyë tuny mëët ja yajkutujkpë jampë y'ëne'emyën Israel.

2 Crónicas 21:11

Ojts tkojy tsajptëjk ma ja'ay t'ëwtatën wiink wintsën, jam muum kopkkëjxm; yë'ë ojts ja naax kajpn yajwinma'anytyëkoyë ets ka'ap t'ëkmëj'ijxnëtë ja Wintsën mëti'ipë jamën Jerusalén ets ja y'aaw jyot ojts tyajkëjxtëkooynyëtë.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.